Lysias, Speeches, Ἐν βουλῇ Μαντιθέῳ δοκιμαζομένῳ ἀπολογία 9:

ἐμὲ τοίνυν οὐδεὶσ ἂν ἀποδείξειεν οὔτ’ ἀπενεχθέντα ὑπὸ τῶν φυλάρχων οὔτε παραδοθέντα τοῖσ συνδίκοισ οὔτε κατάστασιν καταβαλόντα. καίτοι πᾶσι ῥᾴδιον τοῦτο γνῶναι, ὅτι ἀναγκαῖον ἦν τοῖσ φυλάρχοισ, εἰ μὴ ἀποδείξειαν τοὺσ ἔχοντασ τὰσ καταστάσεισ, αὐτοῖσ ζημιοῦσθαι. ὥστε πολὺ ἂν δικαιότερον ἐκείνοισ τοῖσ γράμμασιν ἢ τούτοισ πιστεύοιτε· ἐκ μὲν γὰρ τούτων ῥᾴδιον ἦν ἐξαλειφθῆναι τῷ βουλομένῳ, ἐν ἐκείνοισ δὲ τοὺσ ἱππεύσαντασ ἀναγκαῖον ἦν ὑπὸ τῶν φυλάρχων ἀπενεχθῆναι.