Lysias, Speeches, Κατὰ Ἀλκιβιάδου λιποταξίου 16:

καὶ μὲν δή, ὦ ἄνδρεσ δικασταί, ἡγοῦμαι δικάζειν ὑμᾶσ οὐ μόνον τῶν ἐξαμαρτανόντων ἕνεκα, ἀλλ’ ἵνα καὶ τοὺσ ἄλλουσ τῶν ἀκοσμούντων σωφρονεστέρουσ ποιῆτε. ἐὰν μὲν τοίνυν τοὺσ ἀγνῶτασ κολάζητε, οὐδεὶσ ἔσται τῶν ἄλλων βελτίων· οὐδεὶσ γὰρ εἴσεται τὰ ὑφ’ ὑμῶν καταψηφισθέντα· ἐὰν δὲ τοὺσ ἐπιφανεστάτουσ τῶν ἐξαμαρτανόντων τιμωρῆσθε, πάντεσ πεύσονται, ὥστε τούτῳ παραδείγματι χρώμενοι βελτίουσ ἔσονται οἱ πολῖται.