Lysias, Speeches, Ἐπιτάφιοσ τοῖσ Κορινθίων βοηθοῖς 31:

ταῦτα μιᾷ γνώμῃ πάντεσ γνόντεσ ἀπήντων ὀλίγοι πρὸσ πολλούσ· ἐνόμιζον γὰρ ἀποθανεῖν μὲν αὐτοῖσ μετὰ πάντων προσήκειν, ἀγαθοὺσ δ’ εἶναι μετ’ ὀλίγων, καὶ τὰσ μὲν ψυχὰσ ἀλλοτρίασ διὰ τὸν θάνατον κεκτῆσθαι, τὴν δ’ ἐκ τῶν κινδύνων μνήμην ἰδίαν καταλείψειν. ἠξίουν δέ, οὓσ μὴ μόνοι νικῷεν, οὐδ’ ἂν μετὰ τῶν συμμάχων δύνασθαι· καὶ ἡττηθέντεσ μὲν ὀλίγῳ τῶν ἄλλων προαπολεῖσθαι, νικήσαντεσ δὲ καὶ τοὺσ ἄλλουσ ἐλευθερώσειν.