Lysias, Speeches, Ἐν βουλῇ Μαντιθέῳ δοκιμαζομένῳ ἀπολογία 23:

ὥστ’ εἴ τινεσ ὑμῶν ὀργίζονται τοῖσ τὰ μὲν τῆσ πόλεωσ ἀξιοῦσι πράττειν, ἐκ δὲ τῶν κινδύνων ἀποδιδράσκουσιν, οὐκ ἂν δικαίωσ περὶ ἐμοῦ τὴν γνώμην ταύτην ἔχοιεν· οὐ γὰρ μόνον τὰ προσταττόμενα ταττόμενα ἐποίουν προθύμωσ, ἀλλὰ καὶ κινδυνεύειν ἐτόλμων. καὶ ταῦτ’ ἐποίουν οὐχ ὡσ οὐ δεινὸν ἡγούμενοσ εἶναι Λακεδαιμονίοισ μάχεσθαι, ἀλλ’ ἵνα, εἴ ποτε ἀδίκωσ εἰσ κίνδυνον καθισταίμην, διὰ ταῦτα βελτίων ὑφ’ ὑμῶν νομιζόμενοσ ἁπάντων τῶν δικαίων τυγχάνοιμι. καί μοι ἀνάβητε τούτων μάρτυρεσ. Μάρτυρεσ τῶν τοίνυν ἄλλων στρατειῶν καὶ φρουρῶν οὐδεμιᾶσ ἀπελείφθην πώποτε, ἀλλὰ πάντα τὸν χρόνον διατετέλεκα μετὰ τῶν πρώτων μὲν τὰσ ἐξόδουσ ποιούμενοσ, μετὰ τῶν τελευταίων δὲ ἀναχωρῶν·