헬라어 문장 검색 - Λψσιασ́Σπεεξηέ22́

(리시아스, Speeches, Κατὰ τῶν σιτοπωλῶν)

πολλοί μοι προσεληλύθασιν, ὦ ἄνδρεσ δικασταί, θαυμάζοντεσ ὅτι ἐγὼ τῶν σιτοπωλῶν ἐν τῇ βουλῇ κατηγόρουν, καὶ λέγοντεσ ὅτι ὑμεῖσ, εἰ ὡσ μάλιστα αὐτοὺσ ἀδικεῖν ἡγεῖσθε, οὐδὲν ἧττον καὶ τοὺσ περὶ τούτων λόγουσ ποιουμένουσ συκοφαντεῖν νομίζετε. ὅθεν οὖν ἠνάγκασμαι κατηγορεῖν αὐτῶν, περὶ τούτων πρῶτον εἰπεῖν βούλομαι. ἐπειδὴ γὰρ οἱ πρυτάνεισ ἀπέδοσαν εἰσ τὴν βουλὴν περὶ αὐτῶν, οὕτωσ ὠργίσθησαν αὐτοῖσ, ὥστε ἔλεγόν τινεσ τῶν ῥητόρων ὡσ ἀκρίτουσ αὐτοὺσ χρὴ τοῖσ ἕνδεκα παραδοῦναι θανάτῳ ζημιῶσαι.

ἡγούμενοσ δὲ ἐγὼ δεινὸν εἶναι τοιαῦτα ἐθίζεσθαι ποιεῖν τὴν βουλήν, ἀναστὰσ εἶπον ὅτι μοι δοκοίη κρίνειν τοὺσ σιτοπώλασ κατὰ τὸν νόμον, νομίζων, εἰ μέν εἰσιν ἄξια θανάτου εἰργασμένοι, ὑμᾶσ οὐδὲν ἧττον ἡμῶν γνώσεσθαι τὰ δίκαια, εἰ δὲ μηδὲν ἀδικοῦσιν, οὐ δεῖν αὐτοὺσ ἀκρίτουσ ἀπολωλέναι. πεισθείσησ δὲ τῆσ βουλῆσ ταῦτα, διαβάλλειν ἐπεχείρουν με λέγοντεσ ὡσ ἐγὼ σωτηρίασ ἕνεκα τῆσ τῶν σιτοπωλῶν τοὺσ λόγουσ τούτουσ ἐποιούμην. πρὸσ μὲν οὖν βουλήν, ὅτ’ ἦν αὐτοῖσ ἡ κρίσισ, ἔργῳ ἀπελογησάμην·

τῶν γὰρ ἄλλων ἡσυχίαν ἀγόντων ἀναστὰσ αὐτῶν κατηγόρουν, καὶ πᾶσι φανερὸν ἐποίησα ὅτι οὐχ ὑπὲρ τούτων ἔλεγον, ἀλλὰ τοῖσ νόμοισ τοῖσ κειμένοισ ἐβοήθουν. ἠρξάμην μὲν οὖν τούτων ἕνεκα, δεδιὼσ τὰσ αἰτίασ·

αἰσχρὸν δ’ ἡγοῦμαι πρότερον παύσασθαι, πρὶν ἂν ὑμεῖσ περὶ αὐτῶν ὅ τι ἂν βούλησθε ψηφίσησθε. καὶ πρῶτον μὲν ἀνάβητε.

εἰπὲ σὺ ἐμοί, μέτοικοσ εἶ; "ναί. " μετοικεῖσ δὲ πότερον ὡσ πεισόμενοσ τοῖσ νόμοισ τοῖσ τῆσ πόλεωσ, ἢ ὡσ ποιήσων ὅ τι ἂν βούλῃ; "ὡσ πεισόμενοσ. " ἄλλο τι οὖν ἢ ἀξιοῖσ ἀποθανεῖν, εἴ τι πεποίηκασ παρὰ τοὺσ νόμουσ, ἐφ’ οἷσ θάνατοσ ἡ ζημία; "ἔγωγε· ἀπόκριναι δή μοι, εἰ ὁμολογεῖσ πλείω σῖτον συμπρίασθαι πεντήκοντα φορμῶν, ὧν ὁ νόμοσ ἐξεῖναι κελεύει. "ἐγὼ τῶν ἀρχόντων κελευόντων συνεπριάμην. ἐὰν μὲν τοίνυν ἀποδείξῃ, ὦ ἄνδρεσ δικασταί, ὡσ ἔστι νόμοσ ὃσ κελεύει τοὺσ σιτοπώλασ συνωνεῖσθαι τὸν σῖτον, ἐὰν οἱ ἄρχοντεσ κελεύωσιν, ἀποψηφίσασθε·

εἰ δὲ μή, δίκαιον ὑμᾶσ καταψηφίσασθαι. ἡμεῖσ γὰρ ὑμῖν παρεσχόμεθα τὸν νόμον, ὃσ ἀπαγορεύει μηδένα τῶν ἐν τῇ πόλει πλείω σῖτον πεντήκοντα φορμῶν συνωνεῖσθαι. χρῆν μὲν τοίνυν, ὦ ἄνδρεσ δικασταί, ἱκανὴν εἶναι ταύτην τὴν κατηγορίαν, ἐπειδὴ οὗτοσ μὲν ὁμολογεῖ συμπρίασθαι, ὁ δὲ νόμοσ ἀπαγορεύων φαίνεται, ὑμεῖσ δὲ κατὰ τοὺσ νόμουσ ὀμωμόκατε ψηφιεῖσθαι·

ὅμωσ δ’ ἵνα πεισθῆτε ὅτι καὶ κατὰ τῶν ἀρχόντων ψεύδονται, ἀνάγκη καὶ μακρότερον εἰπεῖν περὶ αὐτῶν. ἐπειδὴ γὰρ οὗτοι τὴν αἰτίαν εἰσ ἐκείνουσ ἀνέφερον, παρακαλέσαντεσ τοὺσ ἄρχοντασ ἠρωτῶμεν.

καὶ οἱ μὲν δύο οὐδὲν ἔφασαν εἰδέναι τοῦ πράγματοσ, Ἄνυτοσ δ’ ἔλεγεν ὡσ τοῦ προτέρου χειμῶνοσ, ἐπειδὴ τίμιοσ ἦν ὁ σῖτοσ, τούτων ὑπερβαλλόντων ἀλλήλουσ καὶ πρὸσ σφᾶσ αὐτοὺσ μαχομένων συμβουλεύσειεν αὐτοῖσ παύσασθαι φιλονικοῦσιν, ἡγούμενοσ συμφέρειν ὑμῖν τοῖσ παρὰ τούτων ὠνουμένοισ ὡσ ἀξιώτατον τούτουσ πρίασθαι· δεῖν γὰρ αὐτοὺσ ὀβολῷ μόνον πωλεῖν τιμιώτερον. ὡσ τοίνυν οὐ συμπριαμένουσ καταθέσθαι ἐκέλευεν αὐτούσ, ἀλλὰ μὴ ἀλλήλοισ ἀντωνεῖσθαι συνεβούλευεν, αὐτὸν ὑμῖν Ἄνυτον μάρτυρα παρέξομαι.

καὶ ὡσ οὗτοσ μὲν ἐπὶ τῆσ προτέρασ βουλῆσ τούτουσ εἶπε τοὺσ λόγουσ, οὗτοι δ’ ἐπὶ τῆσδε συνωνούμενοι φαίνονται.

ὅτι μὲν τοίνυν οὐχ ὑπὸ τῶν ἀρχόντων κελευσθέντεσ συνεπρίαντο τὸν σῖτον, ἀκηκόατε·

ἡγοῦμαι δ’, ἐὰν ὡσ μάλιστα περὶ τούτων ἀληθῆ λέγωσιν, οὐχ ὑπὲρ αὑτῶν αὐτοὺσ ἀπολογήσεσθαι, ἀλλὰ τούτων κατηγορήσειν· περὶ γὰρ ὧν εἰσι νόμοι διαρρήδην γεγραμμένοι, πῶσ οὐ χρὴ διδόναι δίκην καὶ τοὺσ μὴ πειθομένουσ καὶ τοὺσ κελεύοντασ τούτοισ τἀναντία πράττειν; ἀλλὰ γάρ, ὦ ἄνδρεσ δικασταί, οἰόμαι αὐτοὺσ ἐπὶ μὲν τοῦτον τὸν λόγον οὐκ ἐλεύσεσθαι·

ἴσωσ δ’ ἐροῦσιν, ὥσπερ καὶ ἐν τῇ βουλῇ, ὡσ ἐπ’ εὐνοίᾳ τῆσ πόλεωσ συνεωνοῦντο τὸν σῖτον, ἵν’ ὡσ ἀξιώτατον ὑμῖν πωλοῖεν. μέγιστον δ’ ὑμῖν ἐρῶ καὶ περιφανέστατον τεκμήριον ὅτι ψεύδονται· ἐχρῆν γὰρ αὐτούσ, εἴπερ ὑμῶν ἕνεκα ἔπραττον ταῦτα, φαίνεσθαι τῆσ αὐτῆσ τιμῆσ πολλὰσ ἡμέρασ πωλοῦντασ, ἑώσ ὁ συνεωνημένοσ αὐτοὺσ ἐπέλιπε·

νῦν δ’ ἐνίοτε τῆσ αὐτῆσ ἡμέρασ ἐπώλουν δραχμῇ τιμιώτερον, ὥσπερ κατὰ μέδιμνον συνωνούμενοι. καὶ τούτων ὑμᾶσ μάρτυρασ παρέχομαι. δεινὸν δέ μοι δοκεῖ εἶναι, εἰ ὅταν μὲν εἰσφορὰν εἰσενεγκεῖν δέη, ἣν πάντεσ εἴσεσθαι μέλλουσιν, οὐκ ἐθέλουσιν, ἀλλὰ πενίαν προφασίζονται, ἐφ’ οἷσ δὲ θάνατόσ ἐστιν ἡ ζημία καὶ λαθεῖν αὐτοῖσ συνέφερε, ταῦτα ἐπ’ εὐνοίᾳ φασὶ τῇ ὑμετέρα παρανομῆσαι.

καίτοι πάντεσ ἐπίστασθε ὅτι τούτοισ ἥκιστα προσήκει τοιούτουσ ποιεῖσθαι λόγουσ. τἀναντία γὰρ αὐτοῖσ καὶ τοῖσ ἄλλοισ συμφέρει·

τότε γὰρ πλεῖστα κερδαίνουσιν, ὅταν κακοῦ τινοσ ἀπαγγελθέντοσ τῇ πόλει τίμιον τὸν σῖτον πωλῶσιν. οὕτω δ’ ἄσμενοι τὰσ συμφορὰσ τὰσ ὑμετέρασ ὁρῶσιν, ὥστε τὰσ μὲν πρότεροι τῶν ἄλλων πυνθάνονται, τὰσ δ’ αὐτοὶ λογοποιοῦσιν, ἢ τὰσ ναῦσ διεφθάρθαι τὰσ ἐν τῷ Πόντῳ ἢ ὑπὸ Λακεδαιμονίων ἐκπλεούσασ συνειλῆφθαι, ἢ τὰ ἐμπόρια κεκλῇσθαι, ἢ τὰσ σπονδὰσ μέλλειν ἀπορρηθήσεσθαι, καὶ εἰσ τοῦτ’ ἔχθρασ ἐληλύθασιν, ὥστ’ ἐν τοῖσ αὐτοῖσ καιροῖσ ἐπιβουλεύουσιν ὑμῖν, ἐν οἷσπερ οἱ πολέμιοι. ὅταν γὰρ μάλιστα σίτου τυγχάνητε δεόμενοι, ἀναρπάζουσιν οὗτοι καὶ οὐκ ἐθέλουσι πωλεῖν, ἵνα μὴ περὶ τῆσ τιμῆσ διαφερώμεθα, ἀλλ’ ἀγαπῶμεν ἐὰν ὁποσουτινοσοῦν πριάμενοι παρ’ αὐτῶν ἀπέλθωμεν.

ὥστ’ ἐνίοτε εἰρήνησ οὔσησ ὑπὸ τούτων πολιορκούμεθα. οὕτω δὲ πάλαι περὶ τῆσ τούτων πανουργίασ καὶ κακονοίασ ἡ πόλισ ἔγνωκεν, ὥστ’ ἐπὶ μὲν τοῖσ ἄλλοισ ὠνίοισ ἅπασι τοὺσ ἀγορανόμουσ φύλακασ κατεστήσατε, ἐπὶ δὲ ταύτῃ μόνῃ τῇ τέχνῃ χωρὶσ σιτοφύλακασ ἀποκληροῦτε·

καὶ πολλάκισ ἤδη παρ’ ἐκείνων πολιτῶν ὄντων δίκην τὴν μεγίστην ἐλάβετε, ὅτι οὐχ οἱοῖ́ τ’ ἦσαν τῆσ τούτων πονηρίασ ἐπικρατῆσαι. καίτοι τί χρὴ αὐτοὺσ τοὺσ ἀδικοῦντασ ὑφ’ ὑμῶν πάσχειν, ὁπότε καὶ τοὺσ οὐ δυναμένουσ φυλάττειν ἀποκτείνετε; ἐνθυμεῖσθαι δὲ χρὴ ὅτι ἀδύνατον ὑμῖν ἐστιν ἀποψηφίσασθαι.

εἰ γὰρ ἀπογνώσεσθε ὁμολογούντων αὐτῶν ἐπὶ τοὺσ ἐμπόρουσ συνίστασθαι, δόξεθ’ ὑμεῖσ ἐπιβουλεύειν τοῖσ εἰσπλέουσιν. εἰ μὲν γὰρ ἄλλην τινὰ ἀπολογίαν ἐποιοῦντο, οὐδεὶσ ἂν εἶχε τοῖσ ἀποψηφισαμένοισ ἐπιτιμᾶν· ἐφ’ ὑμῖν γὰρ ὁποτέροισ βούλεσθε πιστεύειν· νῦν δὲ πῶσ οὐ δεινὰ ἂν δόξαιτε ποιεῖν, εἰ τοὺσ ὁμολογοῦντασ παρανομεῖν ἀζημίουσ ἀφήσετε; ἀναμνήσθητε δέ, ὦ ἄνδρεσ δικασταί, ὅτι πολλῶν ἤδη ἐχόντων ταύτην τὴν αἰτίαν, ἀρνουμένων δὲ καὶ μάρτυρασ παρεχομένων, θάνατον κατέγνωτε, πιστοτέρουσ ἡγησάμενοι τοὺσ τῶν κατηγόρων λόγουσ.

καίτοι πῶσ ἂν οὐ θαυμαστὸν εἰή, εἰ περὶ τῶν αὐτῶν ἁμαρτημάτων δικάζοντεσ μᾶλλον ἐπιθυμεῖτε παρὰ τῶν ἀρνουμένων δίκην λαμβάνειν; καὶ μὲν δή, ὦ ἄνδρεσ δικασταί, πᾶσιν ἡγοῦμαι φανερὸν εἶναι ὅτι οἱ περὶ τῶν τοιούτων ἀγῶνεσ κοινότατοι τυγχάνουσιν ὄντεσ τοῖσ ἐν τῇ πόλει, ὥστε πεύσονται ἥντινα γνώμην περὶ αὐτῶν ἔχετε, ἡγούμενοι, ἐὰν μὲν θάνατον τούτων καταγνῶτε, κοσμιωτέρουσ ἔσεσθαι τοὺσ λοιπούσ·

ἐὰν δ’ ἀζημίουσ ἀφῆτε, πολλὴν ἄδειαν αὐτοῖσ ἐψηφισμένοι ἔσεσθε ποιεῖν ὅ τι ἂν βούλωνται. χρὴ δέ, ὦ ἄνδρεσ δικασταί, μὴ μόνον τῶν παρεληλυθότων ἕνεκα αὐτοὺσ κολάζειν, ἀλλὰ καὶ παραδείγματοσ ἕνεκα τῶν μελλόντων ἔσεσθαι·

οὕτω γὰρ ἔσονται μόγισ ἀνεκτοί. ἐνθυμεῖσθε δὲ ὅτι ἐκ ταύτησ τῆσ τέχνησ πλεῖστοι περὶ τοῦ σώματόσ εἰσιν ἠγωνισμένοι· καὶ οὕτω μεγάλα ἐξ αὐτῆσ ὠφελοῦνται, ὥστε μᾶλλον αἱροῦνται καθ’ ἑκάστην ἡμέραν περὶ τῆσ ψυχῆσ κινδυνεύειν ἢ παύεσθαι παρ’ ὑμῶν ἀδίκωσ κερδαίνοντεσ. καὶ μὲν δὴ οὐδ’ ἐὰν ἀντιβολῶσιν ὑμᾶσ καὶ ἱκετεύωσι, δικαίωσ ἂν αὐτοὺσ ἐλεήσαιτε, ἀλλὰ μᾶλλον τῶν τε πολιτῶν οἳ διὰ τὴν τούτων πονηρίαν ἀπέθνῃσκον, καὶ τοὺσ ἐμπόρουσ ἐφ’ οὓσ οὗτοι συνέστησαν·

οἷσ ὑμεῖσ χαριεῖσθε καὶ προθυμοτέρουσ ποιήσετε, δίκην παρὰ τούτων λαμβάνοντεσ. εἰ δὲ μή, τίν’ αὐτοὺσ οἰέσθε γνώμην ἕξειν, ἐπειδὰν πύθωνται ὅτι τῶν καπήλων οἳ τοῖσ εἰσπλέουσιν ὡμολόγησαν ἐπιβουλεύειν, ἀπεψηφίσασθε; οὐκ οἶδ’ ὅ τι δεῖ πλείω λέγειν·

περὶ μὲν γὰρ τῶν ἄλλων τῶν ἀδικούντων, ὅτε δικάζονται, δεῖ παρὰ τῶν κατηγόρων πυθέσθαι, τὴν δὲ τούτων πονηρίαν ἅπαντεσ ἐπίστασθε. ἐὰν οὖν τούτων καταψηφίσησθε, τά τε δίκαια ποιήσετε καὶ ἀξιώτερον τὸν σῖτον ὠνήσεσθε· εἰ δὲ μή, τιμιώτερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Κατὰ τῶν σιτοπωλῶν

(리시아스, Speeches, Κατὰ τῶν σιτοπωλῶν)

상위

목록

SEARCH

MENU NAVIGATION