Lysias, Speeches, Ὑπὲρ τῶν Ἀριστοφάνουσ χρημάτων, πρὸσ τὸ δημόσιον 79:

οὔκουν ἄξιον τοῖσ τῶν κατηγόρων λόγοισ πιστεῦσαι μᾶλλον ἢ τοῖσ ἔργοισ, ἃ ἐπράχθη ἐν ἅπαντι τῷ βίῳ, καὶ τῷ χρόνῳ, ὃν ὑμεῖσ σαφέστατον ἔλεγχον τοῦ ἀληθοῦσ νομίσατε. εἰ γὰρ μὴ ἦν τοιοῦτοσ, οὐκ ἂν ἐκ πολλῶν ὀλίγα κατέλιπεν, ἐπεὶ εἰ νῦν γε ἐξαπατηθείητε ὑπὸ τούτων καὶ δημεύσαιθ’ ἡμῶν τὴν οὐσίαν, οὐδὲ δύο τάλαντα λάβοιτ’ ἄν. ὥστε οὐ μόνον πρὸσ δόξαν ἀλλὰ καὶ εἰσ χρημάτων λόγον λυσιτελεῖ μᾶλλον ὑμῖν ἀποψηφίσασθαι· πολὺ γὰρ πλείω ὠφεληθήσεσθ’, ἐὰν ἡμεῖσ ἔχωμεν.