Lysias, Speeches, Δήμου καταλύσεωσ ἀπολογία 16:

ἐμοὶ τοίνυν, ὦ ἄνδρεσ δικασταί, οὔτ’ ἰδίᾳ οὔτε δημοσίᾳ συμφορὰ ἐν ἐκείνῳ τῷ χρόνῳ οὐδεμία πώποτε ἐγένετο, ἀνθ’ ἧστινοσ ἂν προθυμούμενοσ τῶν παρόντων κακῶν ἀπαλλαγῆναι ἑτέρων ἐπεθύμουν πραγμάτων. τετριηράρχηκά τε γὰρ πεντάκισ, καὶ τετράκισ νεναυμάχηκα, καὶ εἰσφορὰσ ἐν τῷ πολέμῳ πολλὰσ εἰσενήνοχα, καὶ τἆλλα λελῃτούργηκα οὐδενὸσ χεῖρον τῶν πολιτῶν.