헬라어 문장 검색 - Λψσιασ́Σπεεξηέ29́

(리시아스, Speeches, Κατὰ Φιλοκράτουσ ἐπίλογος)

ὁ μὲν ἀγὼν οὗτοσ, ὦ ἄνδρεσ δικασταί, ἐρημότεροσ γεγένηται ἢ ἐγὼ προσεδόκων. πολλοὶ γὰρ ἦσαν οἱ ἀπειλοῦντεσ καὶ οἱ φάσκοντεσ Φιλοκράτουσ κατηγορήσειν· ὧν οὐδεὶσ νυνὶ φαίνεται. ὃ κἀμοὶ δοκεῖ οὐδενὸσ ἔλαττον εἶναι τεκμήριον τῆσ ἀπογραφῆσ ὅτι ἀληθὴσ οὖσα τυγχάνει· εἰ γὰρ μὴ πολλὰ τῶν Ἐργοκλέουσ εἶχε χρημάτων, οὐκ ἂν οὕτωσ οἱο͂́σ τ’ ἦν ἀπαλλάξαι τοὺσ κατηγόρουσ. ἐγὼ δέ, ὦ ἄνδρεσ δικασταί, πάντασ ὑμᾶσ ἡγοῦμαι εἰδέναι ὅτι Ἐργοκλέουσ διὰ τοῦτο ὑμεῖσ θάνατον κατεχειροτονήσατε, ὅτι κακῶσ διαθεὶσ τὰ τῆσ πόλεωσ πλέον ἢ τριάκοντα ταλάντων οὐσίαν ἐκτήσατο.

καὶ τούτων τῶν χρημάτων οὐδὲν ἐν τῇ πόλει φαίνεται. καίτοι ποῖ χρὴ τραπέσθαι ἢ ποῦ ζητῆσαι τὰ χρήματα; εἰ γὰρ παρὰ τοῖσ κηδεσταῖσ καὶ οἷσ ἐκεῖνοσ οἰκειότατ’ ἀνθρώπων ἐχρῆτο μὴ φανήσεται, χαλεπῶσ παρὰ τοῖσ ἐχθροῖσ εὑρεθήσεται. τίνα δὲ Ἐργοκλῆσ περὶ πλείονοσ Φιλοκράτουσ ἐποιεῖτο, ἢ πρὸσ τίν’ ἀνθρώπων διέκειτο οἰκειότερον;

οὐ τῶν μὲν ὑμετέρων ὁπλιτῶν αὐτὸν ἐξήγαγε, τῶν δ’ αὑτοῦ χρημάτων ταμίαν ἐποίησε, καὶ τὸ τελευταῖον τριήραρχον αὐτὸν κατέστησε; καίτοι δεινὸν εἰ οἱ μὲν τὰσ οὐσίασ ἔχοντεσ ὀλοφύρονται τριηραρχοῦντεσ, οὗτοσ δὲ οὐδὲν πρότερον κεκτημένοσ ἐν ἐκείνῳ τῷ χρόνῳ ἐθελοντὴσ ὑπέστη ταύτην τὴν λῃτουργίαν.

οὐκοῦν δὴ οὐχ ὡσ ζημιωθησόμενον αὐτὸν τριήραρχον κατέστησεν, ἀλλ’ ὡσ ὠφεληθησόμενον καὶ φυλάξοντα τὰ αὑτοῦ χρήματα, οὐκ ἔχων ὅτῳ χρὴ μᾶλλον τούτου πιστεῦσαι. ἡγοῦμαι δέ, ὦ ἄνδρεσ δικασταί, Φιλοκράτει δύο εἶναι καὶ μόνασ ἀπολογίασ· προσήκειν γὰρ αὐτῷ ἀποδεῖξαι ἢ ἑτέρουσ ἔχοντασ τὰ Ἐργοκλέουσ χρήματα, ἢ ἀδίκωσ ἀπολωλότα ἐκεῖνον καὶ οὐδὲν ὑφῃρημένον τῶν ὑμετέρων οὐδὲ δεδωροδοκηκότα·

εἰ δὲ τούτων μηδέτερον ποιήσει, δεδόχθαι καταψηφίζεσθαι, καὶ μὴ τοῖσ μὲν παρὰ τῶν ἄλλων λαμβάνουσιν ὀργίζεσθαι, τοῖσ δὲ τὰ ὑμέτερ’ αὐτῶν ἔχουσι συγγνώμην ἔχειν. τίσ δ’ οὐκ οἶδεν Ἀθηναίων τρία τάλαντα περὶ Ἐργοκλέουσ μεσεγγυηθέντα τοῖσ λέγουσιν, εἰ δύναιντο αὐτὸν σῶσαι καὶ μὴ κατηγορεῖν;

οἳ ἐπειδὴ ἑώρων τὴν ὑμετέραν ὀργὴν τιμωρεῖσθαι βουλομένην, ἡσυχίαν ἦγον καὶ οὐκ ἐτόλμων σφᾶσ αὐτοὺσ φανεροὺσ ποιῆσαι. καὶ τὸ μὲν πρῶτον οὗτοσ οὐ κομιζόμενοσ παρ’ αὐτῶν τὰ χρήματα μηνύσειν ἔφη τῇ πόλει· ἐπειδὴ δὲ καὶ ταῦτα ἀπείληφε καὶ τῶν ἄλλων τῶν ἐκείνου κύριοσ γεγένηται, εἰσ τοῦτο τόλμησ ἐλήλυθεν, ὥστε μάρτυρασ πεπόρισται οἳ μαρτυρήσουσιν αὐτῷ ὡσ ἦν ἔχθιστοσ ἁπάντων ἀνθρώπων Ἐργοκλεῖ.

καίτοι οἰέσθ’ ἂν αὐτόν, ὦ ἄνδρεσ δικασταί, εἰσ τοῦτο μανίασ ἀφικέσθαι, ὥστε Θρασυβούλου στρατηγοῦντοσ καὶ Ἐργοκλέουσ αὐτῷ διαφερομένου ἐθελοντὴν ὑποστῆναι τριήραρχον; πῶσ γὰρ ἂν θᾶττον ἀπώλετο, ἢ πῶσ ἂν μᾶλλον ἐπηρεάζετο; περὶ μὲν οὖν τούτων ἱκανὰ τὰ εἰρημένα·

ἐγὼ δ’ ὑμᾶσ ἀξιῶ ὑμῖν αὐτοῖσ βοηθῆσαι, καὶ πολὺ μᾶλλον τοὺσ ἀδικοῦντασ τιμωρεῖσθαι ἢ τοὺσ τὰ τῆσ πόλεωσ ἔχοντασ ἐλεινοὺσ ἡγεῖσθαι. οὐδὲν γὰρ τῶν αὑτοῦ καταθήσει, ἀλλὰ τὰ ὑμέτερα ὑμῖν αὐτοῖσ ἀποδώσει, καὶ πολλῷ πλείω αὐτῷ τούτων περιέσται. καὶ γὰρ ἂν καὶ δεινὸν εἰή, ὦ ἄνδρεσ δικασταί, εἰ τοῖσ μὲν μὴ δυναμένοισ τὰ σφέτερ’ αὐτῶν εἰσφέρειν ὀργίζοισθε καὶ τὰσ οὐσίασ αὐτῶν ὡσ ἀδικούντων δημεύοιτε, τοὺσ δὲ τὰ ὑμέτερα αὐτῶν ἔχοντασ μὴ τιμωροῖσθε, ἀλλὰ τῶν τε χρημάτων ἀποστεροῖσθε καὶ τούτουσ χαλεπωτέρουσ ἐχθροὺσ ἔχοιτε.

ἑώσ γὰρ ἂν τὰ ὑμέτερα ἔχοντεσ σφίσιν αὐτοῖσ συνειδῶσιν, οὐδέποτε ὑμῖν παύσονται κακονοοῦντεσ, νομίζοντεσ τὰσ τῆσ πόλεωσ δυστυχίασ μόνασ ἀπαλλαγὴν εἶναι τῶν πρὸσ αὐτοὺσ πραγμάτων.

ἡγοῦμαι δ’, ὦ ἄνδρεσ δικασταί, οὐ μόνον περὶ χρημάτων αὐτῷ προσήκειν ἀγωνίζεσθαι, ἀλλὰ καὶ περὶ τοῦ σώματοσ κινδυνεύειν.

καὶ γὰρ ἂν καὶ δεινὸν εἰή, εἰ οἱ μὲν τὰ τῶν ἰδιωτῶν ἀπολλύμενα τοῖσ κλέπταισ συνειδότεσ τοῖσ αὐτοῖσ ἐνέχοιντο, οὗτοσ δὲ τὰ τῆσ πόλεωσ Ἐργοκλεῖ συνειδὼσ κλέπτοντι καὶ ἐπὶ τοῖσ ὑμετέροισ δωροδοκοῦντι μὴ τῆσ αὐτῆσ τιμωρίασ τυγχάνοι, ἀλλὰ ἆθλα λάβοι τὴν ὑπ’ ἐκείνου καταλειφθεῖσαν οὐσίαν ἀντὶ τῆσ αὑτοῦ πονηρίασ. ἄξιοι δ’ ὑμῖν εἰσιν ὀργῆσ, ὦ ἄνδρεσ δικασταί. οὗτοι γάρ, ὅτε Ἐργοκλῆσ ἐκρίνετο, ἐν τῷ δήμῳ περιιόντεσ ἔλεγον ὡσ πεντακόσιοι μὲν αὐτοῖσ εἰήσαν ἐκ τοῦ Πειραιῶσ δεδεκασμένοι, ἑξακόσιοι δὲ καὶ χίλιοι ἐκ τοῦ ἄστεωσ·

μᾶλλον δὲ προσεποιοῦντο πιστεύειν τοῖσ χρήμασιν ἢ δεδιέναι τὰ αὑτῶν ἁμαρτήματα. ἐκεῖ μὲν οὖν ἐπεδείξατε αὐτοῖσ, ἐὰν δὲ εὖ φρονῆτε, καὶ νυνὶ τοῦτο φανερὸν πᾶσιν ἀνθρώποισ ποιήσετε, ὅτι οὐκ ἔστι τοσαῦτα χρήματα ἃ ὑμᾶσ, οὓσ ἂν λαμβάνητε ἀδικοῦντασ, ἀποτρέψει τιμωρεῖσθαι, καὶ μηδεμίαν αὐτοῖσ ἄδειαν δώσετε τὰ ὑμέτερα αὐτῶν διαρπάζουσι καὶ κλέπτουσιν.

ἐγὼ μὲν οὖν ταῦτα ὑμῖν παραινῶ.

πάντεσ γὰρ ἐπίστασθε ὅτι Ἐργοκλῆσ χρηματιούμενοσ ἀλλ’ οὐ πρὸσ ὑμᾶσ φιλοτιμησόμενοσ ἐξέπλευσε, καὶ οὐδεὶσ ἄλλοσ ἔχει τὰ χρήματα ἢ οὗτοσ. ἐὰν οὖν σωφρονῆτε, τὰ ὑμέτερ’ αὐτῶν κομιεῖσθε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Κατὰ Φιλοκράτουσ ἐπίλογος

(리시아스, Speeches, Κατὰ Φιλοκράτουσ ἐπίλογος)

상위

목록

SEARCH

MENU NAVIGATION