Lysias, Speeches, Κατηγορία πρὸσ τοὺσ συνουσιαστὰσ κακολογιῶν 9:

καὶ μὴν οὐδὲν αὐτὸσ ἐξηῦρον ὁπόθεν ἂν εἰκότωσ ὑπερείδετε τὴν ἐμὴν ὁμιλίαν. οὔτε γὰρ ὑμᾶσ σοφωτάτουσ ἑώρων ὄντασ, ἐμαυτὸν δ’ ἀμαθέστατον, οὐ μὴν οὐδὲ πολυφίλουσ ὑμᾶσ, ἐμαυτὸν δ’ ἔρημον φίλων, οὐδ’ αὖ πλουτοῦντασ, ἐμὲ δὲ πενόμενον, οὐδ’ αὖ ὑμᾶσ μὲν ὑπερευδοκιμοῦντασ, ἐμαυτὸν δὲ διαβεβλημένον, οὐδὲ τὰ μὲν ἐμὰ πράγματα κινδυνεύοντα, τὰ δ’ ὑμέτερα ἀσφαλῶσ ἔχοντα. πόθεν ἂν οὖν εἰκότωσ ὑπώπτευον ἄχθεσθαί μοι συνόντι;