헬라어 문장 검색 - Λψσιασ́Σπεεξηέ15́

(리시아스, Speeches, Κατὰ Ἀλκιβιάδου ἀστρατείας)

ἐνθυμουμένουσ ὅτι σφόδρ’ ἂν ἠγανακτεῖτε, εἰ <ἐν> τῇ ὑμετέρᾳ δοκιμασίᾳ οἱ θεσμοθέται ἀναβάντεσ ὑμῶν ἐδέοντο καταψηφίσασθαι, ἡγούμενοι δεινὸν εἶναι εἰ οἱ τιθέντεσ τὸν ἀγῶνα καὶ τὴν ψῆφον διδόντεσ παρακελεύσονται τῶν μὲν μὴ <καταψηφίζεσθαι τῶν δὲ> καταψηφίζεσθαι. τί δ’ ἂν αἴσχιον ἔθοσ ἢ δεινότερον πρᾶγμα τούτου <ἐν> τῇ πόλει γένοιτο, εἰ τολμήσει ὁ μὲν ἄρχων ἐν ταῖσ τῶν ἐπικλήρων δίκαισ ἀντιβολεῖν καὶ ἱκετεύειν τοὺσ δικαστὰσ ὅ τι ἂν βούληται πραχθῆναι, ὁ δὲ πολέμαρχοσ καὶ οἱ ἕνδεκα δεήσονται ἐν ταῖσ δίκαισ ταῖσ ὑφ’ ἑαυτῶν εἰσαγομέναισ, ὥσπερ καὶ νῦν;

χρὴ τοίνυν καὶ ὑπὲρ ὑμῶν αὐτῶν τὴν γνώμην ἔχειν, ἐνθυμουμένουσ ὅτι οὐδὲν διοίσει ὑμᾶσ ἰδίᾳ περὶ τῆσ ἀστρατείασ βοηθεῖν, ἢ τούτων τινὰσ δεῖσθαι αὐτοὺσ τὴν ψῆφον διδόντασ.

σκέψασθε δέ, ὦ ἄνδρεσ δικασταί, ἐὰν ἱκανὸν γένηται τεκμήριον ὅτι οὐδείσ πω τῶν ἀρχόντων ἐν τῷ στρατοπέδῳ Ἀλκιβιάδῃ ἦν παρεσκευασμένοσ.

ἐχρῆν γὰρ αὐτούσ, εἴπερ ἀληθῆ λέγουσιν, ἀνακαλεῖν μὲν Πάμφιλον, ὅτι ἀφαιρῶν τὸν ἵππον ἱππέωσ ἀπεστέρει τὴν πόλιν, ἐπιβάλλειν δὲ τῷ φυλάρχῳ, ὅτι ἐξελαύνων Ἀλκιβιάδην ἐκ τῆσ φυλῆσ ἄκυρον ἐποίει τὴν τούτων τάξιν, κελεύειν δὲ τὸν ταξίαρχον ἐξαλείφειν αὐτὸν ἐκ τοῦ τῶν ὁπλιτῶν καταλόγου. νῦν δὲ τούτων οὐδὲν ἐποίησαν, ἀλλ’ ἐν μὲν τῷ στρατοπέδῳ περιεώρων αὐτὸν ὑπὸ πάντων προπηλακιζόμενον κἀν τοῖσ ἱπποτοξόταισ ἱππεύοντα, ἐπειδὴ δὲ ὑμᾶσ δεῖ παρὰ τῶν ἀδικούντων δίκην λαμβάνειν, χαριζόμενοι μαρτυροῦσιν ὑφ’ ἑαυτῶν αὐτὸν τετάχθαι.

καίτοι δεινόν, ὦ ἄνδρεσ δικασταί, αὐτοὺσ μὲν τοὺσ στρατηγοὺσ ὑπὸ τοῦ δήμου χειροτονηθέντασ μὴ ἂν τολμῆσαι πρότερον ἡμῶν ἡγήσασθαι, ἑώσ ἂν ἐδοκιμάσθησαν κατὰ τοὺσ νόμουσ, Ἀλκιβιάδην δὲ τολμᾶν παρὰ τοὺσ τῆσ πόλεωσ νόμουσ ὑπ’ αὐτῶν ταχθῆναι. δεινὸν δέ μοι δοκεῖ εἶναι, ὦ ἄνδρεσ δικασταί, εἰ τῶν μὲν δεδοκιμασμένων ἱππέων οὐκ ἐπὶ τούτοισ ἐστὶν ὅντινα βούλονται αὐτοὶ εἰσ τοὺσ ὁπλίτασ καταλέξαι, τῶν δὲ ὁπλιτῶν ἀδοκιμάστων ὄντων ἐπὶ τούτοισ ἔσται ὅντιν’ ἂν βούλωνται ἱππεύειν.

εἰ μὲν τοίνυν, ὦ ἄνδρεσ δικασταί, ὄντεσ κύριοι πολλῶν βουλομένων μηδένα τῶν ἄλλων ἱππεύειν εἰάσαν, οὐκ ἂν δικαίωσ χαρίζοισθε αὐτοῖσ·

εἰ δ’ ἄκυροι ὄντεσ ὁμολογήσουσι τάξαι, ἐνθυμεῖσθαι χρὴ ὅτι ὀμωμόκατε τὰ δίκαια γνώσεσθαι, ἀλλ’ οὐχ ὅ τι ἂν οὗτοι κελεύωσι ψηφιεῖσθαι, ὥστε οὐδένα χρὴ τῶν δεομένων περὶ πλείονοσ ὑμῶν αὐτῶν καὶ τῶν ὁρ́κων ποιεῖσθαι. καὶ μὲν δή, ὦ ἄνδρεσ δικασταί, εἴ τῳ δοκεῖ μεγάλη ἡ ζημία εἶναι καὶ λίαν ἰσχυρὸσ ὁ νόμοσ, μεμνῆσθαι χρὴ ὅτι οὐ νομοθετήσοντεσ περὶ αὐτῶν ἥκετε, ἀλλὰ κατὰ τοὺσ κειμένουσ νόμουσ ψηφιούμενοι, οὐδὲ τοὺσ ἀδικοῦντασ ἐλεήσοντεσ, ἀλλὰ πολὺ μᾶλλον αὐτοῖσ ὀργιούμενοι καὶ ὅλῃ τῇ πόλει βοηθήσοντεσ, εὖ εἰδότεσ ὅτι ὑπὲρ τῶν παρεληλυθότων ὀλίγουσ τιμωρησάμενοι πολλοὺσ ποιήσετε κοσμιωτέρουσ ἐν τοῖσ μέλλουσι κινδυνεύειν.

χρὴ δέ, ὦ ἄνδρεσ δικασταί, ὥσπερ οὗτοσ ἀμελήσασ τῆσ πόλεωσ τὴν αὑτοῦ σωτηρίαν ἐσκέψατο, οὕτωσ ὑμᾶσ ἀμελήσαντασ τούτου τῇ πόλει τὰ βέλτιστα ψηφίσασθαι, ἄλλωσ τε καὶ ὁρ́κουσ ὀμωμοκότασ καὶ περὶ Ἀλκιβιάδου μέλλοντασ ψηφίσασθαι, ὃσ ἐὰν ὑμᾶσ ἐξαπατήσῃ, καταγελῶν τῆσ πόλεωσ ἄπεισιν·

οὐ γὰρ δὴ χάριν γε ὑμῖν ἀποδώσει τῇ ψήφῳ κρύβδην εὖ παθών, ὃσ τῶν φίλων τοὺσ φανερῶσ αὐτὸν εὖ ποιήσαντασ κακῶσ ποιεῖ. ὑμεῖσ οὖν, ὦ ἄνδρεσ δικασταί, τὰσ τούτων δεήσεισ περὶ ἐλάττονοσ ποιησάμενοι τὰ δίκαια ψηφίσασθε.

ἀποδέδεικται δὲ καταλεγεὶσ εἰσ τοὺσ ὁπλίτασ καὶ λιπὼν τὴν τάξιν καὶ τῶν νόμων κωλυόντων ἀδοκίμαστοσ ἱππεύσασ, καὶ περὶ ὧν οἱ νόμοι διαρρήδην οὔτε στρατηγὸν οὔτε ἵππαρχον οὔτε ἄλλον οὐδένα κυριώτερον ἐκείνων ἀποδεικνύουσι, περὶ τούτων ἰδιώτησ ὢν τὴν ἐξουσίαν αὑτῷ δεδωκώσ. ἐγὼ μὲν οὖν καὶ φίλῳ ὄντι Ἀρχεστρατίδῃ βοηθῶν, καὶ Ἀλκιβιάδην ἐχθρὸν ὄντα ἐμαυτοῦ τιμωρούμενοσ, δέομαι τὰ δίκαια ψηφίσασθαι·

ὑμᾶσ δὲ χρὴ τὴν αὐτὴν γνώμην ἔχοντασ τὴν ψῆφον φέρειν, ἥνπερ ὅτε ᾤεσθε πρὸσ τοὺσ πολεμίουσ διακινδυνεύσειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Κατὰ Ἀλκιβιάδου ἀστρατείας

(리시아스, Speeches, Κατὰ Ἀλκιβιάδου ἀστρατείας)

상위

목록

SEARCH

MENU NAVIGATION