Lysias, Speeches, Κατὰ Ἀγοράτου ἐνδείξεως 2:

προσήκει μέν, ὦ ἄνδρεσ δικασταί, πᾶσιν ὑμῖν τιμωρεῖν ὑπὲρ τῶν ἀνδρῶν οἳ ἀπέθανον εὖνοι ὄντεσ τῷ πλήθει τῷ ὑμετέρῳ, προσήκει δὲ κἀμοὶ οὐχ ἥκιστα· κηδεστὴσ γάρ μοι ἦν Διονυσόδωροσ καὶ ἀνεψιόσ. τυγχάνει οὖν ἐμοὶ ἡ αὐτὴ ἔχθρα πρὸσ Ἀγόρατον τουτονὶ καὶ τῷ πλήθει τῷ ὑμετέρῳ ὑπάρχουσα· ἔπραξε γὰρ οὗτοσ τοιαῦτα, δι’ ἃ ὑπ’ ἐμοῦ νυνὶ εἰκότωσ μισεῖται, ὑπό τε ὑμῶν, ἐὰν θεὸσ θέλῃ, δικαίωσ τιμωρηθήσεται.