Lysias, Speeches, Κατὰ Ἀλκιβιάδου λιποταξίου 42:

ἀλλ’ ὅμωσ τοσούτων συμφορῶν καὶ οὕτωσ αὐτῷ μεγάλων ὑπαρχουσῶν ἐπὶ τῇ τοῦ πατρὸσ πονηρία φιλοτιμεῖται, καὶ λέγει ὡσ οὕτωσ ἐκεῖνοσ μέγα ἐδύνατο, ὥστε τῇ πόλει πάντων <τῶν> κακῶν αἴτιοσ γεγένηται. καίτοι τίσ οὕτωσ ἄπειροσ τῆσ ἑαυτοῦ πατρίδοσ, ὃσ οὐκ ἂν βουλόμενοσ εἶναι πονηρὸσ εἰσηγήσαιτο μὲν τοῖσ πολεμίοισ ἃ χρὴ καταλαβεῖν τῶν χωρίων, δηλώσειε δ’ ἂν ἃ κακῶσ φυλάττεται τῶν φρουρίων, διδάξειε δ’ ἂν ἃ πονηρῶσ ἔχει τῶν πραγμάτων, μηνύσειε δ’ ἂν τοὺσ βουλομένουσ ἀφίστασθαι τῶν συμμάχων;