Lysias, Speeches, Κατ’ Ἀνδοκίδου ἀσεβείας 69:

βούλομαι τοίνυν εἰπεῖν ἃ Διοκλῆσ ὁ Ζακόρου τοῦ ἱεροφάντου, πάπποσ δὲ ἡμέτεροσ, συνεβούλευσε βουλευομένοισ ὑμῖν ὅ τι δεῖ χρῆσθαι Μεγαρεῖ ἀνδρὶ ἠσεβηκότι. κελευόντων γὰρ ἑτέρων ἄκριτον παραχρῆμα ἀποκτεῖναι, παρῄνεσε κρῖναι τῶν ἀνθρώπων ἕνεκα, ἵνα ἀκούσαντεσ καὶ ἰδόντεσ σωφρονέστεροι οἱ ἄλλοι ὦσι, τῶν δὲ θεῶν ἕνεκα οἴκοθεν ἕκαστον, ἃ δεῖ τὸν ἀσεβοῦντα παθεῖν, αὐτὸν παρ’ ἑαυτῷ κεκρικότα εἰσ τὸ δικαστήριον εἰσιέναι.