Lysias, Speeches, Ὑπὲρ Πολυστράτου 43:

δεόμεθα οὖν ὑμῶν πρὸσ τῶν ὑπαρχόντων ἀγαθῶν ἑκάστῳ, ὅτῳ μὲν εἰσὶν ὑεῖσ, τούτων ἕνεκα ἐλεῆσαι, ὅστισ <δ’> ἡμῖν ἡλικιώτησ τυγχάνει ἢ τῷ πατρί, ἐλεήσαντασ ἀποψηφίσασθαι· καὶ μὴ ἡμᾶσ βουλομένουσ εὖ ποιεῖν τὴν πόλιν ὑμεῖσ κωλύσητε. δεινὰ δ’ ἂν πάθοιμεν, εἰ ὑπὸ τῶν πολεμίων μὲν ἐσώθημεν, οὓσ εἰκὸσ ἦν διακωλύειν μὴ σῴζεσθαι, παρ’ ὑμῶν δὲ μηδὲ εὑρησόμεθα τὸ σωθῆναι.