Lysias, Speeches, Κατὰ Ἐργοκλέουσ ἐπίλογος 15:

οἱ μὲν γὰρ ἐπὶ τοῦτ’ ἐχειροτονήθησαν, ἵνα κακῶσ, εἴ πῃ δύναιντο, ὑμᾶσ ποιήσειαν· τούτοισ δ’ ὑμᾶσ αὐτοὺσ ἐπετρέψατε, ὡσ μεγάλην καὶ ἐλευθέραν τὴν πόλιν ποιήσωσιν· ὧν ὑμῖν οὐδὲν ἀποβέβηκεν, ἀλλὰ τὸ ἐπὶ τούτοισ εἶναι ἐν τοῖσ δεινοτάτοισ κινδύνοισ καθεστήκατε, ὥστε πολὺ ἂν δικαιότερον ὑμᾶσ αὐτοὺσ ἢ τούτουσ ἐλεοῖτε, καὶ τοὺσ ὑμετέρουσ παῖδασ καὶ γυναῖκασ, ὅτι ὑπὸ τοιούτων ἀνδρῶν λυμαίνεσθε.