Lysias, Speeches, Κατὰ Ἀγοράτου ἐνδείξεως 123:

ἐκ παντὸσ δὲ τρόπου ἔμοιγε δοκεῖ οὐχ ἑνὸσ θανάτου ἄξιοσ εἶναι, ὅστισ φησὶ μὲν ὑπὸ τοῦ δήμου <πεποιῆσθαι>, τὸν δὲ δῆμον, ὃν αὐτόσ φησι πατέρα αὑτοῦ εἶναι, φαίνεται κακώσασ, καθυφεὶσ καὶ προδοὺσ ἐξ ὧν ἐκεῖνοσ μείζων καὶ ἰσχυρότεροσ ἐγίγνετο. ὅστισ οὖν τόν τε γόνῳ πατέρα τὸν αὑτοῦ ἔτυπτε καὶ οὐδὲν παρεῖχε τῶν ἐπιτηδείων, τόν τε ποιητὸν πατέρα ἀφείλετο ἃ ἦν ὑπάρχοντα ἐκείνῳ ἀγαθά, πῶσ οὐ καὶ διὰ τοῦτο κατὰ τὸν τῆσ κακώσεωσ νόμον ἄξιόσ ἐστι θανάτῳ ζημιωθῆναι;