Lysias, Speeches, κατὰ Ερατοσθένουσ τοῦ γενομένου τῶν τριάκοντα, ὃν αὐτὸσ εἶπε Λυσίας 22:

καὶ οὐδὲ κατὰ τὸ ἐλάχιστον μέροσ τῆσ οὐσίασ ἐλέου παρ’ αὐτῶν ἐτυγχάνομεν. ἀλλ’ οὕτωσ εἰσ ἡμᾶσ διὰ τὰ χρήματα ἐξημάρτανον, ὥσπερ ἂν ἕτεροι μεγάλων ἀδικημάτων ὀργὴν ἔχοντεσ, οὐ τούτων ἀξίουσ γε ὄντασ τῇ πόλει, ἀλλὰ πάσασ <μὲν> τὰσ χορηγίασ χορηγήσαντασ, πολλὰσ δ’ εἰσφορὰσ εἰσενεγκόντασ, κοσμίουσ δ’ ἡμᾶσ αὐτοὺσ παρέχοντασ καὶ πᾶν τὸ προσταττόμενον ποιοῦντασ, ἐχθρὸν δ’ οὐδένα κεκτημένουσ, πολλοὺσ δ’ Ἀθηναίων ἐκ τῶν πολεμίων λυσαμένουσ· τοιούτων ἠξίωσαν οὐχ ὁμοίωσ μετοικοῦντασ ὥσπερ αὐτοὶ ἐπολιτεύοντο.