Lysias, Speeches, Κατὰ θεομνήστου, Α 38:

οὗτοσ οὖν ἔνοχοσ μὲν ὢν τῇ αἰτίᾳ, ἐλάττονοσ δὲ οὔσησ αὐτῷ τῆσ συμφορᾶσ, οὐ μόνον ὑφ’ ὑμῶν ἠλεήθη, ἀλλὰ καὶ τὸν μαρτυρήσαντα ἠτίμωσεν. ἐγὼ δὲ ἑωρακὼσ μὲν ἐκεῖνο τοῦτον ποιήσαντα ὃ καὶ ὑμεῖσ ἴστε, αὐτὸσ δὲ σώσασ τὴν ἀσπίδα, ἀκηκοὼσ δὲ οὕτωσ ἀνόσιον καὶ δεινὸν πρᾶγμα, μεγίστησ δὲ οὔσησ μοι τῆσ συμφορᾶσ, εἰ ἀποφεύξεται, τούτῳ δ’ οὐδενὸσ ἀξίασ, εἰ κακηγορίασ ἁλώσεται, οὐκ ἄρα δίκην παρ’ αὐτοῦ λήψομαι; τίνοσ ὄντοσ ἐμοὶ πρὸσ ὑμᾶσ ἐγκλήματοσ;