Lysias, Speeches, Κατὰ Ἀλκιβιάδου λιποταξίου 35:

καὶ τοιαῦθ’ ἡμαρτηκότι καὶ οὕτω δεινὰ καὶ πολλὰ καὶ μεγάλα πεποιηκότι οὔτε τῶν γεγενημένων αὐτῷ μέλει οὔτε τῶν μελλόντων ἔσεσθαι, ἀλλ’ ὃν ἔδει κοσμιώτατον εἶναι τῶν πολιτῶν, ἀπολογίαν ποιούμενον τὸν ἑαυτοῦ βίον τῶν τοῦ πατρὸσ ἁμαρτημάτων, οὗτοσ ἑτέρουσ ὑβρίζειν πειρᾶται, ὥσπερ δυνάμενοσ ἂν πολλοστὸν μέροσ τῶν ὀνειδῶν τῶν ἑαυτῷ προσηκόντων τοῖσ ἄλλοισ μεταδοῦναι, καὶ ταῦθ’ ὑὸσ ὢν Ἀλκιβιάδου, ὃσ ἔπεισε μὲν Δεκέλειαν Λακεδαιμονίουσ ἐπιτειχίσαι, ἐπὶ δὲ τὰσ νήσουσ ἀποστήσων ἔπλευσε, διδάσκαλοσ δὲ τῶν τῆσ πόλεωσ κακῶν ἐγένετο, πλεονάκισ δὲ μετὰ τῶν ἐχθρῶν ἐπὶ τὴν πατρίδα ἐστρατεύσατο ἢ μετὰ τῶν πολιτῶν ἐπ’ ἐκείνουσ.