헬라어 문장 검색 - Παυσαν́Δεσξριπ́5́20́

(파우사니아스, Description of Greece, Ἠλιακῶν Α, chapter 20)

ἔστι δὲ ἐνταῦθα καὶ ἄλλα ἀναθήματα, κλίνη τε μέγεθοσ οὐ μεγάλη, τὰ πολλὰ ἐλέφαντι κεκοσμημένη, καὶ ὁ Ἰφίτου δίσκοσ καὶ τράπεζα ἐφ’ ἧσ προτίθενται τοῖσ νικῶσιν οἱ στέφανοι. τὴν μὲν δὴ Ἱπποδαμείασ λέγουσιν εἶναι παίγνιον· ὁ δὲ τοῦ Ἰφίτου δίσκοσ τὴν ἐκεχειρίαν, ἣν ἐπὶ τοῖσ Ὀλυμπίοισ ἐπαγγέλλουσιν Ἠλεῖοι, ταύτην οὐκ ἐσ εὐθὺ ἔχει γεγραμμένην, ἀλλὰ ἐσ κύκλου σχῆμα περίεισιν ἐπὶ τῷ δίσκῳ τὰ γράμματα. ἡ τράπεζα δὲ ἐλέφαντοσ μὲν πεποίηται καὶ χρυσοῦ, Κωλώτου δέ ἐστιν ἔργον·

εἶναι δέ φασιν ἐξ Ἡρακλείασ τὸν Κωλώτην, οἱ δὲ πολυπραγμονήσαντεσ σπουδῇ τὰ ἐσ τοὺσ πλάστασ Πάριον ἀποφαίνουσιν ὄντα αὐτόν, μαθητὴν Πασιτέλουσ, Πασιτέλη δὲ αὐτὸν διδαχθῆναι . καὶ Ἥρα τε καὶ Ζεὺσ καὶ θεῶν Μήτηρ καὶ Ἑρμῆσ καὶ Ἀπόλλων μετὰ Ἀρτέμιδοσ πεποίηται· ὄπισθε δὲ ἡ διάθεσίσ ἐστιν ἡ τοῦ ἀγῶνοσ. κατὰ δὲ ἑκατέραν πλευρὰν τῇ μὲν Ἀσκληπιὸσ καὶ τῶν Ἀσκληπιοῦ θυγατέρων Ὑγεία ἐστίν, ἔτι δὲ καὶ Ἄρησ καὶ Ἀγὼν παρ’ αὐτόν, τῇ δὲ Πλούτων καὶ Διόνυσοσ Περσεφόνη τε καὶ Νύμφαι, σφαῖραν αὐτῶν ἡ ἑτέρα φέρουσα·

αὐτῇ τὸν καλούμενον Αἵδην κεκλεῖσθαί τε ὑπὸ τοῦ Πλούτωνοσ καὶ ὡσ ἐπάνεισιν οὐδεὶσ αὖθισ ἐξ αὐτοῦ.

λόγον δέ, ὃν Ἀρίσταρχοσ ἔλεγεν ὁ τῶν Ὀλυμπίασιν ἐξηγητήσ, οὔ με εἰκὸσ ἦν παριδεῖν·

ὃσ ἐπὶ τῆσ ἡλικίασ ἔφη τῆσ ἑαυτοῦ τὸν ὄροφον τοῦ Ἡραίου πεπονηκότα ἐπανορθουμένων Ἠλείων ὁπλίτου νεκρὸν τραύματα ἔχοντα μεταξὺ ἀμφοτέρων εὑρεθῆναι, τῆσ τε ἐσ εὐπρέπειαν στέγησ καὶ τῆσ ἀνεχούσησ τὸν κέραμον· τοῦτον τὸν ἄνδρα μαχέσασθαι τὴν μάχην τὴν ἐντὸσ Ἄλτεωσ πρὸσ Λακεδαιμονίουσ Ἠλείων. καὶ γὰρ ἐπὶ τῶν θεῶν τὰ ἱερὰ καὶ ἐσ πάντα ὁμοίωσ τὰ ὑψηλὰ ἐπαναβαίνοντεσ ἠμύνοντο οἱ Ἠλεῖοι.

οὗτοσ δ’ οὖν ὁ ἀνὴρ ἐφαίνετο ἡμῖν ὑποδῦναι μὲν ἐνταῦθα λιποψυχήσασ ὑπὸ τραυμάτων· ὡσ δὲ ἀφῆκε τὴν ψυχήν, οὐκ ἔμελλεν ἄρα οὔτε πνῖγοσ θέρουσ οὔτε ἐν χειμῶνι κρυμὸσ ἔσεσθαι τῷ νεκρῷ βλάβοσ ἅτε ἐν σκέπῃ πάσῃ κειμένῳ. ἔλεγε δὲ καὶ τόδε ἔτι ὁ Ἀρίσταρχοσ, ὡσ ἐκκομίσαιντο ἐσ τὸ ἐκτὸσ τῆσ Ἄλτεωσ τὸν νεκρὸν καὶ ὁμοῦ τοῖσ ὅπλοισ γῇ κρύψαιεν. ἣν δὲ καλοῦσιν Οἰνομάου κίονα καὶ οἱ Ἠλεῖοι καλοῦσιν, ἔστι μὲν πρὸσ τὸ ἱερὸν τοῦ Διὸσ ἰόντι ἀπὸ τοῦ μεγάλου βωμοῦ·

τέσσαρεσ δέ εἰσιν ἐν ἀριστερᾷ κίονεσ καὶ ἐπ’ αὐτῶν ὄροφοσ, πεποίηνται δὲ ἔρυμα εἶναι ξυλίνῳ κίονι πεπονηκότι ὑπὸ τοῦ χρόνου καὶ τὰ πολλὰ ὑπὸ δεσμῶν συνεχομένῳ. οὗτοσ ὁ κίων ἐν οἰκίᾳ τοῦ Οἰνομάου, καθὰ λέγουσιν, εἱστήκει· κεραυνώσαντοσ δὲ τοῦ θεοῦ τὴν μὲν ἄλλην ἠφάνισεν οἰκίαν τὸ πῦρ, ὑπελίπετο δὲ τὸν κίονα ἐξ ἁπάσησ μόνον. πινάκιον δὲ πρὸ αὐτοῦ χαλκοῦν ἐλεγεῖα ἔχει γεγραμμένα·

καὶ γὰρ ἐγὼ κεινῶν εἴμ’ ὦ ξένε λείψανον οἴκων,στυλὶσ ἐν Οἰνομάου πρίν ποτ’ ἐοῦσα δόμοισ·

νῦν δὲ παρὰ Κρονίδην κεῖμαι τάδ’ ἔχουσα τὰ δεσμὰτίμιοσ· οὐδ’ ὀλοὴ δαίσατο φλόξ με πυρόσ. συνέβη δὲ καὶ ἄλλο κατ’ ἐμὲ τοιόνδε. ἀνὴρ βουλῆσ τῆσ Ῥωμαίων ἀνείλετο Ὀλυμπικὴν νίκην·

ἐθέλων δὲ ὑπολιπέσθαι τῆσ νίκησ ὑπόμνημα χαλκῆν εἰκόνα <σὺν> ἐπιγράμματι, ὤρυσσεν ἐσ ποίησιν βάθρου· καὶ ὡσ ἐγένετο ἐγγύτατα τὸ ὄρυγμα αὐτῷ τῆσ τοῦ Οἰνομάου κίονοσ, ἐνταῦθα εὑρ́ισκον οἱ ὀρύσσοντεσ καὶ ὅπλων καὶ χαλινῶν καὶ ψαλίων θραύματα. ταῦτα μὲν δὴ αὐτὸσ ἑώρων ὀρυσσόμενα·

ναὸν δὲ μεγέθει <οὐ> μέγαν καὶ ἐργασίᾳ Δώριον Μητρῷον καὶ ἐσ ἐμὲ καλοῦσιν ἔτι, τὸ ὄνομα αὐτῷ διασώζοντεσ τὸ ἀρχαῖον· κεῖται δὲ οὐκ ἄγαλμα ἐν αὐτῷ θεῶν Μητρόσ, βασιλέων δὲ ἑστήκασιν ἀνδριάντεσ Ῥωμαίων. ἔστι δὲ ἐντὸσ τῆσ Ἄλτεωσ τό <τε> Μητρῷον καὶ οἴκημα περιφερὲσ ὀνομαζόμενον Φιλιππεῖον· ἐπὶ κορυφῇ δέ ἐστι τοῦ Φιλιππείου μήκων χαλκῆ σύνδεσμοσ ταῖσ δοκοῖσ. τοῦτο τὸ οἴκημα ἔστι μὲν κατὰ τὴν ἔξοδον τὴν κατὰ τὸ πρυτανεῖον ἐν ἀριστερᾷ, πεποίηται δὲ ὀπτῆσ πλίνθου, κίονεσ δὲ περὶ αὐτὸ ἑστήκασι·

Φιλίππῳ δὲ ἐποιήθη μετὰ τὸ ἐν Χαιρωνείᾳ τὴν Ἑλλάδα ὀλισθεῖν. κεῖνται δὲ αὐτόθι Φίλιππόσ τε καὶ Ἀλέξανδροσ, σὺν δὲ αὐτοῖσ Ἀμύντασ ὁ Φιλίππου πατήρ· ἔργα δέ ἐστι καὶ ταῦτα Λεωχάρουσ ἐλέφαντοσ καὶ χρυσοῦ, καθὰ καὶ τῆσ Ὀλυμπιάδοσ καὶ Εὐρυδίκησ εἰσὶν αἱ εἰκόνεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 20

(파우사니아스, Description of Greece, Ἠλιακῶν Α, chapter 20)

상위

목록

SEARCH

MENU NAVIGATION