헬라어 문장 검색 - Λψσιασ́Σπεεξηέ23́

(리시아스, Speeches, Κατὰ Παγκλέωνοσ ὅτι οὐκ ἦν Πλαταιεύς)

πολλὰ μὲν λέγειν, ὦ ἄνδρεσ δικασταί, περὶ τουτουὶ τοῦ πράγματοσ οὔτ’ ἂν δυναίμην οὔτε μοι δοκεῖ δεῖν· ὡσ δὲ ὀρθῶσ τὴν δίκην ἔλαχον τουτῳὶ Παγκλέωνι οὐκ ὄντι Πλαταιεῖ, τοῦτο ὑμῖν πειράσομαι ἀποδεῖξαι. ὡσ γὰρ ἀδικῶν με πολὺν χρόνον οὐκ ἐπαύετο, ἐλθὼν ἐπὶ τὸ γναφεῖον, ἐν ᾧ εἰργάζετο, προσεκαλεσάμην αὐτὸν πρὸσ τὸν πολέμαρχον, νομίζων μέτοικον εἶναι.

εἰπόντοσ δὲ τούτου ὅτι Πλαταιεὺσ εἰή, ἠρόμην ὁπόθεν δημοτεύοιτο, παραινέσαντόσ τινοσ τῶν παρόντων προσκαλέσασθαι καὶ πρὸσ τὴν φυλήν, ἧστινοσ εἶναι σκήπτοιτο. ἐπειδὴ δὲ ἀπεκρίνατο ὅτι Δεκελειόθεν, προσκαλεσάμενοσ αὐτὸν καὶ πρὸσ τοὺσ τῇ Ἱπποθωντίδι δικάζοντασ, ἐλθὼν ἐπὶ τὸ κουρεῖον τὸ παρὰ τοὺσ Ἑρμᾶσ, οἷ Δεκελειεῖσ προσφοιτῶσιν, ἠρώτων, οὕσ τε ἐξευρίσκοιμι Δεκελειέων ἐπυνθανόμην εἴ τινα γιγνώσκοιεν Δεκελειόθεν δημοτευόμενον Παγκλέωνα. ἐπειδὴ δὲ οὐδεὶσ ἔφασκεν γιγνώσκειν αὐτόν, πυθόμενοσ ὅτι καὶ ἑτέρασ δίκασ τὰσ μὲν φεύγοι τὰσ δ’ ὠφλήκοι παρὰ τῷ πολεμάρχῳ ἔλαχον καὶ ἐγώ.

πρῶτον μὲν οὖν ὑμῖν Δεκελειέων οὓσ ἠρόμην μάρτυρασ παρέξομαι, ἔπειτα δὲ καὶ τῶν ἄλλων τῶν λαχόντων τε δίκασ αὐτῷ πρὸσ τὸν πολέμαρχον καὶ καταδικασαμένων, ὅσοι τυγχάνουσι παρόντεσ.

καί μοι ἐπίλαβε τὸ ὕδωρ. Μάρτυρεσ ἐκ μὲν τούτων πεισθεὶσ πρὸσ τὸν πολέμαρχον αὐτῶ· τὴν δίκην ἔλαχον·

ἐπειδὴ δέ μοι αὐτὴν ἀντεγράψατο μὴ εἰσαγώγιμον εἶναι, περὶ πολλοῦ ποιούμενοσ μηδενὶ δόξαι ὑβρίζειν βούλεσθαι μᾶλλον ἢ δίκην λαβεῖν ὧν ἠδικήθην, πρῶτον μὲν Εὐθύκριτον, ὃν πρεσβύτατόν τε Πλαταιέων ἐγίγνωσκον καὶ μάλιστα ὠόμην εἰδέναι, ἠρόμην εἴ τινα γιγνώσκοι Ἱππαρμοδώρου ὑὸν Παγκλέωνα Πλαταιέα· ἔπειτα δέ, ἐπειδὴ ἐκεῖνοσ ἀπεκρίνατό μοι ὅτι τὸν Ἱππαρμόδωρον μὲν γιγνώσκοι, ὑὸν δὲ ἐκείνῳ οὐδένα οὔτε Παγκλέωνα οὔτε ἄλλον οὐδένα εἰδείη ὄντα, ἠρώτων δὴ καὶ τῶν ἄλλων ὅσουσ ᾔδη Πλαταιέασ ὄντασ.

πάντεσ οὖν ἀγνοοῦντεσ τὸ ὄνομα αὐτοῦ, ἀκριβέστατα ἂν ἔφασάν με πυθέσθαι ἐλθόντα εἰσ τὸν χλωρὸν τυρὸν τῇ ἕνῃ καὶ νέα· ταύτῃ γὰρ τῇ ἡμέρᾳ τοῦ μηνὸσ ἑκάστου ἐκεῖσε συλλέγεσθαι τοὺσ Πλαταιέασ. ἐλθὼν οὖν εἰσ τὸν τυρὸν ταύτῃ τῇ ἡμέρᾳ ἐπυνθανόμην αὐτῶν, εἴ τινα γιγνώσκοιεν Παγκλέωνα πολίτην σφέτερον.

καὶ οἱ μὲν ἄλλοι οὐκ ἔφασαν γιγνώσκειν, εἷσ δέ τισ εἶπεν ὅτι τῶν μὲν πολιτῶν οὐδενὶ εἰδείη τοῦτο ὂν τὸ ὄνομα, δοῦλον μέντοι ἔφη ἑαυτοῦ ἀφεστῶτα εἶναι Παγκλέωνα, τήν τε ἡλικίαν λέγων τὴν τούτου καὶ τὴν τέχνην ᾗ οὗτοσ χρῆται. ταῦτ’ οὖν ὡσ ἀληθῆ ἐστι, τόν τε Εὐθύκριτον, ὃν πρῶτον ἠρόμην, καὶ τῶν ἄλλων Πλαταιέων ὅσοισ προσῆλθον, καὶ τὸν ὃσ ἔφη δεσπότησ τούτου εἶναι, μάρτυρασ παρέξομαι.

καί μοι ἐπίλαβε τὸ ὕδωρ. Μάρτυρεσ ἡμέραισ τοίνυν μετὰ ταῦτα οὐ πολλαῖσ ὕστερον ἰδὼν ἀγόμενον τουτονὶ Παγκλέωνα ὑπὸ Νικομήδουσ, ὃσ ἐμαρτύρησεν αὐτοῦ δεσπότησ εἶναι, προσῆλθον βουλόμενοσ εἰδέναι ὁποῖόν τι περὶ αὐτοῦ πραχθήσοιτο. τότε μὲν οὖν ἐπειδὴ ἐπαύσαντο μαχόμενοι, εἶπόν τινεσ τῶν τούτων παρόντων ὅτι εἰή αὐτῷ ἀδελφὸσ ὃσ ἐξαιρήσοιτο αὐτὸν εἰσ ἐλευθερίαν·

ἐπὶ τούτοισ ἐγγυησάμενοι παρέξειν εἰσ αὔριον ᾤχοντο ἀπιόντεσ.

τῇ δ’ ὑστεραίᾳ τῆσ τε ἀντιγραφῆσ ἕνεκα ταυτησὶ καὶ αὐτῆσ τῆσ δίκησ ἔδοξέ μοι χρῆναι μάρτυρασ λαβόντι παραγενέσθαι, ἵν’ εἰδείην τόν τ’ ἐξαιρησόμενον αὐτὸν καὶ ὅ τι λέγων ἀφαιρήσοιτο. ἐφ’ οἷσ μὲν οὖν ἐξηγγυήθη, οὔτε ἀδελφὸσ οὔτε ἄλλοσ οὐδεὶσ ἦλθε, γυνὴ δὲ φάσκουσα αὑτῆσ αὐτὸν εἶναι δοῦλον, ἀμφισβητοῦσα τῷ Νικομήδει, καὶ οὐκ ἔφη ἐάσειν αὐτὸν ἄγειν. ὅσα μὲν οὖν αὐτόθι ἐρρήθη, πολὺσ ἂν εἰή μοι λόγοσ διηγεῖσθαι·

εἰσ τοῦτο δὲ βιαιότητοσ ἦλθον οἵ τε παρόντεσ τούτῳ καὶ αὐτὸσ οὗτοσ, ὥστε ἐθέλοντοσ μὲν τοῦ Νικομήδουσ ἐθελούσησ δὲ τῆσ γυναικὸσ ἀφιέναι, εἴ τισ ἢ εἰσ ἐλευθερίαν τοῦτον <ἀφαιροῖτο> ἢ ἄγοι φάσκων ἑαυτοῦ δοῦλον εἶναι, τούτων οὐδὲν ποιήσαντεσ ἀφελόμενοι ᾤχοντο. ὡσ οὖν τῇ τε προτεραίᾳ ἐπὶ τούτοισ ἐξηγγυήθη καὶ τότε βίᾳ ᾤχοντο ἀφελόμενοι αὐτόν, μάρτυρασ παρέξομαι ὑμῖν. καί μοι ἐπίλαβε τὸ ὕδωρ. Μάρτυρεσ ῥᾴδιον τοίνυν εἰδέναι ὅτι οὐδ’ αὐτὸσ Παγκλέων νομίζει ἑαυτὸν μὴ ὅτι Πλαταιέα εἶναι, ἀλλ’ οὐδ’ ἐλεύθερον. ὅστισ γὰρ ἐβουλήθη βίᾳ ἀφαιρεθεὶσ ἐνόχουσ καταστῆσαι τοὺσ ἑαυτοῦ ἐπιτηδείουσ τοῖσ βιαίοισ μᾶλλον ἢ κατὰ τοὺσ νόμουσ εἰσ τὴν ἐλευθερίαν ἐξαιρεθεὶσ δίκην λαβεῖν παρὰ τῶν ἀγόντων αὐτόν, οὐδενὶ χαλεπὸν γνῶναι ὅτι εὖ εἰδὼσ ἑαυτὸν ὄντα δοῦλον ἔδεισεν ἐγγυητὰσ καταστήσασ περὶ τοῦ σώματοσ ἀγωνίσασθαι.

ὅτι μὲν οὖν Πλαταιεὺσ εἶναι πολλοῦ δεῖ, οἶμαι ὑμᾶσ ἐκ τούτων σχεδόν τι γιγνώσκειν·

ὅτι δὲ οὐδ’ <αὐτὸσ> οὗτοσ, ὃσ ἄριστα οἶδε τὰ αὑτοῦ, ἡγήσατο δόξαι ἂν ὑμῖν Πλαταιεὺσ εἶναι, ἐξ ὧν ἔραξε ῥαδίωσ μαθήσεσθε. ἐν τῇ ἀντωμοσία γὰρ τῆσ δίκησ ἣν αὐτῷ ἔλαχεν Ἀριστόδικοσ οὑτοσί, ἀμφισβητῶν μὴ πρὸσ τὸν πολέμαρχον εἶναί οἱ τὰσ δίκασ διεμαρτυρήθη μὴ Πλαταιεὺσ εἶναι. ἐπισκηψάμενοσ δὲ τῷ μάρτυρι οὐκ ἐπεξῆλθεν, ἀλλ’ εἰάσε καταδικάσασθαι αὐτοῦ τὸν Ἀριστόδικον.

ἐπεὶ δὲ ὑπερήμεροσ ἐγένετο, ἐξέτισε τὴν δίκην, καθ’ ὅτι ἔπειθε. καὶ τούτων, ὡσ ἀληθῆ ἐστι, μάρτυρασ ἐγὼ παρέξομαι ὑμῖν. καί μοι ἐπίλαβε τὸ ὕδωρ. Μάρτυρεσ πρὶν τοίνυν ταῦτα ὁμολογηθῆναι αὐτῶ, δεδιὼσ τὸν Ἀριστόδικον μεταστὰσ ἐντεῦθεν Θήβησι μετῴκει. καίτοι οἶμαι εἰδέναι ὑμᾶσ ὅτι εἴπερ ἦν Πλαταιεύσ, πανταχοῦ μᾶλλον ἢ Θήβησιν εἰκὸσ ἦν αὐτὸν μετοικῆσαι.

ὡσ οὖν ᾤκει <ἐκεῖ> πολὺν χρόνον, τούτων ὑμῖν μάρτυρασ παρέξομαι. καί μοι ἐπίλαβε τὸ ὕδωρ. Μάρτυρεσ ἐξαρκεῖν μοι νομίζω τὰ εἰρημένα, ὦ ἄνδρεσ δικασταί· ἐὰν γὰρ διαμνημονεύητε, οἶδ’ ὅτι τά τε δίκαια καὶ τἀληθῆ ψηφιεῖσθε, ἃ καὶ ἐγὼ ὑμῶν δέομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Κατὰ Παγκλέωνοσ ὅτι οὐκ ἦν Πλαταιεύς

(리시아스, Speeches, Κατὰ Παγκλέωνοσ ὅτι οὐκ ἦν Πλαταιεύς)

상위

목록

SEARCH

MENU NAVIGATION