헬라어 문장 검색 - Παυσαν́Δεσξριπ́5́16́

(파우사니아스, Description of Greece, Ἠλιακῶν Α, chapter 16)

λείπεται δὲ τὸ μετὰ τοῦτο ἡμῖν τῆσ τε Ἥρασ ὁ ναὸσ καὶ ὁπόσα ἐστὶν ἐν τῷ ναῷ πρέποντα ἐσ συγγραφήν. λέγεται δὲ ὑπὸ Ἠλείων ὡσ Σκιλλούντιοι τῶν ἐν τῇ Τριφυλίᾳ πόλεών εἰσιν οἱ κατασκευασάμενοι τὸν ναὸν ὀκτὼ μάλιστα ἔτεσιν ὕστερον ἢ τὴν βασιλείαν τὴν ἐν Ἤλιδι ἐκτήσατο Ὄξυλοσ. ἐργασία μὲν δή ἐστι τοῦ ναοῦ Δώριοσ, κίονεσ δὲ περὶ πάντα ἑστήκασιν αὐτόν· ἐν δὲ τῷ ὀπισθοδόμῳ δρυὸσ ὁ ἕτεροσ τῶν κιόνων ἐστί. μῆκοσ δέ εἰσι τοῦ ναοῦ πόδεσ <ἐννέα καὶ ἑξήκοντα καὶ ἑκατόν, εὖροσ δὲ> τρεῖσ καὶ ἑξήκοντα<, τὸ δὲ ὕψοσ τῶν πεντήκοντα> οὐκ ἀποδεῖ· τὸν δὲ ἀρχιτέκτονα ὅστισ ἐγένετο οὐ μνημονεύουσι. διὰ πέμπτου δὲ ὑφαίνουσιν ἔτουσ τῇ Ἥρᾳ πέπλον αἱ ἓξ καὶ δέκα γυναῖκεσ·

αἱ δὲ αὐταὶ τιθέασι καὶ ἀγῶνα Ἡραῖα. ὁ δὲ ἀγών ἐστιν ἅμιλλα δρόμου παρθένοισ· οὔτι που πᾶσαι ἡλικίασ τῆσ αὐτῆσ, ἀλλὰ πρῶται μὲν αἱ νεώταται, μετὰ ταύτασ δὲ αἱ τῇ ἡλικίᾳ δεύτεραι, τελευταῖαι δὲ θέουσιν ὅσαι πρεσβύταται τῶν παρθένων εἰσί. θέουσι δὲ οὕτω·

καθεῖταί σφισιν ἡ κόμη, χιτὼν ὀλίγον ὑπὲρ γόνατοσ καθήκει, τὸν ὦμον ἄχρι τοῦ στήθουσ φαίνουσι τὸν δεξιόν. ἀποδεδειγμένον μὲν δὴ ἐσ τὸν ἀγῶνά ἐστι καὶ ταύταισ τὸ Ὀλυμπικὸν στάδιον, ἀφαιροῦσι δὲ αὐταῖσ ἐσ τὸν δρόμον τοῦ σταδίου τὸ ἕκτον μάλιστα· ταῖσ δὲ νικώσαισ ἐλαίασ τε διδόασι στεφάνουσ καὶ βοὸσ μοῖραν τεθυμένησ τῇ Ἥρᾳ, καὶ δὴ ἀναθεῖναί σφισιν ἔστι γραψαμέναισ εἰκόνασ.

εἰσὶ δὲ καὶ αἱ διακονούμεναι ταῖσ ἑκκαίδεκα κατὰ ταὐτὰ ταῖσ ἀγωνοθετούσαισ γυναῖκεσ. ἐπανάγουσι δὲ καὶ τῶν παρθένων τὸν ἀγῶνα ἐσ τὰ ἀρχαῖα, Ἱπποδάμειαν τῇ Ἤρᾳ τῶν γάμων τῶν Πέλοποσ ἐκτίνουσαν χάριν τάσ τε ἑκκαίδεκα ἀθροῖσαι γυναῖκασ λέγοντεσ καὶ σὺν αὐταῖσ διαθεῖναι πρώτην τὰ Ἡραῖα·

μνημονεύουσι δὲ καὶ ὅτι Χλῶρισ νικήσειεν Ἀμφίονοσ θυγάτηρ μόνη λειφθεῖσα τοῦ οἴκου. σὺν δὲ αὐτῇ καὶ ἕνα περιγενέσθαι φασὶ τῶν ἀρσένων· ἃ δὲ ἐσ τοὺσ Νιόβησ παῖδασ παρίστατο αὐτῷ μοι γινώσκειν, ἐν τοῖσ ἔχουσιν ἐσ Ἀργείουσ ἐδήλωσα. ἐσ δὲ τὰσ ἑκκαίδεκα γυναῖκασ καὶ ἄλλον τοιόνδε λέγουσιν ἐπὶ τῷ προτέρῳ λόγον.

Δαμοφῶντά φασι τυραννοῦντα ἐν Πίσῃ πολλά τε ἐργάσασθαι καὶ χαλεπὰ Ἠλείουσ· ὡσ δὲ ἐτελεύτησεν ὁ Δαμοφῶν ‐ οὐ γὰρ δὴ οἱ Πισαῖοι συνεχώρουν μετέχειν δημοσίᾳ τοῦ τυράννου τῶν ἁμαρτημάτων, καί πωσ ἀρεστὰ καὶ Ἠλείοισ ἐγένετο καταλύεσθαι τὰ ἐσ αὐτοὺσ ἐγκλήματα ‐ , οὕτωσ ἑκκαίδεκα οἰκουμένων τηνικαῦτα ἔτι ἐν τῇ Ἠλείᾳ πόλεων γυναῖκα ἀφ’ ἑκάστησ εἵλοντο διαλύειν τὰ διάφορά σφισιν, ἥτισ ἡλικίᾳ τε ἦν πρεσβυτάτη καὶ ἀξιώματι καὶ δόξῃ τῶν γυναικῶν προεῖχεν. αἱ πόλεισ δὲ ἀφ’ ὧν τὰσ γυναῖκασ εἵλοντο, ἦσαν Ἦλισ .

ἀπὸ τούτων μὲν αἱ γυναῖκεσ οὖσαι τῶν πόλεων Πισαίοισ διαλλαγὰσ πρὸσ Ἠλείουσ ἐποίησαν· ὕστερον δὲ καὶ τὸν ἀγῶνα ἐπετράπησαν ὑπ’ αὐτῶν θεῖναι τὰ Ἡραῖα καὶ ὑφήνασθαι τῇ Ἥρᾳ τὸν πέπλον.

αἱ δὲ ἑκκαίδεκα γυναῖκεσ καὶ χοροὺσ δύο ἱστᾶσι καὶ τὸν μὲν Φυσκόασ τῶν χορῶν, τὸν δὲ Ἱπποδαμείασ καλοῦσι· τὴν Φυσκόαν δὲ εἶναι ταύτην φασὶν ἐκ τῆσ Ἤλιδοσ τῆσ Κοίλησ, τῷ δήμῳ δὲ ἔνθα ᾤκησεν ὄνομα μὲν Ὀρθίαν εἶναι. ταύτῃ τῇ Φυσκόᾳ Διόνυσον συγγενέσθαι λέγουσι, Φυσκόαν δὲ ἐκ Διονύσου τεκεῖν παῖδα Ναρκαῖον·

τοῦτον, ὡσ ηὐξήθη, πολεμεῖν τοῖσ προσοίκοισ καὶ δυνάμεωσ ἐπὶ μέγα ἀρθῆναι, καὶ δὴ καὶ Ἀθηνᾶσ ἱερὸν ἐπίκλησιν Ναρκαίασ αὐτὸν ἱδρύσασθαι· Διονύσῳ τε τιμὰσ λέγουσιν ὑπὸ Ναρκαίου <καὶ> Φυσκόασ δοθῆναι πρώτων. Φυσκόασ μὲν δὴ γέρα καὶ ἄλλα καὶ χορὸσ ἐπώνυμοσ παρὰ τῶν ἑκκαίδεκα γυναικῶν, φυλάσσουσι δὲ οὐδὲν ἧσσον Ἠλεῖοι καὶ τἄλλα <καταλυθεισῶν> ὅμωσ τῶν πόλεων· νενεμημένοι γὰρ ἐσ ὀκτὼ φυλὰσ ἀφ’ ἑκάστησ αἱροῦνται γυναῖκασ δύο. ὁπόσα δὲ ἢ ταῖσ ἑκκαίδεκα γυναιξὶν ἢ τοῖσ ἑλλανοδικοῦσιν Ἠλείων δρᾶν καθέστηκεν, οὐ πρότερον δρῶσι πρὶν ἢ χοίρῳ τε ἐπιτηδείῳ πρὸσ καθαρμὸν καὶ ὕδατι ἀποκαθήρωνται.

γίνεται δέ σφισιν ἐπὶ κρήνῃ Πιέρᾳ τὰ καθάρσια· ἐκ δὲ Ὀλυμπίασ τὴν πεδιάδα ἐσ Ἦλιν ἐρχομένῳ πρὸσ τὴν πηγὴν ἀφικέσθαι τὴν Πιέραν ἔστι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 16

(파우사니아스, Description of Greece, Ἠλιακῶν Α, chapter 16)

상위

목록

SEARCH

MENU NAVIGATION