Lysias, Speeches, Περὶ τῶν Ἐράτωνοσ χρημάτων· πρὸσ τὸ δημόσιον 13:

ἀναγνωσθήσονται δὲ ὑμῖν καὶ αὗται αἱ ἀπογραφαί· ἐκ τούτων γὰρ μάλιστα γνώσεσθε ὅτι οὔτε νεωστὶ ταῦτα τὰ χρήματα ἀξιοῦμεν ἡμέτερα εἶναι, οὔτε νυνὶ τῷ δημοσίῳ πλειόνων ἀμφισβητοῦμεν ἢ τῷ ἔμπροσθεν χρόνῳ τοῖσ ἰδιώταισ. καί μοι κάλει μάρτυρασ. Μάρτυρεσ ὅτι μέν, ὦ ἄνδρεσ δικασταί, οὐ παρὰ τὸ δίκαιον ἀξιῶ μοι ψηφίσασθαι τὸ διαδίκασμα, ἀλλ’ αὐτὸσ τῇ πόλει πολλὰ τῶν ἐμαυτοῦ ἀφεὶσ τοῦτο ἀξιῶ μοι ἀποδοθῆναι, ἀποδέδεικται.