Lysias, Speeches, Πρὸσ τὴν εἰσαγγελίαν περὶ τοῦ μὴ δίδοσθαι τῷ ἀδυνάτῳ ἀργύριον 9:

μηδὲ ἃ νεωτέρῳ καὶ μᾶλλον ἐρρωμένῳ ὄντι ἔδοτε, πρεσβύτερον καὶ ἀσθενέστερον γιγνόμενον ἀφέλησθε· μηδὲ πρότερον καὶ περὶ τοὺσ οὐδὲν ἔχοντασ κακὸν ἐλεημονέστατοι δοκοῦντεσ εἶναι νυνὶ διὰ τοῦτον τοὺσ καὶ τοῖσ ἐχθροῖσ ἐλεινοὺσ ὄντασ ἀγρίωσ ἀποδέξησθε· μηδ’ ἐμὲ τολμήσαντεσ ἀδικῆσαι καὶ τοὺσ ἄλλουσ τοὺσ ὁμοίωσ ἐμοὶ διακειμένουσ ἀθυμῆσαι ποιήσητε.