Lysias, Speeches, Κατὰ Φιλοκράτουσ ἐπίλογος 15:

ἡγοῦμαι δ’, ὦ ἄνδρεσ δικασταί, οὐ μόνον περὶ χρημάτων αὐτῷ προσήκειν ἀγωνίζεσθαι, ἀλλὰ καὶ περὶ τοῦ σώματοσ κινδυνεύειν. καὶ γὰρ ἂν καὶ δεινὸν εἰή, εἰ οἱ μὲν τὰ τῶν ἰδιωτῶν ἀπολλύμενα τοῖσ κλέπταισ συνειδότεσ τοῖσ αὐτοῖσ ἐνέχοιντο, οὗτοσ δὲ τὰ τῆσ πόλεωσ Ἐργοκλεῖ συνειδὼσ κλέπτοντι καὶ ἐπὶ τοῖσ ὑμετέροισ δωροδοκοῦντι μὴ τῆσ αὐτῆσ τιμωρίασ τυγχάνοι, ἀλλὰ ἆθλα λάβοι τὴν ὑπ’ ἐκείνου καταλειφθεῖσαν οὐσίαν ἀντὶ τῆσ αὑτοῦ πονηρίασ. ἄξιοι δ’ ὑμῖν εἰσιν ὀργῆσ, ὦ ἄνδρεσ δικασταί.