Lysias, Speeches, Ὑπὲρ τῶν Ἀριστοφάνουσ χρημάτων, πρὸσ τὸ δημόσιον 26:

Ἀριστοφάνησ δ’ οὖν τῶν χρημάτων τὰ μὲν πλεῖστα αὐτὸσ παρέσχεν· ἐπειδὴ δὲ οὐχ ἱκανὰ ἦν, τοὺσ φίλουσ ἔπειθε δεόμενοσ καὶ ἐγγυώμενοσ, καὶ τοῦ ἀδελφοῦ τοῦ ὁμοπατρίου ἀποκειμένασ παρ’ αὐτῷ τετταράκοντα μνᾶσ λαβὼν κατεχρήσατο. τῇ δὲ προτεραίᾳ ᾗ ἀνήγετο, εἰσελθὼν ὡσ τὸν πατέρα τὸν ἐμὸν ἐκέλευσε χρῆσαι ὅ τι εἰή ἀργύριον. προσδεῖν γὰρ ἔφη πρὸσ τὸν μισθὸν τοῖσ πελτασταῖσ. ἦσαν δ’ ἡμῖν ἔνδον ἑπτὰ μναῖ· ὁ δὲ καὶ ταύτασ λαβὼν κατεχρήσατο.