헬라어 문장 검색 - Λψσιασ́Σπεεξηέ30́

(리시아스, Speeches, Κατὰ Νικομάχουγραμματέωσ εὐθυνῶν κατηγορία)

ἤδη, ὦ ἄνδρεσ δικασταί, τινὲσ εἰσ κρίσιν καταστάντεσ ἀδικεῖν μὲν ἔδοξαν, ἀποφαίνοντεσ δὲ τὰσ τῶν προγόνων ἀρετὰσ καὶ τὰσ σφετέρασ αὐτῶν εὐεργεσίασ συγγνώμησ ἔτυχον παρ’ ὑμῶν. ἐπειδὴ τοίνυν καὶ τῶν ἀπολογουμένων ἀποδέχεσθε, ἐάν τι ἀγαθὸν φαίνωνται τὴν πόλιν πεποιηκότεσ, ἄξιον καὶ τῶν κατηγόρων ὑμᾶσ ἀκροάσασθαι, ἐὰν ἀποφαίνωσι τοὺσ φεύγοντασ πάλαι πονηροὺσ ὄντασ. ὅτι μὲν τοίνυν ὁ πατὴρ ὁ Νικομάχου δημόσιοσ ἦν, καὶ οἱᾶ νέοσ ὢν οὗτοσ ἐπετήδευσε, καὶ ὅσα ἔτη γεγονὼσ εἰσ τοὺσ φράτερασ εἰσήχθη, πολὺ ἂν ἔργον εἰή, λέγειν· ἐπειδὴ δὲ τῶν νόμων ἀναγραφεὺσ ἐγένετο, τίσ οὐκ οἶδεν οἱᾶ τὴν πόλιν ἐλυμήνατο;

προσταχθὲν γὰρ αὐτῷ τεττάρων μηνῶν ἀναγράψαι τοὺσ νόμουσ τοὺσ Σόλωνοσ, ἀντὶ μὲν Σόλωνοσ αὑτὸν νομοθέτην κατέστησεν, ἀντὶ δὲ τεττάρων μηνῶν ἑξέτη τὴν ἀρχὴν ἐποιήσατο, καθ’ ἑκάστην δὲ ἡμέραν ἀργύριον λαμβάνων τοὺσ μὲν ἐνέγραφε τοὺσ δὲ ἐξήλειφεν. εἰσ τοῦτο δὲ κατέστημεν ὥστε ἐκ τῆσ τούτου χειρὸσ ἐταμιευόμεθα τοὺσ νόμουσ καὶ οἱ ἀντίδικοι ἐπὶ τοῖσ δικαστηρίοισ ἐναντίουσ παρείχοντο, ἀμφότεροι παρὰ Νικομάχου φάσκοντεσ εἰληφέναι.

ἐπιβαλλόντων δὲ τῶν ἀρχόντων ἐπιβολὰσ καὶ εἰσαγόντων εἰσ τὸ δικαστήριον οὐκ ἠθέλησε παραδοῦναι τοὺσ νόμουσ· ἀλλὰ πρότερον ἡ πόλισ εἰσ τὰσ μεγίστασ συμφορὰσ κατέστη, πρὶν τοῦτον ἀπαλλαγῆναι τῆσ ἀρχῆσ καὶ τῶν πεπραγμένων εὐθύνασ ὑποσχεῖν. καὶ γάρ τοι, ὦ ἄνδρεσ δικασταί, ἐπειδὴ ἐκείνων δίκην οὐ δέδωκεν, ὁμοίαν καὶ νῦν τὴν ἀρχὴν κατεστήσατο, ὅστισ πρῶτον μὲν τέτταρα ἔτη ἀνέγραψεν, ἐξὸν αὐτῷ τριάκοντα ἡμερῶν ἀπαλλαγῆναι·

αὐτὸσ δημόσιοσ ὤν.

ὑμᾶσ τοίνυν χρή, ὦ ἄνδρεσ δικασταί, ἀναμνησθέντασ καὶ τῶν προγόνων τῶν Νικομάχου, οἵτινεσ ἦσαν, καὶ οὗτοσ ὡσ ἀχαρίστωσ ὑμῖν προσενήνεκται παρανομήσασ, κολάσαι αὐτόν, καὶ ἐπειδὴ ἑνὸσ ἑκάστου δίκην οὐκ εἰλήφατε, νῦν ὑπὲρ ἁπάντων γοῦν τὴν τιμωρίαν ποιήσασθαι. ἴσωσ δέ, ὦ ἄνδρεσ δικασταί, ἐπειδὰν περὶ αὑτοῦ μηδὲν δύνηται ἀπολογεῖσθαι, ἐμὲ διαβάλλειν πειράσεται.

τότε δὲ περὶ τῶν ἐμῶν τούτῳ ἀξιῶ πιστεύειν ὑμᾶσ, ὁπόταν ἀπολογίασ ἐμοὶ δοθείσησ μὴ δύνωμαι ψευδόμενον αὐτὸν ἐξελέγξαι. ἐὰν δ’ ἄρα ἐπιχειρῇ λέγειν ἅπερ ἐν τῇ βουλῇ, ὡσ ἐγὼ τῶν τετρακοσίων ἐγενόμην, ἐνθυμεῖσθε ὅτι ἐκ τῶν τοιαῦτα λεγόντων τῶν τετρακοσίων πλεῖν ἢ χίλιοι γενήσονται· καὶ γὰρ τοὺσ ἔτι παῖδασ ὄντασ ἐν ἐκείνῳ τῷ χρόνῳ καὶ τοὺσ ἀποδημοῦντασ οἱ διαβάλλειν βουλόμενοι ταῦτα λοιδοροῦσιν. ἐγὼ δὲ οὕτω πολλοῦ ἐδέησα τῶν τετρακοσίων γενέσθαι, ὥστε οὐδὲ τῶν πεντακισχιλίων κατελέγην.

δεινὸν δέ μοι δοκεῖ εἶναι ὅτι, εἰ μὲν περὶ ἰδίων συμβολαίων ἀγωνιζόμενοσ οὕτω φανερῶσ ἐξήλεγχον αὐτὸν ἀδικοῦντα, οὐδ’ ἂν αὐτὸσ ἠξίωσε τοιαῦτα ἀπολογούμενοσ ἀποφεύγειν, νυνὶ δὲ περὶ τῶν τῆσ πόλεωσ κρινόμενοσ οἰήσεται χρῆναι ἐμοῦ κατηγορῶν ὑμῖν μὴ δοῦναι δίκην. ἔτι δὲ εἶναι θαυμαστὸν νομίζω Νικόμαχον ἑτέροισ ἀδίκωσ μνησικακεῖν ἀξιοῦν, ὃν ἐγὼ ἐπιβουλεύσαντα τῷ πλήθει ἀποδείξω.

καί μου ἀκούσατε· δίκαιον γάρ, ὦ ἄνδρεσ δικασταί, περὶ τῶν τοιούτων ἀνθρώπων τὰσ τοιαύτασ κατηγορίασ ἀποδέχεσθαι, οἵτινεσ τότε συγκαταλύσαντεσ τὸν δῆμον νυνὶ δημοτικοί φασιν εἶναι. ἐπειδὴ γὰρ ἀπολομένων τῶν νεῶν ἡ μετάστασισ ἐπράττετο, Κλεοφῶν τὴν βουλὴν ἐλοιδόρει, φάσκων συνεστάναι καὶ <οὐ> τὰ βέλτιστα βουλεύειν τῇ πόλει.

Σάτυροσ δ’ ὁ Κηφισιεὺσ βουλεύων ἔπεισε τὴν βουλὴν δήσαντασ αὐτὸν παραδοῦναι δικαστηρίῳ. οἱ δὲ βουλόμενοι αὐτὸν ἀπολέσαι, δεδιότεσ μὴ οὐκ ἀποκτείνωσιν ἐν τῷ δικαστηρίῳ, πείθουσι Νικόμαχον νόμον ἀποδεῖξαι ὡσ χρὴ καὶ τὴν βουλὴν συνδικάζειν. καὶ ὁ πάντων οὗτοσ πονηρότατοσ οὕτωσ φανερῶσ συνεστασίασεν, ὥστε τῇ ἡμέρᾳ ᾗ ἡ κρίσισ ἐγένετο ἀποδεῖξαι τὸν νόμον.

Κλεοφῶντοσ τοίνυν, ὦ ἄνδρεσ δικασταί, ἕτερα μὲν ἄν τισ ἔχοι κατηγορῆσαι·

τοῦτο δὲ παρὰ πάντων ὁμολογεῖται, ὅτι οἱ καταλύοντεσ τὸν δῆμον ἐκεῖνον ἐβούλοντο μάλιστα τῶν πολιτῶν ἐκποδὼν γενέσθαι, καὶ ὅτι Σάτυροσ καὶ Χρέμων οἱ τῶν τριάκοντα γενόμενοι οὐχ ὑπὲρ ὑμῶν ὀργιζόμενοι Κλεοφῶντοσ κατηγόρουν, ἀλλ’ ἵνα ἐκεῖνον ἀποκτείναντεσ αὐτοὶ αὑτοὶ ὑμᾶσ κακῶσ ποιῶσι. καὶ ταῦτα διεπράξαντο διὰ τὸν νόμον ὃν Νικόμαχοσ ἀπέδειξεν.

εἰκὸσ τοίνυν, ὦ ἄνδρεσ δικασταί, ἐνθυμεῖσθαι καὶ ὁπόσοι ὑμῶν ἐνόμιζον Κλεοφῶντα κακὸν πολίτην εἶναι, ὅτι καὶ τῶν ἐν τῇ ὀλιγαρχίᾳ ἀποθανόντων ἴσωσ τισ ἦν πονηρόσ, ἀλλ’ ὅμωσ καὶ διὰ τοὺσ τοιούτουσ ὠργίζεσθε τοῖσ τριάκοντα, ὅτι οὐ τῶν ἀδικημάτων ἕνεκα ἀλλὰ κατὰ στάσιν αὐτοὺσ ἀπέκτειναν. ἐὰν οὖν πρὸσ ταῦτα ἀπολογῆται, τοσοῦτον μέμνησθε, ὅτι ἐν τοιούτῳ καιρῷ τὸν νόμον ἀπέδειξεν ἐν ᾧ ἡ πολιτεία μεθίστατο, καὶ τούτοισ χαριζόμενοσ οἳ τὸν δῆμον κατέλυσαν, καὶ ταύτην τὴν βουλὴν συνδικάζειν ἐποίησεν ἐν ᾗ Σάτυροσ μὲν καὶ Χρέμων μέγιστον ἐδύναντο, Στρομβιχίδησ δὲ καὶ Καλλιάδησ καὶ ἕτεροι πολλοὶ καὶ καλοὶ κἀγαθοὶ τῶν πολιτῶν ἀπώλλυντο.

καὶ περὶ τούτων οὐδένα ἂν ἐποιησάμην λόγον, εἰ μὴ ᾐσθανόμην αὐτὸν ὡσ δημοτικὸν ὄντα πειρασόμενον παρὰ τὸ δίκαιον σῴζεσθαι, καὶ τῆσ εὐνοίασ τῆσ εἰσ τὸ πλῆθοσ τεκμηρίῳ χρησόμενον ὅτι ἔφυγεν.

ἐγὼ δὲ καὶ ἑτέρουσ ἂν ἔχοιμι ἐπιδεῖξαι τῶν συγκαταλυσάντων τὸν δῆμον τοὺσ μὲν ἀποθανόντασ, τοὺσ δὲ φυγόντασ τε καὶ οὐ μετασχόντασ τῆσ πολιτείασ, ὥστε οὐδένα εἰκὸσ αὐτῷ τούτου ὑπόλογον γενέσθαι. τοῦ μὲν γὰρ ὑμᾶσ φυγεῖν μέροσ τι καὶ οὗτοσ συνεβάλετο, τοῦ δὲ τοῦτον κατελθεῖν τὸ πλῆθοσ τὸ ὑμέτερον αἴτιον ἐγένετο.

ἔτι δὲ καὶ δεινόν, εἰ ὧν μὲν ἄκων ἔπαθε χάριν αὐτῷ εἴσεσθε, ὧν δ’ ἑκὼν ἐξήμαρτε μηδεμίαν τιμωρίαν ποιήσεσθε. πυνθάνομαι δὲ αὐτὸν λέγειν ὡσ ἀσεβῶ καταλύων τὰσ θυσίασ.

ἐγὼ δ’ εἰ μὲν νόμουσ ἐτίθην περὶ τῆσ ἀναγραφῆσ, ἡγούμην ἂν ἐξεῖναι Νικομάχῳ τοιαῦτα εἰπεῖν περὶ ἐμοῦ· νῦν δὲ τοῖσ κοινοῖσ καὶ κειμένοισ ἀξιῶ τοῦτον πείθεσθαι. θαυμάζω δὲ εἰ μὴ ἐνθυμεῖται, ὅταν ἐμὲ φάσκῃ ἀσεβεῖν λέγοντα ὡσ χρὴ θύειν τὰσ θυσίασ τὰσ ἐκ τῶν κύρβεων καὶ τῶν στηλῶν κατὰ τὰσ συγγραφάσ, ὅτι καὶ τῆσ πόλεωσ κατηγορεῖ· ταῦτα γὰρ ὑμεῖσ ἐψηφίσασθε. ἔπειτα εἰ ταῦτα νομίζεισ δεινά, ἦ που σφόδρα ἐκείνουσ ἡγεῖ ἀδικεῖν, οἳ τὰ ἐκ τῶν κύρβεων μόνον ἔθυον. καίτοι, ὦ ἄνδρεσ δικασταί, περὶ εὐσεβείασ οὐ παρὰ Νικομάχου χρὴ μανθάνειν, ἀλλ’ ἐκ τῶν γεγενημένων σκοπεῖν.

οἱ τοίνυν πρόγονοι τὰ ἐκ τῶν κύρβεων θύοντεσ μεγίστην καὶ εὐδαιμονεστάτην τῶν Ἑλληνίδων τὴν πόλιν παρέδοσαν, ὥστε ἄξιον ἡμῖν τὰσ αὐτὰσ ἐκείνοισ θυσίασ ποιεῖσθαι, καὶ εἰ μηδὲν δι’ ἄλλο, τῆσ τύχησ ἕνεκα τῆσ ἐξ ἐκείνων τῶν ἱερῶν γεγενημένησ. πῶσ δ’ ἄν τισ εὐσεβέστεροσ γένοιτο ἐμοῦ, ὅστισ ἀξιῶ πρῶτον μὲν κατὰ τὰ πάτρια θύειν, ἔπειτα ἃ μᾶλλον συμφέρει τῇ πόλει, ἔτι δὲ ἃ ὁ δῆμοσ ἐψηφίσατο καὶ δυνησόμεθα δαπανᾶν ἐκ τῶν προσιόντων χρημάτων;

σὺ δέ, ὦ Νικόμαχε, τούτων τἀναντία πεποίηκασ· ἀναγράψασ γὰρ πλείω τῶν προσταχθέντων αἴτιοσ γεγένησαι τὰ προσιόντα χρήματα εἰσ ταῦτα μὲν ἀναλίσκεσθαι, ἐν δὲ ταῖσ πατρίοισ θυσίαισ ἐπιλείπειν. αὐτίκα πέρυσιν ἱερὰ ἄθυτα τριῶν ταλάντων γεγένηται τῶν ἐν ταῖσ κύρβεσι γεγραμμένων.

καὶ οὐχ οἱο͂́ν τε εἰπεῖν ὡσ οὐχ ἱκανὰ ἦν ἃ προσῆλθε τῇ πόλει· εἰ γὰρ οὗτοσ μὴ πλείω ἀνέγραψεν ἓξ ταλάντοισ, εἴσ τε τὰσ θυσίασ τὰσ πατρίουσ ἂν ἐξήρκεσε καὶ τρία τάλαντα ἂν περιεγένετο τῇ πόλει. περὶ δὲ τῶν εἰρημένων καὶ μάρτυρασ ὑμῖν παρέξομαι. Μάρτυρεσ ἐνθυμεῖσθε τοίνυν, ὧ ἄνδρεσ δικασταί, ὅτι, ὅταν μὲν κατὰ τὰσ συγγραφὰσ ποιῶμεν, ἅπαντα τὰ πάτρια θύεται, ἐπειδὰν δὲ κατὰ τὰσ στήλασ ἃσ οὗτοσ ἀνέγραψε, πολλὰ τῶν ἱερῶν καταλύεται. κἀν τούτοισ ὁ ἱερόσυλοσ περιτρέχει, λέγων ὡσ εὐσέβειαν ἀλλ’ οὐκ εὐτέλειαν ἀνέγραψε·

καὶ εἰ μὴ ταῦτα ὑμῖν ἀρέσκει, ἐξαλείφειν κελεύει, καὶ ἐκ τούτων οἰέται πείθειν ὡσ οὐδὲν ἀδικεῖ· καὶ ταῦτα ὁρῶν αὐτὴν ἀποροῦσαν χρημάτων καὶ Λακεδαιμονίουσ μὲν ἀπειλοῦντασ, ὅταν μὴ ἀποπέμψωμεν αὐτοῖσ τὰ χρήματα, Βοιωτοὺσ δὲ σύλασ ποιουμένουσ, ὅτι οὐ δυνάμεθα δύο τάλαντα ἀποδοῦναι, τοὺσ δὲ νεωσοίκουσ <καὶ> τὰ τείχη περικαταρρέοντα, εἰδὼσ δὲ ὅτι ἡ βουλὴ ἡ <ἀεὶ> βουλεύουσα, ὅταν μὲν ἔχῃ ἱκανὰ χρήματα εἰσ διοίκησιν, οὐδὲν ἐξαμαρτάνει, ὅταν δὲ εἰσ ἀπορίαν καταστῇ, ἀναγκάζεται εἰσαγγελίασ δέχεσθαι καὶ δημεύειν τὰ τῶν πολιτῶν καὶ τῶν ῥητόρων τοῖσ <τὰ> πονηρότατα λέγουσι πείθεσθαι.

χρὴ τοίνυν, ὦ ἄνδρεσ δικασταί, μὴ τοῖσ βουλεύουσιν ἑκάστοτε ὀργίζεσθαι, ἀλλὰ τοῖσ εἰσ τοιαύτασ ἀπορίασ καθιστᾶσι τὴν πόλιν.

προσέχουσι <δὲ> τὸν νοῦν οἱ βουλόμενοι τὰ κοινὰ κλέπτειν, ὅπωσ Νικόμαχοσ ἀγωνιεῖται· οἷσ ὑμεῖσ, ἐὰν μὴ τοῦτον τιμωρήσησθε, πολλὴν ἄδειαν ποιήσετε· ἐὰν δὲ καταψηφισάμενοι τῶν ἐσχάτων αὐτῶντιμήσητε, τῇ αὐτῇ ψήφῳ τούσ τε ἄλλουσ βελτίουσ ποιήσετε καὶ παρὰ τούτου δίκην εἰληφότεσ ἔσεσθε. ἐπίστασθε δέ, ὦ ἄνδρεσ δικασταί, ὅτι παράδειγμα τοῖσ ἄλλοισ ἔσται μὴ τολμᾶν εἰσ ὑμᾶσ ἐξαμαρτάνειν οὐχ ὅταν τοὺσ ἀδυνάτουσ εἰπεῖν κολάζητε, ἀλλ’ ὅταν παρὰ τῶν δυναμένων λέγειν δίκην λαμβάνητε.

τίσ οὖν τῶν ἐν τῇ πόλει ἐπιτηδειότεροσ Νικομάχου δοῦναι δίκην; τίσ ἐλάττω τὴν πόλιν ἀγαθὰ πεποίηκεν ἢ πλείω ἠδίκηκεν; ὃσ καὶ τῶν ὁσίων καὶ τῶν ἱερῶν ἀναγραφεὺσ γενόμενοσ εἰσ ἀμφότερα ταῦτα ἡμάρτηκεν.

ἀναμνήσθητε δὲ ὅτι πολλοὺσ ἤδη τῶν πολιτῶν ἐπὶ κλοπῇ χρημάτων ἀπεκτείνατε. καίτοι ἐκεῖνοι μὲν τοσοῦτον μόνον ὑμᾶσ ἔβλαψαν ὅσον ἐν τῷ παρόντι, οὗτοι δ’ ἐπὶ τῇ τῶν νόμων ἀναγραφῇ καὶ τῶν ἱερῶν δῶρα λαμβάνοντεσ εἰσ ἅπαντα τὸν χρόνον τὴν πόλιν ζημιοῦσι. διὰ τί δ’ ἄν τισ ἀποψηφίσαιτο τούτου;

πότερον ὡσ ἀνδρὸσ ἀγαθοῦ πρὸσ τοὺσ πολεμίουσ καὶ πολλαῖσ μάχαισ καὶ ναυμαχίαισ παραγεγενημένου; ἀλλὰ ὅτε ὑμεῖσ ἐκινδυνεύετε ἐκπλέοντεσ, οὗτοσ αὐτοῦ μένων τοὺσ Σόλωνοσ νόμουσ ἐλυμαίνετο. ἀλλ’ ὅτι χρήματα δεδαπάνηκε καὶ πολλὰσ εἰσφορὰσ εἰσενήνοχεν; ἀλλ’ οὐχ ὅπωσ ὑμῖν τῶν αὑτοῦ τι ἐπέδωκεν, ἀλλὰ τῶν ὑμετέρων πολλὰ ὑφῄρηται. ἀλλὰ διὰ τοὺσ προγόνουσ; ἤδη γάρ τινεσ καὶ διὰ τοῦτο συγγνώμησ ἔτυχον παρ’ ὑμῶν.

ἀλλὰ τούτῳ γε προσήκει διὰ μὲν αὑτὸν τεθνάναι, διὰ δὲ τοὺσ προγόνουσ πεπρᾶσθαι. ἀλλ’ ὡσ, ἐὰν νῦν αὐτοῦ φείσησθε, αὖθισ ἀποδώσει τὰσ χάριτασ; ὃσ οὐδ’ ὧν πρότερον μετέλαβε παρ’ ὑμῶν ἀγαθῶν μέμνηται. καίτοι ἀντὶ μὲν δούλου πολίτησ γεγένηται, ἀντὶ δὲ πτωχοῦ πλούσιοσ, ἀντὶ δὲ ὑπογραμματέωσ νομοθέτησ. ἃ καὶ ὑμῶν ἔχοι ἄν τισ κατηγορῆσαι, ὅτι οἱ μὲν πρόγονοι νομοθέτασ ᾑροῦντο Σόλωνα καὶ Θεμιστοκλέα καὶ Περικλέα, ἡγούμενοι τοιούτουσ ἔσεσθαι τοὺσ νόμουσ οἱοῖ́περ ἂν ὦσιν οἱ τιθέντεσ, ὑμεῖσ δὲ Τεισαμενὸν τὸν Μηχανίωνοσ καὶ Νικόμαχον καὶ ἑτέρουσ ἀνθρώπουσ ὑπογραμματέασ·

καὶ τὰσ μὲν ἀρχὰσ ὑπὸ τῶν τοιούτων ἡγεῖσθε διαφθείρεσθαι, αὐτοῖσ δὲ τούτοισ πιστεύετε. ὃ δὲ πάντων δεινότατον·

ὑπογραμματεῦσαι μὲν οὐκ ἔξεστι δὶσ τὸν αὐτὸν τῇ ἀρχῇ τῇ περὶ δὲ τῶν μεγίστων τοὺσ αὐτοὺσ ἐᾶτε πολὺν χρόνον κυρίουσ εἶναι. καὶ τὸ τελευταῖον Νικόμαχον εἵλεσθε ἀναγράφειν τὰ πάτρια, ᾧ κατὰ πατέρα τῆσ πόλεωσ οὐ προσήκει· καὶ ὃν ἔδει ὑπὸ τοῦ δήμου κρίνεσθαι, οὗτοσ τὸν δῆμον συγκαταλύσασ φαίνεται.

νῦν τοίνυν ὑμῖν μεταμελησάτω τῶν πεπραγμένων, καὶ μὴ ὑπὸ τούτων ἀεὶ κακῶσ πάσχοντεσ ἀνέχεσθε, μηδὲ ἰδίᾳ μὲν ὀνειδίζετε τοῖσ ἀδικοῦσιν, ἐπειδὰν δ’ ἐξῇ δίκην παρ’ αὐτῶν λαμβάνειν, ἀποψηφίζεσθε. καὶ περὶ μὲν τούτων ἱκανά μοι τὰ εἰρημένα·

περὶ δὲ τῶν ἐξαιτησομένων βραχέα πρὸσ ὑμᾶσ εἰπεῖν βούλομαι. παρεσκευασμένοι <γάρ> τινέσ εἰσι καὶ τῶν φίλων καὶ τῶν τὰ τῆσ πόλεωσ πραττόντων δεῖσθαι ὑπὲρ αὐτοῦ· ὧν ἐγὼ ἡγοῦμαι ἐνίοισ προσήκειν ὑπὲρ τῶν ἑαυτοῖσ πεπραγμένων ἀπολογεῖσθαι πολὺ μᾶλλον ἢ τοὺσ ἀδικοῦντασ σώζειν προαιρεῖσθαι. δεινὸν δέ μοι δοκεῖ εἶναι, ὦ ἄνδρεσ δικασταί, εἰ τούτου μὲν ἑνὸσ ὄντοσ καὶ οὐδὲν ὑπὸ τῆσ πόλεωσ ἠδικημένου οὐκ ἐπεχείρησαν δεῖσθαι <ὡσ χρὴ> παύσασθαι εἰσ ὑμᾶσ ἐξαμαρτάνοντα, ὑμᾶσ δὲ τοσούτουσ ὄντασ καὶ ἠδικημένουσ ὑπὸ τούτου <πείθειν> ζητήσουσιν ὡσ οὐ χρὴ δίκην παρ’ αὐτοῦ λαμβάνειν.

χρὴ τοίνυν, ὥσπερ δὴ τούτουσ ὁρᾶτε προθύμωσ σῴζοντασ τοὺσ φίλουσ, οὕτωσ καὶ ὑμᾶσ τοὺσ ἐχθροὺσ τιμωρεῖσθαι, εὖ εἰδότασ ὅτι τούτοισ πρώτοισ ἄνδρεσ ἀμείνουσ δόξετε εἶναι, ἐὰν παρὰ τῶν ἀδικούντων δίκην λαμβάνητε.

ἐνθυμεῖσθε δὲ ὅτι οὔτε Νικόμαχοσ οὐδὲ τῶν αἰτησομένων οὐδεὶσ τοσαῦτα ἀγαθὰ πεποίηκε τὴν πόλιν, ὅσα οὗτοσ ἠδίκηκεν, ὥστε πολὺ μᾶλλον ὑμῖν προσήκει τιμωρεῖσθαι ἢ τούτοισ βοηθεῖν. εὖ δ’ εἰδέναι χρὴ τοὺσ αὐτοὺσ τούτουσ, ὅτι πολλὰ δεηθέντεσ τῶν κατηγόρων ἡμᾶσ μὲν οὐδαμῶσ ἔπεισαν, τὴν δὲ ὑμετέραν ψῆφον καταπειράσοντεσ εἰσεληλύθασιν εἰσ τὸ δικαστήριον, καὶ ἐλπίζουσιν ὑμᾶσ ἐξαπατήσαντεσ ἄδειαν εἰσ τὸν λοιπὸν χρόνον λήψεσθαι τοῦ πολεῖν ὅ τι ἂν βούλωνται.

ἡμεῖσ μὲν τοίνυν οὐκ ἠθελήσαμεν ὑπὸ τούτων ἀξιούμενοι πεισθῆναι, τὸ δὲ αὐτὸ τοῦτο παρακαλοῦμεν <ὑμᾶσ> μὴ πρὸ τῆσ κρίσεωσ μισοπονηρεῖν, ἀλλ’ ἐν τῇ κρίσει τιμωρεῖσθαι τοὺσ τὴν ὑμετέραν νομοθεσίαν ἀφανίζοντασ·

οὕτωσ γὰρ ἐννόμωσ διοικηθήσεται τὰ κατὰ τὴν πολιτείαν πάντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Κατὰ Νικομάχουγραμματέωσ εὐθυνῶν κατηγορία

(리시아스, Speeches, Κατὰ Νικομάχουγραμματέωσ εὐθυνῶν κατηγορία)

상위

목록

SEARCH

MENU NAVIGATION