헬라어 문장 검색 - Παυσαν́Δεσξριπ́5́09́

(파우사니아스, Description of Greece, Ἠλιακῶν Α, chapter 9)

κατελύθη δὲ ἐν Ὀλυμπίᾳ καὶ ἀγωνίσματα, μεταδόξαν μηκέτι ἄγειν αὐτὰ Ἠλείοισ. πένταθλόν τε γὰρ παίδων ἐπὶ τῆσ ὀγδόησ Ὀλυμπιάδοσ καὶ τριακοστῆσ ἐτέθη, καὶ ἐπ’ αὐτῷ τὸν κότινον Εὐτελίδα Λακεδαιμονίου λαβόντοσ οὐκέτι ἀρεστὰ Ἠλείοισ ἦν πεντάθλουσ ἐσέρχεσθαι παῖδασ. τῆσ δὲ ἀπήνησ καὶ κάλπησ τὸν δρόμον, τὸν μὲν Ὀλυμπιάδι νομισθέντα ἑβδομηκοστῇ, τὸν δὲ τῆσ κάλπησ τῇ ἐφεξῆσ ταύτῃ, κήρυγμα ὑπὲρ ἀμφοτέρων ἐποιήσαντο ἐπὶ τῆσ τετάρτησ Ὀλυμπιάδοσ καὶ ὀγδοηκοστῆσ μήτε κάλπησ τοῦ λοιποῦ μήτε ἀπήνησ ἔσεσθαι δρόμον.

ὅτε δὲ ἐτέθη πρῶτον, Θερσίου μὲν ἀπήνη Θεσσαλοῦ, Παταίκου δὲ Ἀχαιοῦ τῶν ἐκ Δύμησ ἐνίκησεν ἡ κάλπη. ἦν δὲ ἡ μὲν θήλεια ἵπποσ, καὶ ἀπ’ αὐτῶν ἀποπηδῶντεσ ἐπὶ τῷ ἐσχάτῳ δρόμῳ συνέθεον οἱ ἀναβάται ταῖσ ἵπποισ εἰλημμένοι τῶν χαλινῶν, καθὰ καὶ ἐσ ἐμὲ ἔτι οἱ ἀναβάται καλούμενοι·

διάφορα δὲ τοῖσ ἀναβάταισ ἐσ τῆσ κάλπησ τὸν δρόμον τά τε σημεῖά ἐστι καὶ ἄρσενέσ σφισιν ὄντεσ οἱ ἵπποι. ἀπήνῃ δὲ οὔτε τῷ ἀνευρήματι οὐδὲν ἀρχαῖον οὔτε εὐπρέπεια αὐτῇ προσῆν, ἐπάρατόν τε Ἠλείοισ ἐκ παλαιοῦ καὶ ἀρχὴν γενέσθαι σφίσιν ἐν τῇ χώρᾳ τὸ ζῷον· ἦν γὰρ δὴ ἀπήνη κατὰ τὴν συνωρίδα ἡμιόνουσ ἀντὶ ἵππων ἔχουσα. ὁ δὲ κόσμοσ ὁ περὶ τὸν ἀγῶνα ἐφ’ ἡμῶν, ὡσ θύεσθαι τῷ θεῷ τὰ ἱερεῖα πεντάθλου μὲν καὶ δρόμου τῶν ἵππων ὕστερα<, τῶν δὲ λοιπῶν πρότερα> ἀγωνισμάτων, οὗτοσ κατέστη σφίσιν ὁ κόσμοσ Ὀλυμπιάδι ἑβδόμῃ πρὸσ ταῖσ ἑβδομήκοντα·

τὰ πρὸ τούτων δὲ ἐπὶ ἡμέρασ ἦγον τῆσ αὐτῆσ ὁμοίωσ καὶ ἀνθρώπων καὶ ἵππων ἀγῶνα. τότε δὲ προήχθησαν ἐσ νύκτα οἱ παγκρατιάζοντεσ ἅτε οὐ κατὰ καιρὸν ἐσκληθέντεσ, αἴτιοι δὲ ἐγένοντο οἵ τε ἵπποι καὶ ἐσ πλέον ἔτι ἡ τῶν πεντάθλων ἅμιλλα· καὶ ἐκράτει μὲν Ἀθηναῖοσ Καλλίασ τοὺσ παγκρατιάσαντασ, ἐμπόδιον δὲ οὐκ ἔμελλε παγκρατίῳ τοῦ λοιποῦ τὸ πένταθλον οὐδὲ οἱ ἵπποι γενήσεσθαι.

τὰ δὲ ἐπὶ τοῖσ ἀγωνοθετοῦσιν οὐ κατὰ τὰ αὐτὰ ἃ καθεστηκότα ἦν ἐξ ἀρχῆσ καὶ ἐφ’ ἡμῶν ἐσ αὐτοὺσ νομίζουσιν, ἀλλὰ Ἴφιτοσ μὲν τὸν ἀγῶνα ἔθηκεν αὐτὸσ μόνοσ, καὶ μετὰ Ἴφιτον ἐτίθεσαν ὡσαύτωσ οἱ ἀπὸ Ὀξύλου·

πεντηκοστῇ δὲ Ὀλυμπιάδι ἀνδράσι δύο ἐξ ἁπάντων λαχοῦσιν Ἠλείων ἐπετράπη ποιῆσαι τὰ Ὀλύμπια, καὶ ἐπὶ πλεῖστον ἀπὸ ἐκείνου διέμεινε τῶν ἀγωνοθετῶν ὁ ἀριθμὸσ τῶν δύο. πέμπτῃ δὲ Ὀλυμπιάδι καὶ ἐνενηκοστῇ ἐννέα ἑλλανοδίκασ κατέστησαν·

τρισὶ μὲν δὴ ἐπετέτραπτο ἐξ αὐτῶν ὁ δρόμοσ τῶν ἵππων, τοσούτοισ δὲ ἑτέροισ ἐπόπταισ εἶναι τοῦ πεντάθλου, τοῖσ δὲ ὑπολειπομένοισ τὰ λοιπὰ ἔμελε τῶν ἀγωνισμάτων. δευτέρᾳ δὲ ἀπὸ ταύτησ Ὀλυμπιάδι προσετέθη καὶ ὁ δέκατοσ ἀθλοθέτησ. ἐπὶ δὲ τῆσ τρίτησ καὶ ἑκατοστῆσ φυλαί τε Ἠλείοισ δώδεκα καὶ εἷσ ἀπὸ φυλῆσ ἑκάστησ ἐγένετο Ἑλλανοδίκησ. πιεσθέντεσ δὲ ὑπὸ Ἀρκάδων πολέμῳ μοῖράν τε ἀπέβαλον τῆσ γῆσ καὶ ὅσοι τῶν δήμων ἦσαν ἐν τῇ ἀποτμηθείσῃ χώρᾳ, καὶ οὕτωσ ἐσ ὀκτώ τε ἀριθμὸν φυλῶν ἐπὶ τῆσ τετάρτησ συνεστάλησαν Ὀλυμπιάδοσ καὶ ἑκατοστῆσ καὶ Ἑλλανοδίκαι σφίσιν ἴσοι ταῖσ φυλαῖσ ᾑρέθησαν.

ὀγδόῃ δὲ ἐπὶ ταῖσ ἑκατὸν Ὀλυμπιάδι ἐπανῆλθον αὖθισ ἐσ ἀνδρῶν δέκα ἀριθμόν, καὶ ἤδη τὸ ἀπὸ τούτου διαμεμένηκεν ἐσ ἡμᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 9

(파우사니아스, Description of Greece, Ἠλιακῶν Α, chapter 9)

상위

목록

SEARCH

MENU NAVIGATION