Lysias, Speeches, Ἐπιτάφιοσ τοῖσ Κορινθίων βοηθοῖς 89:

τί γὰρ ἂν τούτων ἀνιαρότερον γένοιτο, ἢ τεκεῖν μὲν καὶ θρέψαι καὶ θάψαι τοὺσ αὑτῶν, ἐν δὲ τῷ γήρᾳ ἀδυνάτουσ μὲν εἶναι τῷ σώματι, πασῶν δ’ ἀπεστερημένουσ τῶν ἐλπίδων ἀφίλουσ καὶ ἀπόρουσ γεγονέναι, ὑπὲρ δὲ τῶν αὐτῶν πρότερον ζηλοῦσθαι καὶ νῦν ἐλεεῖσθαι, ποθεινότερον δ’ αὐτοῖσ εἶναι τὸν θάνατον τοῦ βίου; ὅσῳ γὰρ ἄνδρεσ ἀμείνουσ ἦσαν, τοσούτῳ τοῖσ καταλειπομένοισ τὸ πένθοσ μεῖζον.