헬라어 문장 검색 - Λψσιασ́Σπεεξηέ17́

(리시아스, Speeches, Περὶ τῶν Ἐράτωνοσ χρημάτων· πρὸσ τὸ δημόσιον)

ἴσωσ τινὲσ ὑμῶν, ὦ ἄνδρεσ δικασταί, διὰ τὸ βούλεσθαί με ἄξιον εἶναί τινοσ ἡγοῦνται καὶ εἰπεῖν ἂν μᾶλλον ἑτέρου δύνασθαι· ἐγὼ δὲ τοσούτου δέω περὶ τῶν μὴ, προσηκόντων ἱκανὸσ εἶναι λέγειν, ὥστε δέδοικα μή, καὶ περὶ ὧν ἀναγκαῖόν μοί ἐστι λέγειν, ἀδύνατοσ ὦ τὰ δέοντα εἰπεῖν. οἴμαι μὲν οὖν, ἐάν πάντα διηγήσωμαι τὰ πεπραγμένα ἡμῖν πρὸσ Ἐράτωνα καὶ τοὺσ ἐκείνου παῖδασ, ῥαδίωσ ἐξ αὐτῶν ὑμᾶσ εὑρήσειν ἃ προσήκει σκέψασθαι περὶ ταύτησ τῆσ διαδικασίασ. ἐξ ἀρχῆσ οὖν ἀκούσατε. ἐράτων ὁ Ἐρασιφῶντοσ πατὴρ ἐδανείσατο παρὰ τοῦ ἐμοῦ πάππου τάλαντα δύο.

ὅτι μὲν οὖν ἔλαβε τἀργύριον καὶ ὡσ τοσοῦτόν γε ἐδεήθη δανείσασθαι, καὶ ὧν ἐναντίον ἐδόθη, μάρτυρασ ὑμῖν παρέξομαι· ἃ δ’ ἐχρήσατο αὐτῷ καὶ ὅσα ὠφελήθη, οἱ μᾶλλόν τε ἐμοῦ εἰδότεσ καὶ παραγεγενημένοι οἷσ ἐκεῖνοσ ἔπραττε διηγήσονται ὑμῖν καὶ μαρτυρήσουσι. καί μοι κάλει μάρτυρασ. Μάρτυρεσ ἑώσ τοίνυν ὁ Ἐράτων ἔζη, τούσ τε τόκουσ ἀπελαμβάνομεν καὶ τἆλλα τὰ συγκείμενα· ἐπειδὴ δὲ ἐτελεύτησε καταλιπὼν ὑοὺσ τρεῖσ, Ἐρασιφῶντα καὶ Ἐράτωνα καὶ Ἐρασίστρατον, οὗτοι οὐδὲν ἔτι ἡμῖν τῶν δικαίων ἐποίουν.

ἐν μὲν οὖν τῷ πολέμῳ, διότι οὐκ ἦσαν δίκαι, οὐ δυνατοὶ ἦμεν παρ’ αὐτῶν ἃ ὤφειλον πράξασθαι· ἐπειδὴ δὲ εἰρήνη ἐγένετο, ὅτε περ πρῶτον αἱ ἀστικαὶ δίκαι ἐδικάζοντο, λαχὼν ὁ πατὴρ παντὸσ τοῦ συμβολαίου Ἐρασιστράτῳ, ὅσπερ μόνοσ τῶν ἀδελφῶν ἐπεδήμει, κατεδικάσατο ἐπὶ Ξεναινέτου ἄρχοντοσ. μάρτυρασ δὲ καὶ τούτων παρέξομαι ὑμῖν. καί μοι κάλει μάρτυρασ. Μάρτυρεσ ὅτι μὲν τὰ Ἐράτωνοσ δικαίωσ ἂν ἡμέτερα εἰή, ἐκ τούτων ῥᾴδιον εἰδέναι, ὅτι δὲ πάντα δημεύεται, ἐξ αὐτῶν <τῶν> ἀπογραφῶν· τρεῖσ γὰρ καὶ τέτταρεσ ἕκαστα ἀπογεγράφασι.

καίτοι τοῦτό γε παντὶ εὔγνωστον, ὅτι οὐκ ἂν παρέλιπον, εἴ τι ἄλλο τῶν Ἐράτωνοσ οἱο͂́ν τε ἦν δημεύειν, οἱ πάντα τὰ Ἐράτωνοσ ἀπογράφοντεσ καὶ ἃ ἐγὼ πολὺν ἤδη χρόνον κέκτημαι. ὡσ μὲν οὖν ἡμῖν οὐδ’ ἑτέρωθεν εἰσπράξασθαι οἱο͂́ν τε, ἐὰν ὑμεῖσ ταῦτα δημεύσητε, εὔγνωστόν μοι δοκεῖ εἶναι· ὡσ δὲ τὴν ἀμφισβήτησιν ἐποιησάμην πρόσ τε ὑμᾶσ καὶ τοὺσ ἰδιώτασ, ἔτι ἀκούσατε.

ἑώσ μὲν γὰρ ἡμῖν οἱ Ἐρασιφῶντοσ οἰκεῖοι τούτων τῶν χρημάτων ἠμφεσβήτουν, ἅπαντα ἠξίουν ἐμὰ εἶναι, διότι ὑπὲρ ἅπαντοσ τοῦ χρέωσ ἀντιδικῶν πρὸσ τὸν πατέρα ὁ Ἐρασίστρατοσ ἡττήθη· καὶ τὰ μὲν Σφηττοῖ ἤδη τρία ἔτη μεμίσθωκα, τῶν δὲ Κικυννοῖ καὶ τῆσ οἰκίασ ἐδικαζόμην τοῖσ ἔχουσι. πέρυσι μὲν οὖν διεγράψαντό μου τὰσ δίκασ, ἔμποροι φάσκοντεσ εἶναι· νυνὶ δὲ λαχόντοσ ἐν τῷ Γαμηλιῶνι μηνὶ οἱ ναυτοδίκαι οὐκ ἐξεδίκασαν. ἐπειδὴ δ’ ὑμῖν τὰ Ἐρασιφῶντοσ δημεύειν ἔδοξεν, ἀφεὶσ τῇ πόλει τὼ δύο μέρει τὰ Ἐρασιστράτου ἀξιῶ μοι ψηφισθῆναι, διότι ταῦτά γε ἤδη καὶ πρότερον ἐγνώκατε ἡμέτερα εἶναι.

ὡρισάμην οὖν ἐμαυτῷ τὸ τρίτον μέροσ τῆσ ἐκείνων οὐσίασ οὐ τὴν ἀκρίβειαν ἐπισκεψάμενοσ, ἀλλὰ πολλῷ πλέον ἢ τὼ δύο μέρει τῷ δημοσίῳ ὑπολιπών. ῥᾴδιον δὲ γνῶναι ἐκ τοῦ τιμήματοσ τοῦ ἐπιγεγραμμένου τοῖσ χρήμασιν.

ἅπαντα μὲν γὰρ πλείονοσ ἢ ταλάντου τετίμηνται, ὧν δ’ ἐγὼ ἀμφισβητῶ τῷ μὲν πέντε μνᾶσ τῷ δὲ χιλίασ δραχμὰσ ἐπεγραψάμην· καὶ εἰ πλείονοσ ἄξιά ἐστιν ἢ τοσούτου, ἀποκηρυχθέντων τὸ περιττὸν ἡ πόλισ λήψεται. ἵνα οὖν εἰδῆτε ὅτι ταῦτα ἀληθῆ ἐστι, μάρτυρασ ὑμῖν παρέξομαι πρῶτον μὲν τοὺσ μεμισθωμένουσ παρ’ ἐμοῦ τὸ Σφηττοῖ χωρίον, ἔπειτα τοῦ Κικυννοῖ τοὺσ γείτονασ, οἳ ἴσασιν ἡμᾶσ ἤδη τρία ἔτη ἀμφισβητοῦντασ, ἔτι δὲ τούσ τε πέρυσιν ἄρξαντασ, πρὸσ οὓσ αἱ δίκαι ἐλήχθησαν, καὶ τοὺσ νῦν ναυτοδίκασ.

ἀναγνωσθήσονται δὲ ὑμῖν καὶ αὗται αἱ ἀπογραφαί·

ἐκ τούτων γὰρ μάλιστα γνώσεσθε ὅτι οὔτε νεωστὶ ταῦτα τὰ χρήματα ἀξιοῦμεν ἡμέτερα εἶναι, οὔτε νυνὶ τῷ δημοσίῳ πλειόνων ἀμφισβητοῦμεν ἢ τῷ ἔμπροσθεν χρόνῳ τοῖσ ἰδιώταισ. καί μοι κάλει μάρτυρασ. Μάρτυρεσ ὅτι μέν, ὦ ἄνδρεσ δικασταί, οὐ παρὰ τὸ δίκαιον ἀξιῶ μοι ψηφίσασθαι τὸ διαδίκασμα, ἀλλ’ αὐτὸσ τῇ πόλει πολλὰ τῶν ἐμαυτοῦ ἀφεὶσ τοῦτο ἀξιῶ μοι ἀποδοθῆναι, ἀποδέδεικται. ἤδη δέ μοι δοκεῖ δίκαιον εἶναι καὶ δεηθῆναι ὑμῶν τε καὶ τῶν συνδίκων ἐναντίον ὑμῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Περὶ τῶν Ἐράτωνοσ χρημάτων· πρὸσ τὸ δημόσιον

(리시아스, Speeches, Περὶ τῶν Ἐράτωνοσ χρημάτων· πρὸσ τὸ δημόσιον)

상위

목록

SEARCH

MENU NAVIGATION