Lysias, Speeches, Ἐν βουλῇ Μαντιθέῳ δοκιμαζομένῳ ἀπολογία 28:

ἤδη δέ τινων ᾐσθόμην, ὦ βουλή, καὶ διὰ ταῦτα ἀχθομένων μοι, ὅτι νεώτεροσ ὢν ἐπεχείρησα λέγειν ἐν τῷ δήμῳ. ἐγὼ δὲ τὸ μὲν πρῶτον ἠναγκάσθην ὑπὲρ τῶν ἐμαυτοῦ πραγμάτων δημηγορῆσαι, ἔπειτα μέντοι καὶ ἐμαυτῷ δοκῶ φιλοτιμότερον διατεθῆναι τοῦ δέοντοσ, ἅμα μὲν τῶν προγόνων ἐνθυμούμενοσ, ὅτι οὐδὲν πέπαυνται τὰ τῆσ πόλεωσ πράττοντεσ ἅμα δὲ ὑμᾶσ ὁρῶν τὰ γὰρ ἀληθῆ χρὴ λέγειν τοὺσ τοιούτουσ μόνουσ <τινὸσ> ἀξίουσ νομίζοντασ εἶναι, ὥστε ὁρῶν ὑμᾶσ ταύτην τὴν γνώμην ἔχοντασ τίσ οὐκ ἂν ἐπαρθείη πράττειν καὶ λέγειν ὑπὲρ τῆσ πόλεωσ;