Lysias, Speeches, Κατὰ Ἐργοκλέουσ ἐπίλογος 2:

τὰ μὲν κατηγορημένα οὕτωσ ἐστὶ πολλὰ καὶ δεινά, ὦ ἄνδρεσ Ἀθηναῖοι, ὥστε οὐκ ἄν μοι δοκεῖ δύνασθαι Ἐργοκλῆσ ὑπὲρ ἑνὸσ ἑκάστου τῶν πεπραγμένων αὐτῷ πολλάκισ ἀποθανὼν δοῦναι δίκην ἀξίαν τῷ ὑμετέρῳ πλήθει. καὶ γὰρ πόλεισ προδεδωκὼσ φαίνεται, καὶ προξένουσ καὶ πολίτασ ὑμετέρουσ ἠδικηκώσ, καὶ ἐκ πένητοσ ἐκ τῶν ὑμετέρων πλούσιοσ γεγενημένοσ.