헬라어 문장 검색 - Λψσιασ́Σπεεξηέ08́

(리시아스, Speeches, Κατηγορία πρὸσ τοὺσ συνουσιαστὰσ κακολογιῶν)

ἐπιτήδειόν μοι δοκῶ καιρὸν εἰληφέναι περὶ ὧν εἰπεῖν ἐβουλόμην πάλαι· πάρεισι μὲν γὰρ οἷσ ἐπεγκαλῶ, πάρεισι δὲ ὧν ἐναντίον ἐπιθυμῶ μέμψασθαι τοῖσ ἀδικοῦσιν ἐμέ. καίτοι πολλῷ πλείων ἐστὶ σπουδὴ πρὸσ τοὺσ παρόντασ· τοὺσ μὲν γὰρ <παρ’> οὐδὲν οἶμαι τιμήσειν, εἰ τοῖσ ἐπιτηδείοισ ἀνεπιτήδειοι δόξουσιν εἶναι τὴν γὰρ ἀρχὴν οὐδ’ ἂν ἐπεχείρουν ἐξαμαρτάνειν εἰσ ἐμὲ, τοῖσ δὲ βουλοίμην ἂν δόξαι μηδὲν ἀδικῶν τούτουσ ὑπὸ τούτων ἀδικεῖσθαι πρότερον. ἀνιαρὸν μὲν οὖν ἀναγκάζεσθαι λέγειν περὶ τούτων, ἀδύνατον δὲ μὴ λέγειν, ὅταν ἐναντίον τῆσ ἐλπίδοσ κακῶσ πάσχω καὶ τοὺσ δοκοῦντασ εἶναι φίλουσ ἀδικοῦντασ εὑρίσκω.

πρῶτον μὲν οὖν, ἵνα μή τισ ὑμῶν τάχα δὴ βοηθῶν οἷσ ἐξημάρτηκε πρόφασιν πορίσηται τῆσ ἁμαρτίασ, εἰπάτω οὖν τίσ ὑμῶν ὑπ’ ἐμοῦ κακῶσ ἀκήκοεν ἢ πέπονθεν, ἢ τίσ ἐμοῦ δεηθεὶσ οὐκ ἔτυχεν ὧν ἐγώ τε δυνατὸσ ἦ κἀκεῖνοσ ἐπήγγειλε.

‐ τί δῆτά με κακῶσ τὰ μὲν λέγειν τὰ δὲ ποιεῖν χειρεῖτε, καὶ ταῦτα πρὸσ τούτουσ ἡμᾶσ διαβάλλειν, οὓσ πρὸσ ἡμᾶσ αὐτοὺσ διεβάλλετε; καίτοι οὕτωσ ἠνωχλεῖτε, ὥστε περὶ πλείονοσ ἐποιήσατό <τισ> δοκεῖν ἐμοῦ κήδεσθαι, ἢ ἄλλον ἐμοὶ κατειπεῖν.

ἃ δ’ ἔλεγε, πάντα μὲν οὐκ ἂν εἴποιμι καὶ γὰρ ἀκούων ἠχθόμην οὐδ’ ἂν ὑμῖν ἐπικαλῶν, ὅτι ἐλέγετε κατ’ ἐμοῦ, ταὐτὰ λέξαιμι. καὶ γὰρ ἂν ἀπολύοιμι τῆσ αἰτίασ ὑμᾶσ, εἴπερ ὑμῖν ταὐτὰ λέγοιμι περὶ ἐμαυτοῦ· ἃ δὲ ὑβρίζειν οἰόμενοι ἐμὲ καταγελάστουσ ὑμᾶσ αὐτοὺσ ἐποιεῖτε, ταῦτα λέξω.

βίᾳ γὰρ ὑμῖν ἐφάσκετέ με ξυνεῖναι καὶ διαλέγεσθαι, καὶ πάντα ποιοῦντεσ οὐκ ἔχειν ὅπωσ ἀπαλλαγῆτέ μου, καὶ τὸ τελευταῖον ἀκόντων ὑμῶν Ἐλευσῖνάδε ξυνθεωρεῖν. καὶ ταῦτα λέγοντεσ οἰέσθε μὲν ἐμὲ κακολογεῖν, ἀποφαίνετε δὲ σκαιοτάτουσ ἑαυτούσ, οἵτινεσ μὲν ὑπὸ τὸν αὐτὸν χρόνον τὸν αὐτὸν ἄνδρα λάθρᾳ μὲν ἐλοιδορεῖτε, φανερῶσ δὲ φίλον ἐνομίζετε. χρῆν γὰρ ὑμᾶσ ἢ μὴ κακῶσ λέγειν ἢ μὴ ξυνεῖναι, καὶ ταῦτα φανερῶσ ἀπειπόντασ ὁμιλίαν.

εἰ δὲ αἰσχρὸν ἡγεῖσθε τοῦτο, πῶσ αἰσχρὸν ἦν ὑμῖν ξυνεῖναι, πρὸσ οὓ οὐδὲ ἀπειπεῖν καλὸν ἡγεῖσθε; καὶ μὴν οὐδὲν αὐτὸσ ἐξηῦρον ὁπόθεν ἂν εἰκότωσ ὑπερείδετε τὴν ἐμὴν ὁμιλίαν.

οὔτε γὰρ ὑμᾶσ σοφωτάτουσ ἑώρων ὄντασ, ἐμαυτὸν δ’ ἀμαθέστατον, οὐ μὴν οὐδὲ πολυφίλουσ ὑμᾶσ, ἐμαυτὸν δ’ ἔρημον φίλων, οὐδ’ αὖ πλουτοῦντασ, ἐμὲ δὲ πενόμενον, οὐδ’ αὖ ὑμᾶσ μὲν ὑπερευδοκιμοῦντασ, ἐμαυτὸν δὲ διαβεβλημένον, οὐδὲ τὰ μὲν ἐμὰ πράγματα κινδυνεύοντα, τὰ δ’ ὑμέτερα ἀσφαλῶσ ἔχοντα. πόθεν ἂν οὖν εἰκότωσ ὑπώπτευον ἄχθεσθαί μοι συνόντι; καὶ ταῦτα δ’ ὅτε πρὸσ τοὺσ τελευταίουσ ἐλέγετ’ οὐκ ᾤεσθε ἀπαγγελεῖν ἡμῖν, κἀνταῦθα σόφισμα καλὸν ἡγούμενοι περιήλθετε πάντασ ὑμῶν αὐτῶν κατηγοροῦντεσ ὅτι πονηροῖσ ἑκόντεσ ὁμιλεῖτε.

περὶ μὲν οὖν τοῦ λέγοντοσ οὐδὲν ἂν περαίνοιτε πυνθανόμενοι.

πρῶτον μὲν γὰρ εἰδότεσ ἐρήσεσθε τὸν εἰπόντα μοι· πῶσ γὰρ οὐκ ἴστε πρὸσ ὃν ἐλέγετε τὸν λόγον; ἔπειτα κακὸσ ἂν εἰήν, εἰ ταὐτὰ ποιήσαιμι αὐτὸν ἅπερ ἐκεῖνοσ ὑμᾶσ.

οὐ γὰρ ἐπὶ τοῖσ αὐτοῖσ ἐκεῖνοσ ἡμῖν ἀπήγγελλεν, ἐφ’ οἷπερ ὑμεῖσ ἐλέγετε πρὸσ ἐκεῖνον. ἐκεῖνοσ μὲν γὰρ ἐμοὶ χαριζόμενοσ ἀπήγγειλε τοῖσ ἐμοῖσ ἀναγκαίοισ, ὑμεῖσ δὲ βλάπτειν ἐμὲ βουλόμενοι πρὸσ ἐκεῖνον ἐλέγετε. καὶ ταῦτα εἰ μὲν ἠπίστουν, ἐξελέγχειν ἂν ἐζήτουν· νῦν δὲ ξυμβαίνει γὰρ καὶ ταῦτα τοῖσ πρὸ τοῦ, καὶ ἐμοὶ σημεῖα ταῦτα μὲν ἐκείνων ἐστίν, ἐκεῖνα δὲ τούτων ἱκανά πρῶτον μὲν ἅπαντα δι’ ὑμῶν πράξαντά με περὶ τῆσ θέσεωσ τοῦ ἵππου πρὸσ Ἡγέμαχον, κάμνοντα τὸν ἵππον ἀνάγειν με βουλόμενον Διόδωροσ οὑτοσὶ ἀποτρέπειν ἐπειρᾶτο, φάσκων οὐδὲν ἀντιλέξειν περὶ τῶν δώδεκα μνῶν Πολυκλέα, ἀλλ’ ἀποδώσειν. τότε λέγων ταῦτα, μετὰ τὸν θάνατον τοῦ ἵππου κατέστη τελευτῶν ἀντίδικοσ μετὰ τούτων, λέγων ὡσ οὐ δίκαιόν με εἰή κομίσασθαι τὸ ἀργύριον.

καίτοιγε σφῶν γε αὐτῶν κατηγόρουν.

εἰ γὰρ ἃ μετὰ τούτων <ἔπραττον> ἀδικουμένῳ μοι μηδὲν ἦν δίκαιον εἰπεῖν, ἦ που κακῶσ συνέπραττον. καὶ ἐγὼ μὲν ᾤμην φιλοσοφοῦντασ αὐτοὺσ περὶ τοῦ πράγματοσ ἀντιλέγειν τὸν ἐναντίον λόγον· οἱ δ’ ἄρα οὐκ ἀντέλεγον ἀλλ’ ἀντέπραττον, καὶ διὰ τοῦτο ἀντέλεγον, ἵνα τὸν ἐμὸν λόγον εἰδείη Πολυκλῆσ· ἐδηλώθη γὰρ ταῦτα.

παρόντων τῶν διαιτητῶν ὀργιζόμενοσ ὁ Πολυκλῆσ εἶπεν ὅτι καὶ τοῖσ ἐμοῖσ ἐπιτηδείοισ ἀδικεῖν δοκοίην, ὡσ πρὸσ ἐκεῖνον λέγοιεν. ἆρά γε ταῦτα ξυμβαίνει τοῖσ ἀπαγγελλομένοισ; ὁ γὰρ αὐτὸσ ἀπήγγειλεν ὡσ τοὺσ ὑπὲρ ἐμοῦ μέλλοντασ λέγειν ἀποτρέψειν φάσκοιτε, τοὺσ δέ τινασ ἤδη κωλύσαιτε. καὶ ταῦτα τί με δεῖ φανερώτερον ἐξελέγχειν ἔτι; φέρε γάρ, ᾔδει ποτ’ ἐκεῖνοσ ὅτι Κλειτοδίκου δεηθεὶσ ἐπιλέγειν οὐκ ἔτυχον; οὐ γὰρ δὴ παρῆν τούτοισ·

ἢ τί κέρδοσ ἦν αὐτῷ διαβάλλειν ἐμὲ πρὸσ ὑμᾶσ οὕτω προθύμωσ, ὥστε σπουδάσαι πρὸσ τοὺσ ἐμοὺσ ἀναγκαίουσ πλάσασθαι ταῦτα; γιγνώσκω δὲ νῦν ἤδη καὶ πάλαι ζητοῦντασ πρόφασιν, ἡνίκα Θρασύμαχον ὑμᾶσ ἐφάσκετε κακῶσ λέγειν δι’ ἐμέ.

καὶ ἐγὼ μὲν ἠρώτων αὐτὸν εἰ δι’ ἐμὲ κακῶσ λέγοι Διόδωρον· ὁ δὲ τοσοῦτον ὑπερεῖδε τὸ δι’ ἐμέ· πολλοῦ γὰρ δεῖν ἔφη δι’ ὁντινοῦν εἰρηκέναι Διόδωρον κακῶσ. καὶ ταῦτα προσάγοντοσ ἐμοῦ πρόθυμοσ ὁ Θρασύμαχοσ ἦν ἐξελέγχεσθαι, περὶ ὧν οὗτοσ ἔλεγεν· οὗτοσ δὲ πάντ’ ἂν μᾶλλον διεπράττετο.

μετὰ τοῦτο Αὐτοκράτησ ἐμοῦ παρόντοσ Θρασυμάχω ἔλεγεν Εὐρυπτόλεμον αὐτῷ μέμφεσθαι, φάσκοντα κακῶσ ἀκούειν ὑπ’ αὐτοῦ· τὸν ἀπαγγέλλοντα δὲ εἶναι Μηνόφιλον. εὐθὺσ δ’ ἐκεῖνοσ ἐπὶ τὸν Μηνόφιλον ἐβάδιξε μετ’ ἐμοῦ· κἀκεῖνοσ οὔτε ἀκοῦσαι πώποτε ἔφασκεν οὔτε ἀπαγγεῖλαι πρὸσ Εὐρυπτόλεμον, καὶ οὐ ταῦτα μόνον, ἀλλ’ οὐδὲ διειλέχθαι πολλοῦ χρόνου. τοιαύτασ προφάσεισ προφασιζόμενοι τότε μὲν ἐκ τῆσ ἐμῆσ καὶ Θρασυμάχου συνουσίασ ἐστὲ φανεροί, νῦν δὲ ἐπειδὴ ἐκλελοίπασιν ὑμᾶσ αἱ προφάσεισ, ἐλευθεριώτερόν με κακῶσαι λείπετε ἤδη οὐδέν.

χρῆν μὲν οὖν τότε με γιγνώσκειν ὀφειλόμενόν μοι ταῦτα παθεῖν, ὅτε καὶ πρὸσ ἐμὲ περὶ ὑμῶν αὐτῶν ἐλέγετε κακῶσ· ἔπειτα καὶ περὶ Πολυκλέουσ, ᾧ νυνὶ βοηθεῖτε, πάντ’ εἴρηκα πρὸσ ὑμᾶσ. κατὰ τί δὴ ταῦτα <οὐκ> ἐφυλαττόμην; εὐήθέσ τι ἔπαθον.

ᾤμην γὰρ ἀπόθετοσ ὑμῖν εἶναι φίλοσ τοῦ μηδὲν ἀκοῦσαι κακὸν δι’ αὐτὸ τοῦτο, διότι πρὸσ ἐμὲ τοὺσ ἄλλουσ ἐλέγετε κακῶσ, παρακαταθήκην ἔχων ὑμῶν παρ’ ἑκάστου λόγουσ πονηροὺσ περὶ ἀλλήλων. ἐγὼ τοίνυν ἑκὼν ὑμῖν ἐξίσταμαι τῆσ φιλίασ, ἐπεί τοι μὰ τοὺσ θεοὺσ οὐκ οἶδ’ ὅ τι ζημιωθήσομαι μὴ ξυνὼν ὑμῖν·

οὐδὲ γὰρ ὠφελούμην ξυνών. πότερον γάρ, ὅταν ᾖ τί μοι πρᾶγμα, τότε ποθέσομαι τὸν ἐροῦντα καὶ τοὺσ μαρτυρήσοντασ; καὶ νῦν ἀντὶ μὲν τοῦ λέγειν ὑπὲρ ἐμοῦ τὸν λέγοντα πειρᾶσθε ἀντὶ δὲ τοῦ βοηθεῖν ἐμοὶ καὶ μαρτυρεῖν τὰ δίκαια ξύνεστε τοῖσ ἐμοῖσ ἀντιδίκοισ καὶ μαρτυρεῖτε. ἀλλ’ ὡσ εὖνοι ὄντεσ ἐμοὶ τὰ βέλτιστα ἐρεῖτε περὶ ἐμοῦ;

ἀλλὰ καὶ νῦν ὑμεῖσ με μόνοι κακῶσ λέγετε. τὸ μὲν οὖν ἐμὸν οὐκ ἐμποδὼν ὑμῖν ἔσται. τοιοῦτον δ’ ἄρα πρὸσ ὑμᾶσ αὐτοὺσ πείσεσθε, ἐπειδή περ ὑμῖν ἔθοσ ἐστὶν ἕνα τῶν ξυνόντων ἀεὶ κακῶσ λέγειν καὶ ποιεῖν· ἐπειδὰν ὑμῖν ἐγὼ μὴ ξυνῶ, πρὸσ ὑμᾶσ αὐτοὺσ τρέψεσθε, κἄπειτα καθ’ ἕνα ἕκαστον ὑμῖν αὐτοῖσ ἀπεχθήσεσθε, τὸ δὲ τελευταῖον εἷσ ὁ λειπόμενοσ αὐτὸσ αὑτὸν κακῶσ ἐρεῖ. κερδανῶ δὲ τοσοῦτον, ὅτι πρῶτοσ νῦν ὑμῶν ἀπαλλαγεὶσ ἐλάχιστα κακῶσ ὑφ’ ὑμῶν πείσομαι·

τοὺσ μὲν γὰρ χρωμένουσ ὑμῖν κακῶσ καὶ λέγετε καὶ ποιεῖτε, τῶν δὲ μὴ χρωμένων οὐδένα πώποτε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Κατηγορία πρὸσ τοὺσ συνουσιαστὰσ κακολογιῶν

(리시아스, Speeches, Κατηγορία πρὸσ τοὺσ συνουσιαστὰσ κακολογιῶν)

상위

목록

SEARCH

MENU NAVIGATION