Lysias, Speeches, Ἐν βουλῇ Μαντιθέῳ δοκιμαζομένῳ ἀπολογία 10:

ἔτι δέ, ὦ βουλή, εἴπερ ἵππευσα, οὐκ ἂν ἦ ἔξαρνοσ ὡσ δεινόν τι πεποιηκώσ, ἀλλ’ ἠξίουν, ἀποδείξασ ὡσ οὐδεὶσ ὑπ’ ἐμοῦ τῶν πολιτῶν κακῶσ πέπονθε, δοκιμάζεσθαι. ὁρῶ δὲ καὶ ὑμᾶσ ταύτῃ τῇ γνώμῃ χρωμένουσ, καὶ πολλοὺσ μὲν τῶν τότε ἱππευσάντων βουλεύοντασ, πολλοὺσ δ’ αὐτῶν στρατηγοὺσ καὶ ἱππάρχουσ κεχειροτονημένουσ. ὥστε μηδὲν δι’ ἄλλο με ἡγεῖσθε ταύτην ποιεῖσθαι τὴν ἀπολογίαν, ἢ ὅτι περιφανῶσ ἐτόλμησάν μου καταψεύσασθαι. ἀνάβηθι δέ μοι καὶ μαρτύρησον. Μάρτυρεσ περὶ μὲν τοίνυν αὐτῆσ τῆσ αἰτίασ οὐκ οἶδ’ ὅ τι δεῖ πλείω λέγειν·