Lysias, Speeches, Κατὰ Φίλωνοσ δοκιμασίας 34:

ἀλλ’ ἄρα ἵνα βελτίουσ ὦσιν οἱ πολῖται ὁρῶντεσ ἅπαντασ ὁμοίωσ τιμωμένουσ, διὰ τοῦτο δοκιμαστέοσ ἐστίν; ἀλλὰ κίνδυνοσ καὶ τοὺσ χρηστούσ ἐὰν αἰσθάνωνται ὁμοίωσ τοῖσ πονηροῖσ τιμώμενοι, παύσεσθαι τῶν χρηστῶν ἐπιτηδευμάτων, τῶν αὐτῶν ἡγουμένουσ εἶναι τούσ τε κακοὺσ τιμᾶν καὶ τῶν ἀγαθῶν ἀμνημονεῖν· ἄξιον δὲ καὶ τόδε ἐνθυμηθῆναι, ὅτι εἰ μέν τισ φρούριόν τι προὔδωκεν ἢ ναῦν ἢ στρατόπεδόν τι, ἐν ᾧ μέροσ τι ἐτύγχανε τῶν πολιτῶν ὄν, ταῖσ ἐσχάταισ ἂν ζημίαισ ἐζημιοῦτο, οὗτοσ δὲ προδοὺσ ὅλην τὴν πόλιν οὐχ ὅπωσ <μὴ> τιμωρηθήσεται <ἀλλὰ καὶ ὅπωσ τιμήσεται> παρασκευάζεται.