Lysias, Speeches, Ὑπὲρ τῶν Ἀριστοφάνουσ χρημάτων, πρὸσ τὸ δημόσιον 10:

ἀλλὰ ταῦτα μὲν ἐάσω· οὐδὲν γὰρ ἂν περαίνοιμι· πολὺ δὲ ἀθλιώτεροι δοκοῦσί μοι οἱ παῖδεσ οἱ Ἀριστοφάνουσ· οὐδένα γὰρ οὔτ’ ἰδίᾳ οὔτε δημοσίᾳ ἠδικηκότεσ οὐ μόνον τὰ πατρῷα ἀπολωλέκασι παρὰ τοὺσ νόμουσ τοὺσ ὑμετέρουσ, ἀλλὰ καὶ ἣ ὑπόλοιποσ ἐλπὶσ ἦν, ἀπὸ <τῶν> τοῦ πάππου ἐκτραφῆναι, ἐν οὕτω δεινῶ καθέστηκεν. ἔτι δ’ ἡμεῖσ ἐστερημένοι μὲν κηδεστῶν, ἐστερημένοι δὲ τῆσ προικόσ, παιδάρια δὲ τρία ἠναγκασμένοι τρέφειν, προσέτι συκοφαντούμεθα καὶ κινδυνεύομεν περὶ ὧν οἱ πρόγονοι ἡμῖν κατέλιπον κτησάμενοι ἐκ τοῦ δικαίου.