Lysias, Speeches, Ἀρεοπαγιτικὸσ περὶ τοῦ σηκοῦ ἀπολογία 13:

ὃσ δύο ἔτη ἐγεώργησεν, οὔτε ἰδίαν ἐλάαν οὔτε μορίαν οὔτε σηκὸν παραλαβών. τρίτῳ δὲ ἔτει Δημήτριοσ οὑτοσὶ εἰργάσατο ἐνιαυτόν· τῷ δὲ τετάρτῳ Ἀλκίᾳ Ἀντισθένουσ ἀπελευθέρῳ ἐμίσθωσα, ὃσ τέθνηκε· κᾆτα τρία ἔτη ὁμοίωσ καὶ Πρωτέασ ἐμισθώσατο. καί μοι δεῦρ’ ἴτε, μάρτυρεσ. Μάρτυρεσ ἐπειδὴ τοίνυν ὁ χρόνοσ οὗτοσ ἐξήκει, αὐτὸσ γεωργῶ. φησὶ δὲ ὁ κατήγοροσ ἐπὶ Σουνιάδου ἄρχοντοσ σηκὸν ὑπ’ ἐμοῦ ἐκκεκόφθαι.