Lysias, Speeches, Κατὰ Ἀλκιβιάδου λιποταξίου 29:

θαυμάζω δὲ μάλιστα, ὦ ἄνδρεσ δικασταί, εἴ τισ ὑμῶν τὸν Ἀλκιβιάδην ἀξιώσει διὰ μὲν τοὺσ βοηθοῦντασ σῴζεσθαι, διὰ δὲ τὴν αὐτοῦ πονηρίαν μὴ ἀπολέσθαι. ἧσ ἄξιον ὑμᾶσ ἀκοῦσαι, ἵν’ ἐπίστησθε ὅτι οὐκ ἂν εἰκότωσ αὐτοῦ ἀποψηφίζοισθε, ὡσ ταῦτα μὲν ἡμαρτηκότοσ, τὰ δ’ ἄλλα πολίτου χρηστοῦ γεγενημένου· ἐκ γὰρ τῶν ἄλλων τῶν τούτῳ πεπραγμένων δικαίωσ ἂν αὐτοῦ θάνατον καταψηφίζοισθε.