Lysias, Speeches, Περὶ τῶν Ἐράτωνοσ χρημάτων· πρὸσ τὸ δημόσιον 9:

ὡσ δὲ τὴν ἀμφισβήτησιν ἐποιησάμην πρόσ τε ὑμᾶσ καὶ τοὺσ ἰδιώτασ, ἔτι ἀκούσατε. ἑώσ μὲν γὰρ ἡμῖν οἱ Ἐρασιφῶντοσ οἰκεῖοι τούτων τῶν χρημάτων ἠμφεσβήτουν, ἅπαντα ἠξίουν ἐμὰ εἶναι, διότι ὑπὲρ ἅπαντοσ τοῦ χρέωσ ἀντιδικῶν πρὸσ τὸν πατέρα ὁ Ἐρασίστρατοσ ἡττήθη· καὶ τὰ μὲν Σφηττοῖ ἤδη τρία ἔτη μεμίσθωκα, τῶν δὲ Κικυννοῖ καὶ τῆσ οἰκίασ ἐδικαζόμην τοῖσ ἔχουσι. πέρυσι μὲν οὖν διεγράψαντό μου τὰσ δίκασ, ἔμποροι φάσκοντεσ εἶναι· νυνὶ δὲ λαχόντοσ ἐν τῷ Γαμηλιῶνι μηνὶ οἱ ναυτοδίκαι οὐκ ἐξεδίκασαν.