Lysias, Speeches, Ἀρεοπαγιτικὸσ περὶ τοῦ σηκοῦ ἀπολογία 3:

οὕτω δ’ ἄποροσ ὁ ἀγών μοι καθέστηκεν, ὥστε ἀπεγράφην τὸ μὲν πρῶτον ἐλάαν ἐκ τῆσ γῆσ ἀφανίζειν, καὶ πρὸσ τοὺσ ἐωνημένουσ τοὺσ καρποὺσ τῶν μορίων πυνθανόμενοι προσῇσαν· ἐπειδὴ δ’ ἐκ τούτου τοῦ τρόπου ἀδικοῦντά με οὐδὲν εὑρεῖν ἐδυνήθησαν, νυνί με σηκόν <φασιν> ἀφανίζειν, ἡγούμενοι ἐμοὶ μὲν ταύτην τὴν αἰτίαν ἀπορωτάτην εἶναι ἀπελέγξαι, αὐτοῖσ δὲ ἐξεῖναι μᾶλλον ὅ τι ἂν βούλωνται λέγειν.