Lysias, Speeches, Ὑπὲρ τοῦ Ἐρατοσθένουσ φόνου ἀπολογία 39:

καὶ οὕτω σφόδρα ὁ νομοθέτησ ἐπὶ ταῖσ γαμεταῖσ γυναιξὶ δίκαια ταῦτα ἡγήσατο εἶναι, ὥστε καὶ ἐπὶ ταῖσ παλλακαῖσ ταῖσ ἐλάττονοσ ἀξίαισ τὴν αὐτὴν δίκην ἐπέθηκε. καίτοι δῆλον ὅτι, εἴ τινα εἶχε ταύτησ μείζω τιμωρίαν ἐπὶ ταῖσ γαμεταῖσ, ἐποίησεν ἄν. νῦν δὲ οὐχ οἱο͂́σ τε ὢν ταύτησ ἰσχυροτέραν ἐπ’ ἐκείναισ ἐξευρεῖν, τὴν αὐτὴν καὶ ἐπὶ ταῖσ παλλακαῖσ ἠξίωσε γίγνεσθαι. ἀνάγνωθι δέ μοι καὶ τοῦτον τὸν νόμον. Νόμοσ ἀκούετε, ἄνδρεσ, ὅτι κελεύει, ἐάν τισ ἄνθρωπον ἐλεύθερον ἢ παῖδα αἰσχύνῃ βίᾳ, διπλῆν τὴν βλάβην ὀφείλειν·