Lysias, Speeches, Κατὰ Παγκλέωνοσ ὅτι οὐκ ἦν Πλαταιεύς 16:

ἐπὶ τούτοισ ἐγγυησάμενοι παρέξειν εἰσ αὔριον ᾤχοντο ἀπιόντεσ. τῇ δ’ ὑστεραίᾳ τῆσ τε ἀντιγραφῆσ ἕνεκα ταυτησὶ καὶ αὐτῆσ τῆσ δίκησ ἔδοξέ μοι χρῆναι μάρτυρασ λαβόντι παραγενέσθαι, ἵν’ εἰδείην τόν τ’ ἐξαιρησόμενον αὐτὸν καὶ ὅ τι λέγων ἀφαιρήσοιτο. ἐφ’ οἷσ μὲν οὖν ἐξηγγυήθη, οὔτε ἀδελφὸσ οὔτε ἄλλοσ οὐδεὶσ ἦλθε, γυνὴ δὲ φάσκουσα αὑτῆσ αὐτὸν εἶναι δοῦλον, ἀμφισβητοῦσα τῷ Νικομήδει, καὶ οὐκ ἔφη ἐάσειν αὐτὸν ἄγειν.