헬라어 문장 검색 - Παυσαν́Δεσξριπ́5́07́

(파우사니아스, Description of Greece, Ἠλιακῶν Α, chapter 7)

ἀφικομένῳ δὲ ἐσ Ὀλυμπίαν ἐνταῦθα ἤδη τὸ ὕδωρ ἐστὶ τοῦ Ἀλφειοῦ πλήθει τε πολὺ ἰδόντι καὶ ἥδιστον, ἅτε ποταμῶν καὶ ἄλλων καὶ λόγου μάλιστα ἀξίων ἑπτὰ ἐσ αὐτὸν ῥεόντων. διὰ Μεγάλησ μέν γε πόλεωσ Ἑλισσὼν ἐρχόμενοσ ἐκδίδωσιν ἐσ τὸν Ἀλφειόν, Βρενθεάτησ δὲ ἐκ τῆσ Μεγαλοπολιτῶν γῆσ, παρὰ δὲ Γόρτυναν ἔνθα ἱερὸν Ἀσκληπιοῦ, παρὰ δὴ ταῦτα Γορτύνιοσ ῥέων, ἐκ <δὲ> Μελαινεῶν Βουφάγοσ τῆσ Μεγαλοπολίτιδοσ μεταξὺ καὶ Ἡραιίτιδοσ χώρασ, ἐκ δὲ τῆσ Κλειτορίων Λάδων, ἐκ δὲ Ἐρυμάνθου τοῦ ὄρουσ ὁμώνυμοσ τῷ ὄρει. οὗτοι μὲν ἐξ Ἀρκαδίασ κατίασιν ἐσ τὸν Ἀλφειόν, Κλάδεοσ δὲ ἐρχόμενοσ ἐκ τῆσ Ἠλείασ συμμίσγει οἱ τὸ ῥεῦμα· αὐτῷ δὲ ἐν τῇ Ἀρκάδων τῷ Ἀλφειῷ καὶ οὐχὶ ἐκ τῆσ Ἠλείασ εἰσὶν αἱ πηγαί. λέγεται δὲ καὶ ἄλλα τοιάδε ἐσ τὸν Ἀλφειόν, ὡσ ἀνὴρ εἰή θηρευτήσ, ἐρασθῆναι δὲ αὐτὸν Ἀρεθούσησ, κυνηγετεῖν δὲ καὶ ταύτην.

καὶ Ἀρέθουσαν μὲν οὐκ ἀρεσκομένην γήμασθαι περαιωθῆναί φασιν ἐσ νῆσον τὴν κατὰ Συρακούσασ, καλουμένην δὲ Ὀρτυγίαν, καὶ ἐνταῦθα ἐξ ἀνθρώπου γενέσθαι πηγήν· συμβῆναι δὲ ὑπὸ τοῦ ἔρωτοσ καὶ Ἀλφειῷ τὴν ἀλλαγὴν ἐσ τὸν ποταμόν.

ταῦτα μὲν λόγου τοῦ ἐσ Ἀλφειὸν ἐσ τὴν Ὀρτυγίαν ·

τὸ δὲ διὰ τῆσ θαλάσσησ ἰόντα ἐνταῦθα ἀνακοινοῦσθαι τὸ ὕδωρ πρὸσ τὴν πηγὴν οὐκ ἔστιν ὅπωσ ἀπιστήσω, τὸν θεὸν ἐπιστάμενοσ τὸν ἐν Δελφοῖσ ὁμολογοῦντά σφισιν, ὃσ Ἀρχίαν τὸν Κορίνθιον ἐσ τὸν Συρακουσῶν ἀποστέλλων οἰκισμὸν καὶ τάδε εἶπε τὰ ἔπη· Ὀρτυγίη τισ κεῖται ἐν ἠεροειδέι πόντῳ,Θρινακίησ καθύπερθεν, ἵν’ Ἀλφειοῦ στόμα βλύζει. μισγόμενον πηγαῖσιν ἐυρρείτησ Ἀρεθούσησ. κατὰ τοῦτο οὖν, ὅτι τῇ Ἀρεθούσῃ τοῦ Ἀλφειοῦ τὸ ὕδωρ μίσγεται, καὶ τοῦ ἔρωτοσ τὴν φήμην τῷ ποταμῷ πείθομαι γενέσθαι. ὅσοι δὲ Ἑλλήνων ἢ Αἰγυπτίων ἐσ Αἰθιοπίαν <τὴν> ὑπὲρ Συήνησ καὶ ἐσ Μερόην Αἰθιόπων πόλιν ἀναβεβήκασι, λέγουσιν οὗτοι τὸν Νεῖλον, ἐσιόντα ἐσ λίμνην καὶ δι’ αὐτῆσ διεξιόντα ὥσπερ ἐκ χέρσου, μετὰ τοῦτο ἤδη δι’ Αἰθιοπίασ τῆσ κάτω καὶ ἐσ Αἴγυπτον ῥεύσαντα ἐπὶ Φάρον καὶ τὴν ταύτῃ θάλασσαν κατέρχεσθαι.

ἐν δὲ τῇ γῇ ποταμὸν τῇ Ἑβραίων Ιἄρδανον καὶ αὐτὸσ οἶδα λίμνην Τιβεριάδα ὀνομαζομένην διοδεύοντα, ἐσ δὲ λίμνην ἑτέραν καλουμένην θάλασσαν Νεκράν, ἐσ ταύτην ἐσιόντα καὶ ὑπὸ τῆσ λίμνησ αὐτὸν ἀναλούμενον. ἡ δὲ θάλασσα ἡ Νεκρὰ πάσχει παντὶ ὕδατι ἄλλῳ τὰ ἐναντία·

ἐν ᾗ γε τὰ μὲν ζῶντα πέφυκεν οὐ νηχόμενα ἐποχεῖσθαι, τὰ δὲ θνήσκοντα ἐσ βυθὸν χωρεῖν. ταύτῃ ἄκαρποσ καὶ ἰχθύων ἡ λίμνη· ἅτε ἀπὸ τοῦ φανερωτάτου κινδύνου ἐπὶ τὸ ὕδωρ ἀναφεύγουσιν ὀπίσω τὸ οἰκεῖον.

τῷ δὲ Ἀλφειῷ τὸ αὐτὸ πάσχει καὶ ὕδωρ ἄλλο ἐν Ιὠνίᾳ· τούτου δὲ τοῦ ὕδατοσ πηγὴ μέν ἐστιν ἐν Μυκάλῃ τῷ ὄρει, διεξελθὸν δὲ θάλασσαν τὴν μεταξὺ ἄνεισιν αὖθισ κατὰ Βραγχίδασ πρὸσ λιμένι ὀνομαζομένῳ Πανόρμῳ. ταῦτα μὲν δὴ ἔχει τρόπον τὸν εἰρημένον·

ἐσ δὲ τὸν ἀγῶνα τὸν Ὀλυμπικὸν λέγουσιν Ἠλείων οἱ τὰ ἀρχαιότατα μνημονεύοντεσ Κρόνον τὴν ἐν οὐρανῷ σχεῖν βασιλείαν πρῶτον καὶ ἐν Ὀλυμπίᾳ ποιηθῆναι Κρόνῳ ναὸν ὑπὸ τῶν τότε ἀνθρώπων, οἳ ὠνομάζοντο χρυσοῦν γένοσ· Διὸσ δὲ τεχθέντοσ ἐπιτρέψαι Ῥέαν τοῦ παιδὸσ τὴν φρουρὰν τοῖσ Ἰδαίοισ Δακτύλοισ, καλουμένοισ δὲ τοῖσ αὐτοῖσ τούτοισ καὶ Κούρησιν· ἀφικέσθαι δὲ αὐτοὺσ ἐξ Ἴδησ τῆσ Κρητικῆσ, πρὸσ Ἡρακλέα καὶ Παιωναῖον καὶ Ἐπιμήδην καὶ Ιἄσιόν τε καὶ Ἴδαν· τὸν δὲ Ἡρακλέα παίζοντα ‐ εἶναι γὰρ δὴ αὐτὸν πρεσβύτατον ἡλικίᾳ ‐ συμβαλεῖν τοὺσ ἀδελφοὺσ ἐσ ἅμιλλαν δρόμου καὶ τὸν νικήσαντα ἐξ αὐτῶν κλάδῳ στεφανῶσαι κοτίνου·

παρεῖναι δὲ αὐτοῖσ πολὺν δή τι οὕτω τὸν κότινον ὡσ τὰ χλωρὰ ἔτι τῶν φύλλων ὑπεστρῶσθαι σφᾶσ καθεύδοντασ. κομισθῆναι δὲ ἐκ τῆσ Ὑπερβορέων γῆσ τὸν κότινόν φασιν ὑπὸ τοῦ Ἡρακλέουσ ἐσ Ἕλληνασ, εἶναι δὲ ἀνθρώπουσ οἳ ὑπὲρ τὸν ἄνεμον οἰκοῦσι τὸν Βορέαν. πρῶτοσ μὲν ἐν ὕμνῳ τῷ ἐσ Ἀχαιίαν ἐποίησεν Ὠλὴν Λύκιοσ ἀφικέσθαι τὴν Ἀχαιίαν ἐσ Δῆλον ἐκ τῶν Ὑπερβορέων τούτων·

ἐσ Ὦπιν καὶ Ἑκαέργην ᾖσεν, ὡσ ἐκ τῶν Ὑπερβορέων καὶ αὗται πρότερον ἔτι τῆσ Ἀχαιίασ ἀφίκοντο καὶ ἐσ Δῆλον·

Ἀριστέασ <δὲ> γὰρ ὁ Προκοννήσιοσ ‐ μνήμην <γὰρ> ἐποιήσατο Ὑπερβορέων καὶ οὗτοσ ‐ τάχα τι καὶ πλέον περὶ αὐτῶν πεπυσμένοσ <ἂν> εἰή παρὰ Ἰσσηδόνων, ἐσ οὓσ ἀφικέσθαι φησὶν ἐν τοῖσ ἔπεσιν.

Ἡρακλεῖ οὖν πρόσεστι τῷ Ἰδαίῳ δόξα τὸν τότε ἀγῶνα διαθεῖναι πρώτῳ καὶ Ὀλύμπια ὄνομα θέσθαι· διὰ πέμπτου οὖν ἔτουσ αὐτὸν κατεστήσατο ἄγεσθαι, ὅτι αὐτόσ τε καὶ οἱ ἀδελφοὶ πέντε ἦσαν ἀριθμόν. Δία δὴ οἱ μὲν ἐνταῦθα παλαῖσαι καὶ αὐτῷ Κρόνῳ περὶ τῆσ ἀρχῆσ, οἱ δὲ ἐπὶ κατειργασμένῳ ἀγωνοθετῆσαί φασιν αὐτόν·

νικῆσαι δὲ ἄλλοι τε λέγονται καὶ ὅτι Ἀπόλλων παραδράμοι μὲν ἐρίζοντα Ἑρμῆν, κρατήσαι δὲ Ἄρεωσ πυγμῇ. τούτου δὲ ἕνεκα καὶ τὸ αὔλημα τὸ Πυθικόν φασι τῷ πηδήματι ἐπεισαχθῆναι τῶν πεντάθλων, ὡσ τὸ μὲν ἱερὸν τοῦ Ἀπόλλωνοσ τὸ αὔλημα ὄν, τὸν Ἀπόλλωνα δὲ ἀνῃρημένον Ὀλυμπικὰσ νίκασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 7

(파우사니아스, Description of Greece, Ἠλιακῶν Α, chapter 7)

상위

목록

SEARCH

MENU NAVIGATION