Lysias, Speeches, Κατὰ Ἀλκιβιάδου λιποταξίου 26:

ἐὰν δέ τινεσ τῶν ἀρχόντων βοηθῶσιν αὐτῷ ἐπίδειξιν μὲν τῆσ ἑαυτῶν δυνάμεωσ ποιούμενοι, φιλοτιμούμενοι δὲ ὅτι καὶ τοὺσ φανερῶσ ἡμαρτηκότασ σῴζειν δύνανται, ὑμᾶσ δὲ, χρὴ ὑπολαμβάνειν πρῶτον μὲν ὅτι, εἰ πάντεσ Ἀλκιβιάδῃ ὅμοιοι ἐγένοντο, οὐδὲν ἂν ἔδει τῶν στρατηγῶν οὐδὲ γὰρ <ἂν> εἶχον ὅτου ἡγοῦντο, ἔπειθ’ ὅτι πολὺ μᾶλλον αὐτοὺσ προσήκει τῶν λιπόντων τὴν τάξιν κατηγορεῖν ἢ ὑπὲρ τῶν τοιούτων ἀπολογεῖσθαι. τίσ γὰρ ἔστιν ἐλπὶσ τοὺσ ἄλλουσ ἐθελήσειν ποιεῖν τὰ ὑπὸ τῶν στρατηγῶν προσταττόμενα, ὅταν αὐτοὶ οὗτοι τοὺσ ἀκοσμοῦντασ σῴζειν πειρῶνται;