헬라어 문장 검색 - Λψσιασ́Σπεεξηέ05́

(리시아스, Speeches, Ὑπὲρ Καλλίου ἱεροσυλίασ ἀπολογία)

εἰ μὲν περὶ ἄλλου τινὸσ ἢ τοῦ σώματοσ, ὦ ἄνδρεσ δικασταί, Καλλίασ ἠγωνίζετο, ἐξήρκει ἄν μοι καὶ τὰ παρὰ τῶν ἄλλων εἰρημένα· νῦν δέ μοι δοκεῖ αἰσχρὸν εἶναι, κελεύοντοσ καὶ δεομένου, καὶ φίλου ὄντοσ καὶ ἐμοὶ καὶ ἑώσ ἔζη τῷ πατρί, καὶ πολλῶν συμβολαίων ἡμῖν πρὸσ ἀλλήλουσ γεγενημένων, μὴ βοηθῆσαι Καλλία τὰ δίκαια, ὅπωσ ἂν δύνωμαι. ἐνόμιζον μὲν οὖν οὕτωσ μετοικεῖν αὐτὸν ἐν ταύτῃ τῇ πόλει, ὥστε πολὺ πρότερον ἀγαθοῦ τινοσ τεύξεσθαι παρ’ ὑμῶν ἢ ἐπὶ τοιαύταισ αἰτίαισ εἰσ τοσοῦτον κίνδυνον καταστήσεσθαι·

νῦν δὲ οἱ ἐπιβουλεύοντεσ οὐχ ἧττον ἐπικίνδυνον ποιοῦσι τὸν βίον τοῖσ μηδὲν ἀδικοῦσιν ἢ τοῖσ πολλῶν κακῶν αἰτίοισ οὖσιν. ὑμᾶσ δὲ ἄξιον μὴ τοὺσ μὲν τῶν θεραπόντων λόγουσ πιστοὺσ νομίζειν, τοὺσ δὲ τούτων ἀπίστουσ, ἐνθυμουμένουσ ὅτι Καλλίᾳ μὲν οὐδεὶσ πώποτε οὔτ’ ἰδιώτησ ἐνεκάλεσεν οὔτε ἄρχων, οἰκῶν δ’ ἐν ταύτῃ τῇ πόλει πολλὰ μὲν ἀγαθὰ ὑμᾶσ ἐποίησεν, οὐδεμίαν δὲ σχὼν αἰτίαν εἰσ τοῦτο τῆσ ἡλικίασ ἀφῖκται, οὗτοι δὲ ἐν ἅπαντι τῷ βίῳ μεγάλα ἡμαρτηκότεσ καὶ πολλῶν κακῶν πεπειραμένοι, ὥσπερ ἀγαθοῦ τινοσ αἴτιοι γεγενημένοι περὶ ἐλευθερίασ νυνὶ ποιοῦνται τοὺσ λόγουσ.

καὶ οὐ θαυμάζω· ἴσασι γὰρ ὅτι, ἐὰν <μὲν> ψευδόμενοι ἐλεγχθῶσιν, οὐδὲν μεῖζον τῶν ὑπαρχόντων πείσονται, ἐὰν δὲ ἐξαπατήσωσι, τῶν παρόντων κακῶν ἔσονται ἀπηλλαγμένοι.

καίτοι τοὺσ τοιούτουσ οὔτε κατηγόρουσ οὔτε μάρτυρασ πιστοὺσ χρὴ νομίζειν εἶναι, οἵτινεσ αὐτοὶ μεγάλα κερδαίνοντεσ περὶ ἑτέρων ποιοῦνται τοὺσ λόγουσ, ἀλλὰ πολὺ μᾶλλον ὅσοι τῷ δημοσίῳ βοηθοῦντεσ εἰσ κινδύνουσ σφᾶσ αὐτοὺσ καθιστᾶσιν. ἄξιον δέ μοι δοκεῖ εἶναι οὐ τούτων ἴδιον ἡγεῖσθαι τὸν ἀγῶνα, ἀλλὰ κοινὸν ἁπάντων τῶν ἐν τῇ πόλει·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lysias, Speeches, Ὑπὲρ Καλλίου ἱεροσυλίασ ἀπολογία

(리시아스, Speeches, Ὑπὲρ Καλλίου ἱεροσυλίασ ἀπολογία)

상위

목록

SEARCH

MENU NAVIGATION