Lysias, Speeches, Περὶ τῆσ δημεύσεωσ <τῶν tou= Niki/ou a)de/lfou e)pi/logos> 5:

ἐκεῖνοσ γὰρ ὅσα μὲν τῇ ἑαυτοῦ γνώμῃ χρώμενοσ ὑπὲρ τοῦ ὑμετέρου ἔπραξε, πανταχοῦ φανήσεται πολλῶν μὲν καὶ ἀγαθῶν αἴτιοσ τῇ πόλει γεγενημένοσ, πλεῖστα δὲ καὶ μέγιστα κακὰ τοὺσ πολεμίουσ εἰργασμένοσ· ὅσα δὲ οὐ βουλόμενοσ ἀλλ’ ἄκων ἠναγκάσθη ποιῆσαι, τῶν μὲν κακῶν οὐκ ἐλάχιστον αὐτὸσ μετέσχε μέροσ, τὴν δ’ αἰτίαν τῆσ συμφορᾶσ οἱ πείσαντεσ ὑμᾶσ δικαίωσ ἂν ἔχοιεν, ἐπεὶ τήν γε πρὸσ ὑμᾶσ εὔνοιαν καὶ τὴν ἀρετὴν <τὴν> αὑτοῦ ἐν ταῖσ εὐτυχίαισ ταῖσ ὑμετέραισ καὶ ταῖσ δυστυχίαισ ταῖσ τῶν ἐχθρῶν ἐπεδείξατο·