헬라어 문장 검색 - Λψσιασ́Σπεεξηέ11́

(리시아스, Speeches, Κατὰ θεομνήστου, Β)

ὅτι μὲν τὸν πατέρα μ’ ἔφασκεν ἀπεκτονέναι, πολλοὶ συνοίδασιν ὑμῶν, καὶ μαρτυροῦσι δέ μοι· ὅτι δὲ οὐ πεποίηκα, δῆλον· ἔτη γὰρ ἐστί μοι δύο καὶ τριάκοντα, ἐξ οὗ δ’ ὑμεῖσ κατήλθετε, εἰκοστὸν τουτί. φαίνομαι οὖν δωδεκαέτησ ὤν, ὅτε ὁ πατὴρ ὑπὸ τῶν τριάκοντα ἀπέθνῃσκεν, ὥστ’ οὐδ’ ὅ τι ὀλιγαρχία ἦν ᾔδη, οὐδὲ τῷ πατρὶ βοηθεῖν οἱο͂́σ τ’ ἦ.

ἀλλὰ μὴν οὐδὲ τῶν χρημάτων ἕνεκα ἐπεβούλευσα αὐτῷ· ὁ γὰρ πρεσβύτεροσ ἀδελφὸσ πάντα λαβὼν ἀπεστέρησεν ἡμᾶσ. ἴσωσ δ’ ἐρεῖ ὡσ οὐκ ἔστι τῶν ἀπορρήτων, ἐάν τισ φῇ τὸν πατέρα ἀπεκτονέναι·

τὸν γὰρ νόμον οὐ ταῦτ’ ἀπαγορεύειν, ἀλλ’ ἀνδροφόνον οὐκ ἐᾶν λέγειν. ἐγὼ δ’ οἶμαι δεῖν οὐ περὶ τῶν ὀνομάτων διαφέρεσθαι, ἀλλὰ περὶ τῆσ τῶν ἔργων διανοίασ, καὶ πάντασ εἰδέναι ὅτι ὁπόσοι ἀπεκτόνασί τινασ, καὶ ἀνδροφόνοι τῶν αὐτῶν εἰσι, καὶ ὅσοι ἀνδροφόνοι τινόσ, καὶ ἀπεκτόνασι τοῦτον. πολὺ γὰρ ἂν ἔργον εἰή τῷ νομοθέτῃ πάντα γράφειν τὰ ὀνόματα, ὅσα τὴν αὐτὴν δύναμιν ἔχει·

ἀλλὰ περὶ ἑνὸσ εἰπὼν περὶ πάντων ἐδήλωσεν. οὐ γὰρ δήπου ἐὰν μέν τισ πατραλοίαν ἢ μητραλοίαν καλῇ σε, ὑπόδικόσ ἐστιν, ἐὰν δέ τισ τὴν τεκοῦσαν ἢ τὸν φυτεύσαντα τύπτειν <φῇ>, ἀζήμιοσ ἔσται. καὶ ἐάν τισ εἴπῃ ῥίψασπιν, ἀθῷοσ ἔσται·

τὸν γὰρ νόμον, ἐάν τισ εἴπῃ ἀποβεβληκέναι τὴν ἀσπίδα, ζημίαν τάττειν, ἀλλ’ οὐκ ἄν τισ ῥῖψαι φῇ αὐτήν. ὁμοίωσ δ’ ἂν καὶ τῶν ἕνδεκα γενόμενοσ οὐκ ἂν ἀπεδέχου τὸν ἀπαγόμενον, ὅτι θοἰμάτιον ἐξέδυέ τινοσ ἢ τὸν χιτωνίσκον, εἰ μὴ λωποδύτην ὠνόμαζεν. οὐδ’ εἴ τισ παῖδ’ ἐξῆγεν, ὡσ ἀνδραποδιστήν·

καὶ αὐτὸσ μὲν ἐδικάσω κακηγορίασ τῷ εἰπόντι σε ῥῖψαι τὴν ἀσπίδα. καίτοι ἐν τῷ νόμῳ οὐ γέγραπται, ἀλλ’ ἐάν τισ φῇ ἀποβεβληκέναι. πῶσ οὖν οὐ δεινόν, ἐὰν μέν τισ σὲ ἔπῃ, τοὺσ νόμουσ ἐκλαμβάνειν οὕτωσ ὥσπερ ἐγὼ νῦν, καὶ τιμωρεῖσθαι τοὺσ ἐχθρούσ, ἐὰν δ’ αὐτὸσ εἴπῃσ, οὐκ ἀξιοῦν δοῦναι δίκην; βοηθήσατε οὖν μοι, ἐνθυμούμενοι ὅτι μεῖζόν ἐστι κακὸν <ἀκοῦσαι> τὸν πατέρα ἀπεκτονέναι ἢ τὴν ἀσπίδα ῥῖψαι.

ἐγὼ γοῦν δεξαίμην <ἂν> πάσασ ἀποβεβληκέναι ἢ τοιαύτην γνώμην περὶ τὸν πατέρα ἔχειν. καίτοι γε τοῦτον μὲν ἑώρακα ποιοῦντα, ὡσ καὶ ὑμεῖσ ἴστε, αὐτὸσ δ’ ἔσωσα τὴν ἀσπίδα. ὥστε διὰ τί οὐκ ἂν λάβοιμι δίκην παρ’ αὐτοῦ; τίνοσ ἐγκλήματόσ μοι ὄντοσ;

πότερον ὡσ δικαίωσ ἤκουσα; ἀλλ’ οὐδ’ ἂν αὐτοὶ φήσαιτε. ἀλλ’ ὡσ βελτίων οὗτοσ; ἀλλ’ οὐδ’ ἂν αὐτὸσ ἀξιώσειεν. ἀλλ’ ὅτι ἀποβεβληκὼσ τὰ ὅπλα σώσαντι δικάζομαι; ἀλλ’ οὐχ οὗτοσ ὁ λόγοσ διέσπαρται κατὰ τὴν πόλιν. μὴ δὴ κακῶσ ἀκούοντα τὰ προσήκοντα ἐλεεῖτε, μηδ’ ὑβρίζοντί τε καὶ λέγοντι παρὰ τοὺσ νόμουσ συγγνώμην ἔχετε, καὶ ταῦτα εἰσ ἄνδρα ὃσ πολλὰσ μὲν στρατηγίασ ἐστρατήγηκε, πολλοὺσ δὲ μεθ’ ὑμῶν <κινδύνουσ> κεκινδύνευκε, καὶ οὔτε τοῖσ πολεμίοισ ὑποχείριοσ γέγονεν οὔθ’ ὑμῖν εὔθυναν ὦφλεν, ἑβδομήκοντα δ’ ἐτῶν ὢν ἐπ’ ὀλιγαρχίασ ἐτελεύτησε διὰ τὴν ὑμετέραν εὔνοιαν. ἄξιον δὲ ὀργισθῆναι ὑπὲρ αὐτοῦ·

τί γὰρ ἂν τούτου ἀνιαρότερον ἀκούσειεν, εἰ τεθνηκὼσ ὑπὸ τῶν ἐχθρῶν αἰτίαν ἔχοι ὑπὸ τῶν τέκνων ἀνῃρῆσθαι;

οὗ τῆσ ἀρετῆσ τὰ μνημεῖα πρὸσ τοῖσ ὑμετέροισ ἱεροῖσ ἀνάκειται, τῆσ δὲ τούτων κακίασ πρὸσ τοῖσ τῶν πολεμίων. ἐρεῖ δὲ ὡσ ὀργισθεὶσ εἴρηκεν.

ὑμεῖσ δ’ ἐνθυμεῖσθε ὅτι ὁ νομοθέτησ οὐδεμίαν συγγνώμην ὀργῇ δίδωσιν, ἀλλὰ ζημιοῖ τὸν λέγοντα, ἐὰν μὴ ἀποδεικνύῃ ἀληθῆ. ἐγὼ δὲ δὶσ περὶ τούτου μεμαρτύρηκα· οὐ γὰρ ᾔδη ὅτι ὑμεῖσ τοὺσ μὲν ἰδόντασ τιμωρεῖσθε, τοῖσ δὲ ἀποβαλοῦσι συγγνώμην ἔχετε. δέομαι οὖν καταψηφίσασθαι αὐτοῦ. νυνὶ γὰρ διώκω μὲν κακηγορίασ, τῇ δ’ αὐτῇ ψήφῳ φόνου φεύγω τοῦ πατρόσ, οὗ μείζων ἀγὼν οὐκ ἂν γένοιτό μοι, ὃσ μόνοσ δοκιμασθεὶσ τοῖσ τριάκοντ’ ἐπεξῆλθον ἐν Ἀρείῳ πάγῳ.

βοηθήσατ’ οὖν κἀκείνῳ κἀμοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Κατὰ θεομνήστου, Β

(리시아스, Speeches, Κατὰ θεομνήστου, Β)

상위

목록

SEARCH

MENU NAVIGATION