헬라어 문장 검색 - Λψσιασ́Σπεεξηέ09́

(리시아스, Speeches, Ὑπὲρ τοῦ στρατιωτοῦ)

τί ποτε διανοηθέντεσ οἱ ἀντίδικοι τοῦ μὲν πράγματοσ παρημελήκασι, τὸν δὲ τρόπον μου ἐπεχείρησαν διαβάλλειν; πότερον ἀγνοοῦντεσ ὅτι περὶ τοῦ πράγματοσ προσήκει λέγειν; ἢ τόδε μὲν ἐπίστανται, ἡγούμενοι δὲ λήσειν περὶ τοῦ παντὸσ πλείω λόγον ἢ τοῦ προσήκοντοσ ποιοῦνται; ὅτι μὲν οὐκ ἐμοῦ καταφρονήσαντεσ ἀλλὰ τοῦ πράγματοσ τοὺσ λόγουσ ποιοῦνται, σαφῶσ ἐπίσταμαι·

εἰ μέντοι ὑμᾶσ οἰόνται δι’ ἄγνοιαν ὑπὸ τῶν διαβολῶν πεισθέντασ καταψηφιεῖσθαί μου, τοῦτ’ ἂν θαυμάσαιμι. ᾤμην μὲν οὖν, ὦ ἄνδρεσ δικασταί, περὶ τοῦ ἐγκλήματοσ, οὐ περὶ τοῦ τρόπου τὸν ἀγῶνά μοι προκεῖσθαι·

διαβαλλόντων δέ με τῶν ἀντιδίκων ἀναγκαῖόν ἐστι περὶ πάντων <τὴν> ἀπολογίαν ποιήσασθαι. πρῶτον μὲν οὖν περὶ τῆσ ἀπογραφῆσ ὑμᾶσ διδάξω. ἀφικόμενοσ προπέρυσιν εἰσ τὴν πόλιν, οὔπω δύο μῆνασ ἐπιδεδημηκὼσ κατελέγην στρατιώτησ.

αἰσθόμενοσ δὲ τὸ πραχθὲν ὑπετοπούμην εὐθέωσ ἐπὶ μηδενὶ ὑγιεῖ κατειλέχθαι. προσελθὼν οὖν τῷ στρατηγῷ ἐδήλωσα ὅτι ἐστρατευμένοσ εἰήν, ἔτυχον δὲ οὐδενὸσ τῶν μετρίων. προπηλακιζόμενοσ δὲ ἠγανάκτουν μέν, ἡσυχίαν δ’ εἶχον. ἀπορούμενοσ δὲ καὶ συμβουλευόμενόσ τινι τῶν πολιτῶν τί χρήσωμαι τῷ πράγματι, ἐπυθόμην ὡσ καὶ δήσειν με ἀπειλοῖεν, λέγοντεσ ὅτι οὐδὲν ἐλάττω χρόνον Καλλικράτουσ Πολύαινοσ ἐνδημοίη.

κἀμοὶ μὲν τὰ προειρημένα διείλεκτο ἐπὶ τῇ Φιλίου τραπέζῃ· οἱ δὲ μετὰ Κτησικλέουσ τοῦ ἄρχοντοσ, ἀπαγγείλαντόσ τινοσ ὡσ ἐγὼ λοιδοροῖμι, τοῦ νόμου ἀπαγορεύοντοσ ἐάν τισ ἀρχὴν ἐν συνεδρίῳ λοιδορῇ, παρὰ τὸν νόμον ζημιῶσαι ἠξίωσαν.

ἐπιβαλόντεσ δὲ τὸ ἀργύριον πράξασθαι μὲν οὐκ ἐπεχείρησαν, ἐξιούσησ δὲ τῆσ ἀρχῆσ γράψαντεσ εἰσ λεύκωμα τοῖσ ταμίαισ παρέδοσαν. οἵδε μὲν τάδε διεπράξαντο.

οἱ δὲ ταμίαι οὐδὲν ὅμοιον τοῖσδε διανοηθέντεσ, ἀνακαλεσάμενοι δὲ τοὺσ παραδόντασ καὶ τὴν γραφήν, ἐσκοποῦντο τῆσ αἰτίασ τὴν πρόφασιν. ἀκούσαντεσ δὲ τὸ γεγενημένον, ἐννοούμενοι οἱᾶ πεπονθὼσ ἦν, τὸ μὲν πρῶτον ἔπειθον αὐτοὺσ ἀφεῖναι, διδάσκοντεσ ὡσ οὐκ ἐπιεικὲσ εἰή τῶν πολιτῶν τινασ διὰ τὰσ ἔχθρασ ἀναγράφεσθαι, ἀποροῦντεσ δὲ μεταπεῖσαι αὐτούσ, τὸν παρ’ ὑμῶν κίνδυνον ὑποστάντεσ ἄκυρον τὴν ζημίαν ἔκριναν ὅτι μὲν οὖν ἀφείθην ὑπὸ τῶν ταμιῶν, ἐπίστασθε· προσήκειν δὲ ἡγούμενοσ καὶ διὰ ταύτην τὴν ἀπόδειξιν ἀπηλλάχθαι τοῦ ἐγκλήματοσ, ἔτι πλείονασ καὶ νόμουσ καὶ ἄλλασ δικαιώσεισ παρασχήσομαι.

καὶ μοι λαβὲ τὸν νόμον. Νόμοσ τοῦ μὲν νόμου διαρρήδην ἀγορεύοντοσ τοὺσ ἐν τῷ συνεδρίω λοιδοροῦντασ ζημιοῦν ἀκηκόατε· ἐγὼ δ’ ὅτι μὲν οὐκ εἰσῆλθον εἰσ τὸ ἀρχεῖον, μάρτυρασ παρεσχόμην, ἀδίκωσ δὲ ζημιωθεὶσ οὔτ’ ὀφείλω οὔτ’ ἐκτεῖσαι δίκαιόσ εἰμι.

εἰ γὰρ φανερόσ εἰμι μὴ ἐλθὼν εἰσ τὸ συνέδριον, ὁ δὲ νόμοσ τοὺσ ἐντὸσ πλημμελοῦντασ ἀγορεύει τὴν ζημίαν ὀφείλειν, ἠδικηκὼσ μὲν οὐδὲν φαίνομαι, ἔχθρᾳ δὲ ἄνευ τούτου παραλόγωσ ζημιωθείσ.

συνέγνωσαν δὲ καὶ αὐτοὶ σφίσιν ὡσ ἠδικηκότεσ· οὔτε γὰρ εὐθύνασ ὑπέσχον, οὔτε εἰσ δικαστήριον εἰσελθόντεσ τὰ πραχθέντα ψήφῳ κύρια κατέστησαν.

εἰ δ’ οὖν ἐζημίωσαν μὲν οἵδε προσηκόντωσ, ἐκύρωσαν δ’ ἐν ὑμῖν τὴν ἐπιβολήν, τῶν ταμιῶν ἀφέντων εἰκότωσ ἂν τοῦ ἐγκλήματοσ ἀπηλλαγμένοσ εἰήν. εἰ μὲν γὰρ <μὴ> κύριοι ἦσαν πράξασθαι ἢ ἀφεῖναι, ἐννόμωσ ζημιωθεὶσ εὐλόγωσ ἂν ὤφειλον·

εἰ δ’ ἔξεστι μὲν αὐτοῖσ ἀφεῖναι, διδόασι δὲ λόγουσ ὑπὲρ ὧν ἂν διαχειρίζωσιν, εἴ τι ἠδικήκασι, τῆσ προσηκούσησ ῥᾳδίωσ δίκησ τεύξονται. ᾧ μὲν τρόπῳ παρεδόθην καὶ ἐζημιώθην, ἐπίστασθε·

δεῖ δ’ ὑμᾶσ μὴ μόνον τοῦ ἐγκλήματοσ τὴν αἰτίαν ἀλλὰ καὶ τῆσ ἔχθρασ τὴν πρόφασιν εἰδέναι. Σωστράτῳ γὰρ φίλοσ ἐγενόμην πρότερον μὲν τῆσ τούτων ἔχθρασ, εἰδὼσ δὲ περὶ τὴν πόλιν ἄξιον λόγου γεγενημένον. γνώριμοσ δὲ γενόμενοσ διὰ τῆσ ἐκείνου δυναστείασ οὔτ’ ἐχθρὸν ἐτιμωρησάμην οὔτε φίλον ηὐεργέτησα·

ζῶντοσ μὲν γὰρ διὰ τὴν ἀνάγκῃ διὰ τὴν ἡλικίαν ἐσχόλαζον, ἐκλιπόντοσ δὲ τὸν βίον οὔτε λόγῳ οὔτε ἔργῳ ἔβλαψα οὐδένα τῶν κατηγορούντων, ἔχω δὲ καὶ τοιαῦτα εἰπεῖν, ἐξ ὧν ὠφελοίμην ἂν πολὺ δικαιότερον ὑπὸ τῶν ἀντιδίκων ἢ κακῶσ πάσχοιμι. τὴν μὲν οὖν ὀργὴν διὰ τὰ προειρημένα συνεστήσαντο, προφάσεωσ οὐδεμιᾶσ πρὸσ ἔχθραν ὑπαρχούσησ.

ὀμόσαντεσ μὲν οὖν τοὺσ ἀστρατεύτουσ καταλέξειν παρέβησαν τοὺσ ὁρ́κουσ, προὔθεσαν δὲ τῷ πλήθει βουλεύσασθαι περὶ τοῦ σώματοσ, ζημιώσαντεσ μὲν ὡσ τὴν ἀρχὴν λοιδοροῦντα, κατολιγωρήσαντεσ δὲ τοῦ δικαίου, βιαζόμενοι βλάπτειν ἐξ ἅπαντοσ τοῦ λόγου· πᾶν <δ’> ἂν ἔπραξαν μέλλοντεσ μεγάλα μὲν ἐμὲ βλάψειν, πολλὰ δ’ ἑαυτοὺσ ὠφελήσειν, οἵτινεσ οὐδετέρου τούτων ὑπάρχοντοσ πάντα περὶ ἐλάττονοσ ποιοῦνται τοῦ ἀδικεῖν.

ἀλλὰ γὰρ οἳ κατεφρόνησαν τοῦ ὑμετέρου πλήθουσ, οὐδὲ φοβηθῆναι τοὺσ θεοὺσ ἠξίωσαν, ἀλλ’ οὕτωσ ὀλιγώρωσ καὶ παρανόμωσ προσηνέχθησαν, ὥστε ἀπολογήσασθαι μὲν περὶ τῶν πεπραγμένων οὐδ’ ἐπεχείρησαν, τὸ δὲ τελευταῖον, νομίζοντεσ οὐχ ἱκανῶσ με τετιμωρῆσθαι, τὸ πέρασ ἐκ τῆσ πόλεωσ ἐξήλασαν.

διατεθέντεσ δὲ οὕτω παρανόμωσ καὶ βιαίωσ ἐπικρύψασθαι τὴν ἀδικίαν περὶ οὐδενὸσ ἐποιήσαντο, παραγαγόντεσ δὲ πάλιν περὶ τῶν αὐτῶν ἠδικηκότα με οὐδὲν ἐπιδεικνύουσι καὶ λοιδοροῦσι, τοῖσ μὲν ἐμοῖσ ἐπιτηδεύμασιν οὐ προσηκούσασ διαβολὰσ ἐπιφέροντεσ, τοῖσ δ’ αὑτῶν τρόποισ τὰσ οἰκείασ καὶ συνήθεισ.

οἵδε μὲν οὖν ἐκ παντὸσ τοῦ τρόπου προθυμοῦνταί με τῇ δίκῃ ἁλῶναι·

ὑμεῖσ δὲ μήτε ταῖσ τούτων διαβολαῖσ ἐπαρθέντεσ ἐμοῦ καταψηφίσησθε, μήτε τοὺσ βέλτιον καὶ δικαίωσ βουλευσαμένουσ ἀκύρουσ καταστήσητε. οἵδε μὲν γὰρ ἅπαντα καὶ κατὰ τοὺσ νόμουσ καὶ κατὰ τὸ εἰκὸσ ἔπραξαν, καὶ ἠδικηκότεσ μὲν οὐδὲν φαίνονται, λόγον δὲ πλεῖστον τοῦ δικαίου ποιησάμενοι. τούτων μὲν οὖν ἀδικούντων μετρίωσ ἂν ἠγανάκτουν, ἡγούμενοσ τετάχθαι τοὺσ μὲν ἐχθροὺσ κακῶσ ποιεῖν, τοὺσ δὲ φίλουσ εὖ·

παρ’ ὑμῶν δὲ τοῦ δικαίου στερηθεὶσ πολὺ ἂν μᾶλλον λυπηθείην. δι’ ἔχθραν μὲν γὰρ οὐ δόξω κακῶσ πεπονθέναι, διὰ κακίαν δὲ τῆσ πόλεωσ. λόγῳ μὲν οὖν περὶ τῆσ ἀπογραφῆσ ἀγωνίζομαι, ἔργῳ δὲ περὶ πολιτείασ.

τυχὼν μὲν γὰρ τῶν δικαίων πιστεύω δὲ τῇ ὑμετέρα γνώμῃ μείναιμι ἂν <ἐν> τῇ πόλει· παραχθεὶσ δὲ ὑπὸ τῶνδε εἰ ἀδίκωσ ἁλοίην, ἀποδραίην ἄν. τίνι γὰρ ἐπαρθέντα ἐλπίδι δεῖ με συμπολιτεύεσθαι, ἢ τί με χρὴ διανοηθέντα, εἰδότα μὲν τῶν ἀντιδίκων τὴν προθυμίαν, ἀποροῦντα δ’ ὅθεν χρὴ τῶν δικαίων τινὸσ τυχεῖν; περὶ πλείστου οὖν ποιησάμενοι τὸ δίκαιον, καὶ ἐνθυμηθέντεσ ὅτι καὶ ὑπὲρ τῶν περιφανῶν ἀδικημάτων συγγνώμην ποιεῖσθε, τοὺσ μηδὲν ἀδικήσαντασ διὰ τὰσ ἔχθρασ μὴ περιίδητε ἀδίκωσ τοῖσ μεγίστοισ ἀτυχήμασι περιπεσόντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Ὑπὲρ τοῦ στρατιωτοῦ

(리시아스, Speeches, Ὑπὲρ τοῦ στρατιωτοῦ)

상위

목록

SEARCH

MENU NAVIGATION