헬라어 문장 검색 - Λψσιασ́Σπεεξηέ28́

(리시아스, Speeches, Κατὰ Ἐργοκλέουσ ἐπίλογος)

τὰ μὲν κατηγορημένα οὕτωσ ἐστὶ πολλὰ καὶ δεινά, ὦ ἄνδρεσ Ἀθηναῖοι, ὥστε οὐκ ἄν μοι δοκεῖ δύνασθαι Ἐργοκλῆσ ὑπὲρ ἑνὸσ ἑκάστου τῶν πεπραγμένων αὐτῷ πολλάκισ ἀποθανὼν δοῦναι δίκην ἀξίαν τῷ ὑμετέρῳ πλήθει. καὶ γὰρ πόλεισ προδεδωκὼσ φαίνεται, καὶ προξένουσ καὶ πολίτασ ὑμετέρουσ ἠδικηκώσ, καὶ ἐκ πένητοσ ἐκ τῶν ὑμετέρων πλούσιοσ γεγενημένοσ. καίτοι πῶσ αὐτοῖσ χρὴ συγγνώμην ἔχειν, ὅταν ὁρᾶτε τὰσ μὲν ναῦσ, ὧν ἦρχον οὗτοι, δι’ ἀπορίαν χρημάτων καταλυομένασ καὶ ἐκ πολλῶν ὀλίγασ γιγνομένασ, τούτουσ δὲ πένητασ καὶ ἀπόρουσ ἐκπλεύσαντασ οὕτωσ ταχέωσ πλείστην τῶν πολιτῶν οὐσίαν κεκτημένουσ;

ὑμέτερον τοίνυν ἔργον ἐστίν, ὦ ἄνδρεσ Ἀθηναῖοι, ἐπὶ τοῖσ τοιούτοισ ὀργίζεσθαι· καὶ γὰρ δὴ δεινὸν ἂν εἰή, εἰ νῦν μὲν οὕτωσ αὐτοὶ πιεζόμενοι ταῖσ εἰσφοραῖσ συγγνώμην τοῖσ κλέπτουσι καὶ τοῖσ δωροδοκοῦσιν ἔχοιτε, ἐν δὲ τῷ τέωσ χρόνῳ, καὶ τῶν οἴκων τῶν ὑμετέρων μεγάλων ὄντων καὶ τῶν δημοσίων προσόδων μεγάλων οὐσῶν, θανάτῳ ἐκολάζετε τοὺσ τῶν ὑμετέρων ἐπιθυμοῦντασ.

ἄλλωσ τε ἐπειδή, ὡσ τάχιστα ὑμεῖσ ἐψηφίσασθε τὰ χρήματα ὑπογράψαι τὰ ἐκ τῶν πόλεων εἰλημμένα καὶ τοὺσ ἄρχοντασ τοὺσ μετ’ ἐκείνου καταπλεῖν εὐθύνασ δώσοντασ, Ἐργοκλῆσ ἔλεγεν ὡσ ἤδη συκοφαντεῖτε καὶ τῶν ἀρχαίων νόμων ἐπιθυμεῖτε, καὶ Θρασυβούλῳ συνεβούλευε Βυζάντιον καταλαβεῖν καὶ τὰσ ναῦσ ἔχειν καὶ τὴν Σεύθου θυγατέρα γαμεῖν·

"ἵνα αὐτῶν ἐκκόψῃσ" ἔφη "τὰσ συκοφαντίασ·

ποιήσεισ γὰρ αὐτοὺσ οὐκ ἐπιβουλεύοντασ σοὶ καθῆσθαι καὶ τοῖσ σοῖσ φίλοισ, ἀλλὰ περὶ αὑτῶν δεδιέναι. " οὕτωσ, ὦ ἄνδρεσ Ἀθηναῖοι, ἐπειδὴ τάχιστα ἐνεπέπληντο καὶ <τῶν> ὑμετέρων ἀπέλαυσαν, ἀλλοτρίουσ τῆσ πόλεωσ αὑτοὺσ ἡγήσαντο. ἅμα γὰρ πλουτοῦσι καὶ ὑμᾶσ μισοῦσι, καὶ οὐκέτι ὡσ ἀρξόμενοι παρασκευάζονται ἀλλ’ ὡσ ὑμῶν ἄρξοντεσ, καὶ δεδιότεσ ὑπὲρ ὧν ἀφῄρηνται ἕτοιμοί εἰσι καὶ χωρία καταλαμβάνειν καὶ ὀλιγαρχίαν καθιστάναι καὶ πάντα πράττειν ὅπωσ ὑμεῖσ ἐν τοῖσ δεινοτάτοισ κινδύνοισ καθ’ ἑκάστην ἡμέραν ἔσεσθε·

οὕτωσ γὰρ ἡγοῦνται οὐκέτι τοῖσ σφετέροισ αὐτῶν ἁμαρτήμασι τὸν νοῦν ὑμᾶσ προσέξειν, ἀλλ’ ὑπὲρ ὑμῶν αὐτῶν καὶ τῆσ πόλεωσ ὀρρωδοῦντασ ἡσυχίαν πρὸσ τούτουσ ἕξειν. Θρασύβουλοσ μὲν οὖν ὦ ἄνδρεσ Ἀθηναῖοι, οὐδὲν γὰρ δεῖ περὶ αὐτοῦ πλείω λέγειν καλῶσ ἐποίησεν οὕτωσ τελευτήσασ τὸν βίον·

οὐ γὰρ ἔδει αὐτὸν οὔτε ζῆν τοιούτοισ ἔργοισ ἐπιβουλεύοντα, οὔθ’ ὑφ’ ὑμῶν ἀποθανεῖν ἤδη τι δοκοῦντα ὑμᾶσ ἀγαθὸν πεποιηκέναι, ἀλλὰ τοιούτῳ τρόπῳ τῆσ πόλεωσ ἀπαλλαγῆναι. ὁρῶ δ’ αὐτοὺσ διὰ τὴν πρῴην ἐκκλησίαν οὐκέτι φειδομένουσ τῶν χρημάτων, ἀλλ’ ὠνουμένουσ τὰσ αὑτῶν ψυχὰσ καὶ παρὰ τῶν λεγόντων καὶ παρὰ τῶν ἐχθρῶν καὶ παρὰ τῶν πρυτάνεων, καὶ πολλοὺσ Ἀθηναίων ἀργυρίῳ διαφθείροντασ.

ὑπὲρ ὧν ὑμῖν ἄξιόν ἀπολογήσασθαι παρὰ τούτου νῦν δίκην λαβοῦσι, καὶ πᾶσιν ἀνθρώποισ ἐπιδεῖξαι ὅτι οὐκ ἔστι τοσαῦτα χρήματα, ὧν ὑμεῖσ ἡττήσεσθε ὥστε μὴ τιμωρεῖσθαι τοὺσ ἀδικοῦντασ. ἐνθυμεῖσθε γάρ, ὦ ἄνδρεσ Ἀθηναῖοι, ὅτι οὐκ Ἐργοκλῆσ μόνοσ κρίνεται, ἀλλὰ καὶ ἡ πόλισ ὅλη.

νυνὶ γὰρ τοῖσ ἄρχουσι τοῖσ ὑμετέροισ ἐπιδείξετε πότερον χρὴ δικαίουσ εἶναι, ἢ ὡσ πλεῖστα τῶν ὑμετέρων ὑφελομένουσ τῷ αὐτῷ τρόπῳ τὴν σωτηρίαν παρασκευάζεσθαι, ᾧπερ οὗτοι νυνὶ πειρῶνται. καίτοι εὖ εἰδέναι χρή, ὦ ἄνδρεσ Ἀθηναῖοι. ὅστισ ἐν τοσαύτῃ ἀπορίᾳ τῶν ὑμετέρων πραγμάτων ἢ πόλεισ προδίδωσιν ἢ χρήματα κλέπτειν ἢ δωροδοκεῖν ἀξιοῖ, οὗτοσ καὶ τὰ τείχη καὶ τὰσ ναῦσ τοῖσ πολεμίοισ παραδίδωσι καὶ ὀλιγαρχίαν ἐκ δημοκρατίασ καθίστησιν·

ὥστ’ οὐκ ἄξιον ὑμῖν τῆσ τούτων παρασκευῆσ ἡττᾶσθαι, ἀλλὰ παράδειγμα πᾶσιν ἀνθρώποισ ποιῆσαι καὶ μήτε κέρδοσ μήτε ἔλεον μήτ’ ἄλλο μηδὲν περὶ πλείονοσ ποιήσασθαι τῆσ τούτων τιμωρίασ. οἶμαι δ’ Ἐργοκλέα, ὦ ἄνδρεσ Ἀθηναῖοι, περὶ μὲν Ἁλικαρνασσοῦ καὶ περὶ τῆσ ἀρχῆσ καὶ περὶ τῶν αὑτῷ πεπραγμένων οὐκ ἐπιχειρήσειν ἀπολογεῖσθαι, ἐρεῖν δὲ ὡσ ἀπὸ Φυλῆσ κατῆλθε καὶ ὡσ δημοτικόσ ἐστι καὶ ὡσ τῶν κινδύνων τῶν ὑμετέρων μετέσχεν.

ἐγὼ δέ, ὦ ἄνδρεσ Ἀθηναῖοι, <οὐ> τοιαύτην γνώμην ἔχω περὶ τῶν τοιούτων· ἀλλ’ ὅσοι μὲν ἐλευθερίασ καὶ τοῦ δικαίου ἐπιθυμοῦντεσ καὶ τοὺσ νόμουσ ἰσχύειν βουλόμενοι καὶ τοὺσ ἀδικοῦντασ μισοῦντεσ τῶν ὑμετέρων κινδύνων μετέσχον, οὐ πονηροὺσ εἶναι πολίτασ, οὐδὲ ἀδίκωσ τούτοισ φημι ἂν εἶναι ὑπόλογον τὴν ἐκείνων φυγήν·

ὅσοι δὲ κατελθόντεσ ἐν δημοκρατία τὸ μὲν ὑμέτερον πλῆθοσ ἀδικοῦσι, τοὺσ δὲ ἰδίουσ οἴκουσ ἐκ τῶν ὑμετέρων μεγάλουσ ποιοῦσι, πολὺ μᾶλλον αὐτοῖσ προσήκει ὀργίζεσθαι ἤ τοῖσ τριάκοντα. οἱ μὲν γὰρ ἐπὶ τοῦτ’ ἐχειροτονήθησαν, ἵνα κακῶσ, εἴ πῃ δύναιντο, ὑμᾶσ ποιήσειαν·

τούτοισ δ’ ὑμᾶσ αὐτοὺσ ἐπετρέψατε, ὡσ μεγάλην καὶ ἐλευθέραν τὴν πόλιν ποιήσωσιν· ὧν ὑμῖν οὐδὲν ἀποβέβηκεν, ἀλλὰ τὸ ἐπὶ τούτοισ εἶναι ἐν τοῖσ δεινοτάτοισ κινδύνοισ καθεστήκατε, ὥστε πολὺ ἂν δικαιότερον ὑμᾶσ αὐτοὺσ ἢ τούτουσ ἐλεοῖτε, καὶ τοὺσ ὑμετέρουσ παῖδασ καὶ γυναῖκασ, ὅτι ὑπὸ τοιούτων ἀνδρῶν λυμαίνεσθε. ὅταν γὰρ ἡγησώμεθα σωτηρίασ ἀντειλῆφθαι, δεινότερα ὑπὸ τῶν ἡμετέρων ἀρχόντων πάσχομεν ἢ ὑπὸ τῶν πολεμίων.

καίτοι πάντεσ ἐπίστασθε ὅτι οὐδεμία ἐλπὶσ σωτηρίασ ὑμῖν δυστυχήσασιν. ὥστε ἄξιον ὑμᾶσ παρακελευσαμένουσ ὑμῖν αὐτοῖσ παρὰ τούτων νυνὶ τὴν μεγίστην δίκην λαβεῖν, καὶ τοῖσ ἄλλοισ Ἕλλησιν ἐπιδεῖξαι ὡσ τοὺσ ἀδικοῦντασ τιμωρεῖσθε, καὶ τοὺσ ὑμετέρουσ ἄρχοντασ βελτίουσ ποιήσετε. ἐγὼ μὲν οὖν ταῦθ’ ὑμῖν παρακελεύομαι·

ὑμᾶσ δὲ χρὴ εἰδέναι ὅτι, ἐὰν μὲν ἐμοὶ πεισθῆτε, εὖ περὶ αὑτῶν βουλεύσεσθε, εἰ δὲ μή, χείροσι τοῖσ ἄλλοισ πολίταισ χρήσεσθε. ἔτι δέ, ὦ ἄνδρεσ Ἀθηναῖοι, ἐὰν αὐτῶν ἀποψηφίσησθε, οὐδεμίαν ὑμῖν εἴσονται χάριν, ἀλλὰ τοῖσ ἀνηλωμένοισ καὶ τοῖσ χρήμασιν οἷσ ὑφῄρηνται· ὥστε τὴν μὲν ἔχθραν ὑμῖν αὐτοῖσ καταλείψετε, τῆσ δὲ σωτηρίασ ἐκείνοισ εἴσονται χάριν. καὶ μὲν δή, ὦ ἄνδρεσ Ἀθηναῖοι, καὶ Ἁλικαρνασσεῖσ καὶ οἱ ἄλλοι οἱ ὑπὸ τούτων ἠδικημένοι, ἐὰν μὲν παρὰ τούτων τὴν μεγίστην δίκην λάβητε, νομιοῦσιν ὑπὸ τούτων μὲν ἀπολωλέναι, ὑμᾶσ δὲ αὑτοῖσ βεβοηθηκέναι·

ἐὰν δὲ τούτουσ σώσητε, ἡγήσονται καὶ ὑμᾶσ ὁμογνώμονασ γεγονέναι τοῖσ αὑτοὺσ προδεδωκόσιν. ὥστ’ ἄξιον τούτων ἁπάντων ἐνθυμηθέντασ ἅμα τοῖσ τε φίλοισ τοῖσ ὑμετέροισ ἀποδοῦναι χάριν καὶ παρὰ τῶν ἀδικούντων τὴν δίκην λαβεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Κατὰ Ἐργοκλέουσ ἐπίλογος

(리시아스, Speeches, Κατὰ Ἐργοκλέουσ ἐπίλογος)

상위

목록

SEARCH

MENU NAVIGATION