Lysias, Speeches, Ὑπὲρ τῶν Ἀριστοφάνουσ χρημάτων, πρὸσ τὸ δημόσιον 65:

ἐπεὶ οἰόμαι ὑμᾶσ εἰδέναι ὅτι Ἀλκιβιάδησ τέτταρα ἢ πέντε ἔτη ἐφεξῆσ ἐστρατήγει ἐπικρατῶν καὶ νενικηκὼσ Λακεδαιμονίουσ, καὶ διπλάσια ἐκείνῳ ἠξίουν αἱ πόλεισ διδόναι ἢ ἄλλῳ τινὶ τῶν στρατηγῶν, ὥστ’ ᾤοντο εἶναί τινεσ αὐτῷ πλεῖν ἢ ἑκατὸν τάλαντα. ὁ δ’ ἀποθανὼν ἐδήλωσεν ὅτι οὐκ ἀληθῆ ταῦτα ἦν· ἐλάττω γὰρ οὐσίαν κατέλιπε τοῖσ παισὶν ἢ αὐτὸσ παρὰ τῶν ἐπιτροπευσάντων παρέλαβεν.